Ighri 9

1 Miri kre risheshenghu ni Kristi. Mi sa ri saringa, miki mi ri bei na mi ni kame Piyepiye Uhu risii, 2 Misu na gbu ngho mayii, na ruko ti sari mye myenga ni mikki mi. 3 Miri nee na su ka ma lu-mi-ngyu ni gwva na Kristi ni kre mawani mi, ti ma su mba kiri mi na iga mi. 4 Mba Isra'ila. Ma hi ma ku ma su mawu, ti tigba, ti kudruubo, ti kpayi ti plambe, ti shonde Kpare, ti ari tangyu. 5 Ari-matimati masu ti tama ti Kristi ni kre iga iri riyu ba - Nghu musu Kpare ni risii Ngho shrashra. Na ma shon-nghu-nde nglo nghu. Na sungyimu. 6 Isa su ka tangyu ti Kpare isa-lunga. Isa su kondi ni Isra'ila mu riya su ti Isra'ila nga. 7 Re mba ti ma su Mawu Ibrahi mu ma su mawunghu ti rishesheinga. Ko, "isu ni Ishaku mu ma ti bi mawuwu." 8 Ngaha isu, Mawu ti iga masa su Mawu Kpare nga. Isu mawu ti tangyu mu ma su mawu. 9 Ngami mu isu kre ti tangyuL: "Ni rukpu ngami miriya ba, a mariya na Sara Uwu." 10 Isa raa nangaha nga, ni kizi krie Rifkatu ruhu ni ngrindi, Iti yi Ishaku - 11 masa fwye mawu tinga, re mma mas lu kandu tinga, ti si re ti binghu, shi na ngho ti ni mikki Kpare na ti, ni kilundu nga, ko ni kibinghu - 12 ma kre naghu, "ti gbanghu riya lundu ti wuchinghu." 13 Isu ka ti ma wa: Yukubu mi bi na nghu, ko Isuwa mi raa na nghu." 14 Aki mu yi ya bi kre? Kpare sa lu mmah nga? Naka su ngyumu nga. 15 Ikre ni Musa, "Miya lurii na nghu ti miya lurii, shi mi kemikki na ngri ti miya kemikki." 16 Isa su ti nghu ti ri so-nga, re ti nghu ti ri kri-nga, ko ti Kpare ti ri kla kilurii. 17 Kakambe kre ni Fir'auna ku, "Ni kre ngami mu mi bi wu ba kare, shi mi kla kisheru mi ni risi wu, shi na ma kre kre nde mi ni gbu mitti shrashra." 18 Kpare kla kilurii ni ngri ti ni riso, shi so na ndi na ngbiitu. 19 Bu ya mye mi ku, "Ko aki sa nghu ri ne ngho ti bi? Ko ndi riya shrummo na nghu? 20 Ni gei indi, Ngri, busundi shiri shrummo na Kpare? Ngho ti ma lu riya kre ti ngri ti lunghu ku, " isu ki ko bu maa mi tonaa?" 21 Ngri ti ri mei Kashri isa su na ugho ti tanghu ti lu na ribe ti ma ryu ni kachu ndinga, na bu lu konngo ti gbu ngho na mbasaga ti indu ti kpri-na-kpri? 22 Aki riya su ni Kpare riso ti kla kafunghu shi nakla kiseru nghu, ti na bi gbu kilurii ti ma mei lu ti ma dji-zeyi? 23 Aki mu riya si ni nghu lu ngami shi na nghu na kla ngho gbu ti tigba nghu ni nghu kilurii ti ni kameti ni melu ye ti tigba nghu? 24 Aki riya su ni nghu ti lu nayi, yi ti isabiyi ni kame mba Yahuda nga, ra ni mba aluma? 25 Ka ni kre ni Hosiya: "Miriya bi ma ku mangri mi ti a sa su mangrimi nga, nghu ti mi bi, ti masa bi nanghu ga. 26 Ninha riya su ni kachu ti ti mari kre ku "Bu sa su mangri mi nga' maiti bi ma 'Mawu Kpare ti ni su na ringha." 27 Ishaya kyi ruye ni kre Israila, " ko ni su kikla mawu Israila isu ka ringye ti niti ni geye kungbo, isu wu ringri mangba ma ti risabo, 28 Dada riya lu kishrummo nghu ni Gbumitti, shrashra sariya ti-nglo nga." 29 Ka ti ni Isaya kre nabe, "Ni ka su Dada ti ri bi gbugbu mangri sa shi nayi mawunga, yi ka su ka Sodoma, shi yi ka su ka Gomorra." 30 Yi ya bi kre ku ki? Ku Mba Aluma ti ma sa ri kri ne kimmah nga, ma feh kimmah, kimmah ti ba na bi mikki. 31 ko Israila ti mari kri ne kimmah, masa fehnga. 32 Ni kre ki? Masa kri ne nghu na somiki nga, ma ne na arindu. Ma gbu ihu ni kiskye shi roku, 33 ka ti ma wa, "Hu, miri shiso kikye ti gbu hu agboh to kafu. Nghu ti somikki ni nghu sa ra lu riwii nga."