¹ Kai so no dibshenku, shaeno,somos zei so ne anshe, sog biskag ko ken ernokato. ² Ki wonses somos zei se'e 'yanku waglu, na ngu ngahakok eni yon akui ki gedo, kaba na ngu onako jire ki rerei. ³ Ne onku ku ei zina yo tono ei ne biska, ta Kiristi matko kika leihenmu zunhunmu kit yo eni Ndeyi anko. ⁴ Ta malani, ke haftani aka somodi kunu kityo eni Ndeyi anko. ⁵ Si tamko kanik Kefas, nami ki dirbolo; ⁶ Ki wonde tamkanik biya yo wallakok dalma bad shaemu ka modi. Madin su har kauso anasuk zausu me madi 'yansu monsom. ⁷ Ki wonde tamko kanik Yakubu, nami shaf ki majiraku. ⁸ Ki bo teteke si a tamno kani, kit kolgui le'yanko si a somodi le'enni bu. ⁹ Ki ka ne en mamai a tog majirakuie neen suba a wunde ne ta majiri bu ki ka ne onko maitok ban ɗonshu Ndeyi. ¹⁰ Ki ka zinak Ndeyi ne ɗeyin eyon ɗeyino, zina so a hawonno so sarei bu, ki ka ka'a, ne iko Rita yam wallitkok shaf su, ki ka ka'ai ma ne'e bu me dei zinak Ndeyi so a gemano. ¹¹ Ki ka ka'a ko ne'e ko zuni, muni mu 'yanko waazu zuni ke biskanko. ¹² Kaiso na a anshe ta Kiristi hen dinik mato kamodi, mek kamiya madin ku a anshe ta andi hindak mato bu? ¹³ Me na a hafta biyak mato bu, do Kiristi ma haftan ko mato bu; ¹⁴ Na me habtko Kiristi bu, do wa'azu mu a sarei, ke ona jiret ku so sarei. ¹⁵ Dom ɗeyan mu ana ngadar ka Ndeyi, ki ka mu anako ta Ndeyi, haftinik mato Kiristi yo si habta bu. ¹⁶ Ki ka na an habta biyak mato bu, do ko Kiristi ma habta ko si bu; ¹⁷ Me na habta ko Kiristi bu, ona jire kus a sarei ke har kai so ngu tong zunhun ku. ¹⁸ Do mamaye yo matanko hawok Kiristi zuni bo'yansu. ¹⁹ Namen zohako tili mu a tong zau wonses e a tong Kiristi, shaf ki biya mu wallankok kolo ki 'yak jikyayi. ²⁰ Me kaiso Kiristi hindinik tong mato yo zobko so nishik tonka tong biya yo mata ko. ²¹ Kit ka yo mato dino tong dunya, ki billa ngo modi ka'a ke'ehinda ana mato. ²² Kit yo a hawok shafsu matansu hawok Kiristi kolo a hinɗak zau. ²³ Me kolok billani: Kiristi, lei so to no, mamaye yo Kiristi a matin su ana zau a tong jajim meshe ni. ²⁴ Nami tatakato nditu jijum yo Kiristi a ona mene ki Ndeyi woi a rukzitik shaf ki memnamaka ki geɗo. ²⁵ Si me a Tina Dom kaba nazab mene kaba na zob ko ana kudasi a elelik sheke ni. ²⁶ Mato me tend a kuda yo tekteke yo a dugai. ²⁷ "Ki ka zobkok ei miya elielik gedonni me kika ananko"zobkok lei miya elik gedono bu. ²⁸ Name ko miya a elelik, meneni ki kanji a ɗeya elelik woi zobko shaf ki ei imya a elelik gedoni woi me hele kika Ndeyi ki Bomo yo ɓaɓa a deyi shaf ei miya a tong lei miya. ²⁹ Mena ka'a bu a held miya maye yo 'yansu baptisma ki ka ana mato? Mena an haftabiya yo matno bu kika miya me 'yansu baptisma ki kasu? ³⁰ Me zob koi miya mu tong gutto lei ta miya? ³¹ Kullum ne deinokmato lei ta miya, woi ne anshe ki gya gedo ka, shaeno, eino andi a hawok Kiristi