1 Bebeiin mba ti ma ti ni Kristi Yeso masa riya dju ma tabwa nga. 2 Nmo ti Uhu rhingha ti Kristi Yeso i riyi sabo ni nmo ti ngho ribii na rufu. 3 Ngho ti plambe isa lunga ni kre iba sherunga ni kre iga, Kpare lu. Itu Uwunghu ti ni su ni ku riyu ngho ti nibii ti iga na su ngho ti dii, a fumeme ngho ribii ni iga. 4 Nghu Ilu ngami shi na ngho ti plambe ri ne ma mulo nayi, yi ti sari kri ni iganga, yi ri kri ni Uhu. 5 Mba ti ma ri kri ni iga mari so ngho ti isu ti iga, mba ti mari kri ni Uhu, ma riya ti so mikke ni ngho ti su the Uhu. 6 Ki so mikki ni ngho ti iga isu rufu, mikki ti ma so ni Uhu isu rhinghna na kalamikki. 7 Mikki ti so ni iga iri raa na Kpare, isa dourisii ni plambe ti Kpare nga, isa hu ti lu ngaha nga. 8 Mbati ma su ni iga ma sa hu ti na Kpare kullonga. 9 Ni su kikii, bu busa su ni iga nga, bu su ni Uhu, ni isu risheshenghu ku Uhu ti Kpare ti ni kame yi na. Ni ungru isa su na Uhu Kristi nga, isa su ti tanghunga. 10 Ni Kristi ti ni kame wu, iga ifu ni ngho ribii, uhu iri kri ni ngho ti mmah. 11 Ni Uhu ti ni riyu na Yesi ri Mba ma fu ti ni kami wuna, Nghu ti gyende na Kristi rii mba ti ma fu riya na ari iga yi Ringha ni kame Uhu, ti ni kri ni kame wu na. 12 Ningha, ma wanu, yi su mba kpukpa, ti iga ku shi yo lu nghu i iga nga. 13 Ko ni bu kri ka to ni iga ri so, bu digbi ti fu mingha, ni bu kri ni Uhu bu wu ari ndu ti iga, buya fe rhingha wu. 14 Mba ti ma fe kikla ti Uhu Kpare, Nma mu masu Mawu Kpare. 15 Bu sa bu uhu ti ma gbra manga ti lu shrishri. Nin gami bu bu uhu ti su mawu, ti buru ki, "Ada, Iti!" 16 Uhu risii nangunghu ri bei na uhuyi ku yi su mawu Kpare. 17 Ni yi su mawu, a yi su mba ti ma ti buu ngho ti Iti shi, mba ti ma ti buu ngho ti Kpare. Yi su mbati ma ti bu na Kristi, ni yi wa ringra na nghu, ngyimu ma a ti shoyinde na nghu. 18 Mi gaa shi hu ku ringra ti yi ri wa ni rukpu na isa maa ti mati klanghu na kishonde ti ma bi ruye nayi nga. 19 Ki so-mikki ti ngho gbu mitti mari lu gbe kibiruye ti mawu Kpare. 20 Ma bi gbumitti so ni ilo ngho ti su kandu nga, na kiso manga, ko isu nghumu bi ma so. Ngami isu ni so mikki ti ma su na nghu mu 21 ku ma ti rii igbumiti ni ilo nghu ti ri bii, shi ma binghu ba kachu ti nghu riya tife kisheru ti shonde ti mawu Kpare. 22 Yi yi hu ku gbu ngho ti mitti mari ki ni rika na nguma bebein pye. 23 Isa su ngaha mamgba nga, na yiyi pye, yiyi ti yi zeze su kuwa-kaku ti Uhurisii - yi ri ki ni ruhu yi na, shi ri gbe himawu-na-su-tawu, na krasabo ti iga yi. 24 Isu ni Somikki ngami mu, ma krayisabo. Ko ngho ti yi yi hu ku riya kri, yi sa hunghu tinga, ko andi riya sati ka gbe ngho ti iriga hu ye? 25 Ko ni yiri gbe ngho ti yi sa hunga, yi gbe na kilurii 26 Ni gahi ngami pye, Uhurisii ri gre yi ti yi ba sherunga. Yi yi ba hu ti fhe na kpare ka yi ka lu nga, Uhurisii na ngunghu ri greyi nvu ti ba ngru ti hu nga. 27 Nghu ti ri ne ari mikki ihhu mikki Uhurisii, iri fhe nayi mba ti yi binamikkiyi ka ti ngho ti Kpare ri so. 28 Yi yi hu ku mba ti ma bina Kpare, nghu ri lu ngho ti si ni mba ti bi ma ka ti nghu so. 29 Mba ti ni nghu zeze hu ma, e so na ma kachu ti yawa, shi ma su na iryu Uwunghu, na Nghu na su Uwutiriiri ni kame mawaninghu. 30 Mba ti nghu shi kachu so nama, ibima. mba ti ni ibima nnama kimmah. Mba ti ni immah ma, nghu ishomande. 31 32 Aki mu yiya bi kre ni kame kre ngami? Ni Kpare su na yi, andi mu riya su kahiyi yi? Nghu ti sa shi Uwunghu sabo nga, ishi nghu sabo ni risi yi shrashra, riya lu kiki shi na raa ngughu ti nayi ngho shrashra na Nghu? 33 Andi riya tuu mba ti Kpare wama? Kpare mu Mmah ma. 34 Ndi mu riya wumeme? Kristi mu ifuu na yi, shi bi gyende. Iri bimangri na Kpare ni Kachu tigba, Nghu mu iri fhe nayi. 35 Andi riya lugwva na ki bi Kristi? Rika, re ringra, Kichi re rimye, re mgbefre, re ngho shrishri, re Kaji? 36 Ka ti ma wa, "Ni kre bubu mu ma wu yi ni ikpri nglo. Ma hu yi ka yi su Muso ti ma shre-rito." 37 Ni kame ngami yi kra ti ma biyi ku yi Kraruye ni kame Nghu ti bi yi. 38 Mi mi hu ku re rufu, re ringha, re MbaUhunda, re Mbatibi-maangri, re ngho ti bebei, re ti ri ba, re kisheru, 39 re karere, re mittiti, re ngho ti ma me, mariya ti lu yi gwva na kibi Kpare, ti ilu nayi ni kame Kristi Yeso Dadayi nga.