¹ Daura ndaltu, ngu zob onom ki kelui bu'uno, kit yoi ana ei ahele dom. ² Ngoi na eni tong linso a enik biya bu me ki Ndeyi. An ngoi a kolshe si bu kika a eni ei bugkeno a tong Kelui bu'uno. ³ Me na ngoi a wangla eni ki biya do sal nzuni a onsu geɗo, nami hafte nzuni. ⁴ Ngoi na eni tong linso a salshe kanni, me na ngoi a wangla a salshe bi Ndeyi. ⁵ Ne tamanta ngu enik linso. me geɗatkok ka,a, ne tamanta ngu 'ya ei a hele dom. Na ngoi a Nafsi si na'ako wallitkok a eni tong linso kaba na yo'oto wanla nami bi Ndeyi sali. ⁶ Me kauso biya no, na ne enik ngu ni tong linso, ne tina bototku lolo? ne gita bu, kaba nan iku eni k mantu ki asum ki shutu. ⁷ Na ei an zaubu a ishentik ɗolya-kit mele -me nzuni a onshe ɗolya gede bu, lolo ngo manta ta a mele goyou? ⁸ Na a buya ɓalu a goyou ki ei yo an ɗolya bu, lolo ngo manta ta sarti so kesi? ⁹ Ne ka,a yanku, na ngu yanko eni k linso yo biya manta bu lolo ngo manta ei yo agko? ko soma eni an ngoi a manta bu. ¹⁰ Andi linso gedgede tong dunya, she I an suba bu. ¹¹ Na ne man hawok linso bu, ne ɗeyinno ngerho gem a eni,a eni ke a ɗeyinni ngerho k ne,e. ¹² ka'a ke'e gyangkui, kika ka 'a ngu kuyu ki onom yo Kelui bu'uno, sura idanku on gedokku ka sala bi Ndeyi. ¹³ Si na ngoi iko eni tong linso e ɗonshu a gitik wangla. ¹⁴ Nan iko ɗonshu, tong linso, a donshui keluno me dibnanno sauwa leilo bu. ¹⁵ Ne ina lolo? Ne ina ɗonshu ki Kelui no, ne ina ɗonshu k dibnanno, ne ina arko ki keluno, me ke ne ina arko dibnanno. ¹⁶ Kika na ka ,a bu, na ko kunna Ndeyi ki kelui ngko, ngoi naman ya bu a ana ta miya n "Amina" aka kunani ishe na man ei ko anshe bu? ¹⁷ Kika ko kunne yam me yo'oto sauwak lei miya bu. ¹⁸ Ne kunna Ndeyi kika ne eni tong linso ne walligk u shafku. ¹⁹ Shaf ki ka'a me tong bi Ndeyi ne ina eni baɗ ki mantuno ne shutek ma'ato, a ka dalma bimmad wallitkok eni linso. ²⁰ yagenaku ngu deyi kit milla tong dibnatku bu, kaba bei rutanta disa, ngu deiyi kit kolgagu. Me tong dibnatku ngu aye. ²¹ A tong uhe tureno, ne ina eni ki biyai maye'e ki ya biya ana unuk linso ki linso ngerhahi. Shaf ki ka,a kola ne, e bu ankoi bomu abano. ²² Ka'a me, linso suba kika ana jire bu me ki ana yaklu ona jire. asum ke suba yo yaklu jire bu, me ki ana ona jire. ²³ Na me ka ,a shaf bi Ndeyi ditu some su shaf zal eni tong linso me biyai a kolshe bu ia ana ta ngu yanku takur bu do? ²⁴ Na shaf ku ngu eni ka ei ahele me ngoi onko jire bu ki ngoi a kolshe bu n dano, eni a tubinni aka ei si anko. ²⁵ Ei bugkeno tong tilini, a hetetu. ki ka'a ngete ka hawonni nami kunne Ndeyi. A ana ta Ndeyi a drink nguni. ²⁶ Lolo ka,a biyano? nag nano zuk zehe, yo'oto ishe anko namaka Ndeyi, yo'oto me a shutanta Ndeyi, yo'oto hoishe hawomni, yo'oto enik linso, yo'oto me a wangla yoi ei woi shafni kika sala bi Ndeyi. ²⁷ Na ngoi iko eni tong linso, walle bolo ko kunu bu modi modi, yo'oto me wanle ei anagko. ²⁸ Na an ngoi a wanla bu, shafsu a gonisu tong bi Ndeyi, lei ngoi yiya ei enik guda kanni k Ndeyi . ²⁹ Eri Nataku bolo kunu ei eni, kinei a koli a kabte ei anagko. ³⁰ Na onanko mantuk ngo yo a deino a namshe ka Ndeyi, eri ye'ete. ³¹ shafku, ngu gitik ama ei a hele moɗi moɗi lei ngoi yiya shute me shaf a ona geɗo. ³² Kika kelui bu'uno yo Nabi a deino elelin ni. ³³ Ndeyi, Ndeyi yo youtu bu, yo lahiya. woi uhe a tong bi Ndeyi ki ana ona jire. ³⁴ Monde ye'ete tong bi Ndeyi. Onansu ina eni bu. kika ka nzuni ɗahi kit so attaura agko. ³⁵ Na an ei nzuni shuta, a dol zazinsu bano kika yak kawa a gya mandu e eni tong bi Ndeyi. ³⁶ Eni Ndeyi dishek yankuɗo? ngu ni mdaku ɗo te teɗeno ye ? ³⁷ Na ngoi a dibnak so nabi nama so kelui bu'uno so mantiti ei woi yong turanko uhe gya bomu abano. ³⁸ Ngoi na mata hankilinik woi bu, di'ya si kadakmantehankalik si bu. ³⁹ Ka,a biyano, ngu hinde gyaza ana ela hele dom me ngu nge eni k linsoi ma'ato bu. ⁴⁰ 'Ya ei miya aka bille yo gomno.