¹ Bulus, wundik Yeso Kiristi ɗeyi majiri ki n daltu Ndeyi, ki Sistanisu bamu, ² a tong bi ɗonshu Ndeyi a Korintiya, Nzuni yo tikansu a tong bomu a bano Yeso Kiristi, biyai bu'uno. Muni mu ture shaf ki ngoi a wunda suni Bomu a bano Yeso Kiristi a lei tiya, Bosu a bano ki yomu. ³ Barka ki lahiya gyemku ki gya Ndeyi bomu ki Bomu a bano Yeso Kiristi. ⁴ Ne lei tamiya ne kunna Ndeyi bo yoku ki ka barkak Ndeyi so masihu onku. ⁵ Ngu ɗeyanku ana dara lei ki lahai yiya, shaf ki eni ki mantu. ⁶ Si matinko a dara, kit shida yo masihu deiyin jire tintilku. ⁷ Ki ka'a ngu yak lanko kelui bu'uno ei onanko bu kit yo geshe tong hinɗa bomu a bano masihu Yeso. ⁸ Si a onku geɗo har bo erno to, ki ka ngu deiyi wara lelhi a sommoɗi bomu a bano Yeso. ⁹ Ndeyi a ndaltu, yo ishe tong zomuk Lahni, Yeso Kiristi Bomu a Bano. ¹⁰ Ne donsha nguni, yagenakuno, a tong sun bomu a bano Yeso Kiristi, ɗo bonaku deyi modi, ki ka ɗeiyik tika ka hototku bu. Ne anshegku ngu gomte ka dibnat ku ki zoha tilinku. ¹¹ yagena kuno, biyai ban Kuluwi anano ta, andi titika ka hototku. ¹² Ne manoti ka'a: Lei ngoiyiya hotonku anshe ta, "Ne'en yo Bulus," nama doma "Ne'en yo Apolos,"ɗo "Ne'en yo Kefas," na ɗoma "Ne'en yo Kiristi." ¹³ Kiristi tikeno ɗo? Lonkagko Bulus ki kat ku ɗo? Yanku baptisma k tong sun Bulus ɗo? ¹⁴ Ne kunna Ndeyi ne iko baptisma ngo bu, kaba Filibus ki Gayus. ¹⁵ Woi ki ka'a an ngoi a ana ta ne ini baptisma a tong suno bu. ¹⁶ (Ne iko baptismaki ma ban Istifanas, Ki bei woine man bu na ne idgo baptisma ki maɗɗi.) ¹⁷ Ki ka kristi sarno ne'e ɗo ne 'e baptisma bu me ne an eni Ndeyi. Sarnon ne'e ɗo ne an eni Ndeyi ki mantu ngo bu, kada ki ka lonku Yeso yakte gedonni bu. ¹⁸ Ki ka wa'zu mato k Yeso ka shohoi yakna gyem biyai hilansu ki ka hawok biya waltai gedok Ndeyi.. ¹⁹ Ki ka tureno, "Laktitko mantu ana asum. Ne yabtitik mantu ana mantu." ²⁰ Ta ngoi andi asum? Ta a mantu? Ta ana sha shanai dunya? Ndeyi budu matitikok mantu dunya yakna? ²¹ Ki ka dunya tong mantu toi man Ndeyi bu, Itin zei e tili Ndeyi ta ki gyem yakna wa'azu wange ana ona jire. ²² Yahudaku gyaa 'yungko 'yak monmoni Helenaku gyalanko mantu. ²³ Mu anshe eni Yeso yo lonkagko, 'yak ngete shik Yahudaku ki Helenakui yaknaku ²⁴ Me mamaye yo Ndeyi wunda, shaf ki Yahudaku ki Helenaku, mu anshe eni Kiristi ki ka si geɗo k mantu Ndeyi. ²⁵ Ki ka yakna Ndeyi wallitko mantu biya, ke jo yaklu geɗo Ndeyi wallitko geɗo biya. ²⁶ Moi wundunku, yagyenaku. Tim ki hawotku anandi geɗo bu, Shei ki hawot lsi'yako nguni ana mene buï. ²⁷ Me Ndeyi zaɓa 'yakna yo tong dunya ɗo si on kawa ki ana wayo. Ndeyi zaɓa ei a yaklu geɗo tong dunya ɗo on kawak a geɗo. ²⁸ Ndeyi zaɓa ei bokno dunya Ei abo 'yabu a. Si zaɓa ei namanko si bo 'ya bu ɗo matini ei zohsnko si bo 'ya bo'ya bu. ²⁹ Si iko ka'a ki ka an ngo moɗi yo goha bo gyebanni ta si ei moɗi domni bu. ³⁰ Ki ka ei Ndeyi iko, Kauso ngu tong Yeso kiristi, yo ɗeyini mantu mu ki gyem Ndeyi. Si ɗeyinni a jiremmu, bu'uno, ki waltu . ³¹ Ki ka ka'a, kit yo eni Ndeyi anko," Ngo na hafta ka hafta tong Bomu a Bano.