Yeso Bomu Abono. ³² Ei miya riban a ida biya, nan iko teigya ki dabbai riya a Afisa, na me an hindak mato bu? "Eri mu toi mu se, ki ka doshi um matimmu." ³³ Kada youte ngunibu: Ki ka go ta kaki ei disa a yabtanki hali zina." ³⁴ Mata hankal,ngu ei deinos zina ngu todom ki zunhu bu kika maddin kum manko Ndeyi bu ne anshe woi ɗon onku kawa. ³⁵ Me yo'oto ana ta, "A hafta biyak tong mato lolo? zugoi yiya zuni hindak so?" ³⁶ Ngu manako yabu! Ei yok kafako a aya bu kaba na matko. ³⁷ Ei kafkoi zugoia deiya ka'a bu me ela shida ei yo deiyanama yo'oto bam. ³⁸ Me Ndeyi oni zugo yo ndalo ki lei arei elashidai yiyaan suba zugonni buzaɓa, shida ko yiya ki shida zugoni. ³⁹ Kika shaf ki zugo subansu modi bu. Kika ka'a, zugo a rei yo biya,an ma'ato yo, lui riya, ma'ato me yo rayinshe, ma'ato yo kerwo. ⁴⁰ Ka a ke e an zugoi tong baba ki zugoi dunya. Me nama kas tong zugoi kabai the bam menama ka zugo te ke bam. ⁴¹ An nama ka are so sano, yo'oto ke yo tere, ki ma'ato ka arei so'oto nama ka karei yo there ki nama ka karri yo jenjaku, kika so'oto gedegedek so'oto ki being nama ka.i ⁴² Ka a ke e hinda ana mato. Ei kahangkoi a dabtanni, ei jugtangkoi a dabta bu. ⁴³ Kahangko si tong bokshi, jugtangko si tong namyak ka. Kahangko sik mure gedo, jugtangko si tong gedo. ⁴⁴ Kahangko is zugo yo an tabababu , jugtangko si zugoi kelui bu'uno. Na'an zugoi an tabababu, an zugo yo kelui bu'uno . ⁴⁵ Ka a ke e tureno, "Adamu yo tono deiyini a zau." Adamu yo tataka deiyini kelui bu'uno yo ona zau. ⁴⁶ Me yo kelui bu'unoi ndino tono bu me yo jirei e ki wonde ndinni, yo kelui bu'uno. ⁴⁷ Ngo yo tonoi ki eli, ramtangkok mukdo yo dunya yo boloi dinok baba. ⁴⁸ Kit shida woi 'yangko sik eliy, ka a ke e mayei 'yangko nzunik mukdo, ke shida yo ngoi babai e, ka a ke e mayei babai e. ⁴⁹ Kit shida yom namangko suba ngo yo 'yangkok mukdo, muni ke mu hetetuk suba ngoi ndinok baba. ⁵⁰ Kauson anshengku yagyenaku, lu ki zugo a gyada ban Ndeyyi bu. Do ei a dabtanni gyade ei a dabta bu. ⁵¹ Moyi! Ne anshengku jires bungkeno: Shafmum mata bu, me shafmu a sabyimu. ⁵² A sabyimu wara nasya, kit hena idok ehento, ki bei buya balu yo tata ka. Kika balu ina adir, ana mato ke a hinda wara dabtu, muni ke mu sabyimmu. ⁵³ Kika zugo woi kaba na zofko ei a dabta bu, zugo woi a dabtanniy a zoha yo a mashe bu. ⁵⁴ Do na zugo yo ɗabtani namko zugo yo ɗabta bu, nami zugo yo mashenni namko do eni yo halanni ngaminni, "Ɗalanko matok geɗo." ⁵⁵ "Mato ta gedo shi? Mato ta sirka shi?" ⁵⁶ Kika sirkak matoi zunhu, geɗak zunku me uhe. ⁵⁷ Me kunanik Ndeyi, si yo omu tina duro hawok nasara a hak Bomu abano Yeso Kiristi! ⁵⁸ Ki ka ka'a, shaeno,biyano era bei moɗi ngu zadi bu. Ko tamiya ngu deyi hawok ruta Bomu Abano, kika ngu manag koti ruta Bomu yo tong ɓaɓa, ngu manag ko ti ruta yo ishek Bonu yo ɓaɓa a bo sarei bu.