¹ Kaiso a ka 'dahuk ana ona jire kit yon agkok ana ona jire Galatiya, nguni keg'e ka'a. ² A ka badi so tono a tong sati, leilo ki dalatku a ze ei yo'oto kika wa'inku ngu ei, ka'a kika nan dino kaba na dahano bu. . ³ Na ne tedeno ngo yon yardan kuk si ne sara si ki zohu yo tureno a mok zohugku Urushalima. ⁴ Na deyin ka'ai ne go, nzuni ke gok ne'e. ⁵ Men nduto geman ku na ne gedek hawok Makidoniya. Kikane dahak makidoniya. ⁶ Ne zofshe tili tan ɗeya gemngu har teke huzo's ki nguni. Kika ngu shatenee a tong marshenno leino gonno tiya. ⁷ Nen nda moya nguni bu yo somodi shim ki ka ne ndalo ne deyi'yo somodik nguni na Bomu a bano labko. ⁸ Men deyai a Afisu kaba hotik fentikos. ⁹ Me a hotik billei na'ako tim me andi ana gyahaitim. ¹⁰ Do na Timatawus ndino a deyak si an ʒuba bu, ki ka si a ishe ruta Bomu abano kit yon ishe. ¹¹ Kada leilo ɓok si bu. Shata si a ka billeni yo deinok Lahiya, do si nditu gemano. Ki ka ne geshe si ndituk sha emu. ¹² Kauso zafmu Afollos, ne oni gedo do si nditu gemangku ki sha emu. Me kauisoy a bo tilini bu ɗo si nditu. Shaf ki ka'a si me a nditu na sommodi ndino. ¹³ Mata keku, era ka jire, 'ya kit goraji 'ya geɗo. ¹⁴ Shaf ki ei yon ishe ɗeyi tong ndaltu. ¹⁵ Ngu manankoti ban Istifanus, yo waklangko bo tono a gyabanik Akaya me ke onankok kaison sauwa ana ona jire. Kauson onshenku gedo shano. ¹⁶ Ona kat ku ki shida biya maya'e shaf ki kolo yo shata munik ruta ke seshe bonek muni. ¹⁷ Ne kuyu k nish Istifanus, Fartunatas ki Akaikas. Nʒuni naman notik dibnatku. ¹⁸ Ki ka sauwa nodi geɗok kelu ki yo ku. Mata keluk shida biya maye'e. ¹⁹ Ana ona jire a Asiya a ʒugonto Lakɗa nguni Akila ki Bilkisu a lakɗa nguni a tong sun Bomu abano ki ana ona jire yo tong banosu. ²⁰ Shaf ki shaemu a Lakɗa nguni. A lakɗa lei lok ngauuni bu'uno. ²¹ Neen Bulus ne ture woi ki saranno. ²² Shaf ki ngoi yo dalta Bomu abano bu, me titikuni, Bomu abano is no. ²³ Ti'li modik Bomu Yeso deyik nguni. ²⁴ Eri ndatlu deyik nguni shaf ku a tong Kristi Yeso Anima.