¹ Ki ka e kaiso nan iko eni tong linso biya ki yo taktakaku. Me nan an ndatlu bu ne deyino kit bangama naman gashe shoho. ² Nama nan an onom ki ana ei a hele dom, ki manta ei bungno shafki mantuto fan an ona jire har so tubitik goshaku. me nan an n dalti bu nen 'yabu. ³ lei ne tong onkok shafki ei andik ana mure, ken ontik zugono bokti, me nan an n daltu bu, ne wa 'yabu. ⁴ Ndaltui ai habri ki jigyayi. Ndalts an dasa bu, nama hafta ka bu, kebokshibu, ⁵ Ke gedok ka bu, ke rutantuk bu, to me sikuk yabta tili bu. A zeshi she I ki lelhi bu. ⁶ A kuyu tong rutanta zina. Bo ka'a a kuyu tong jire. ⁷ N Ɗaltu shaf ki lei miya, onko jire ka lei miya ke an zuha tili ka kek habri. ⁸ NƊaltu an bo erno to bu, na an ei anangkoi shaf a geɗanni. Bombo isuNa an mantu, ke wuyani. ⁹ Ki ka mu an mantu a wuyanni ngamko bu,me muanandi eni ei a heledom ngamko. ¹⁰ Me na yo zinay dino, woi zinabm a gedamni. ¹¹ Ɗon lalambai, ne eni shida yo lalambai, ne dibna kit lalamma, Ne rutanta kareidon inno na'akoi ne wusko shaf 'yak lalamba. ¹² Me kauso mu moishe zinabu kit tong liyar. me a hotik ido kaiso ne manotik dahum-danom me a jejum woi ne watik gedok mantu kit yo yana mantuni yo montango ne'e. ¹³ kauso mamaye i kunui deyansu una jire, zoha tili ki n daltu, Me dei na'akok ei mammaye shafsui ndaltu.