Ighri 7

1 Re busa hu nga, mawani ( miri kre na mba ti ma hu plambe), ku plambe ri bi ngru ni su na ringha nghu na? 2 Ngha ti lu ribla ma bwanghu na plambe na iblanghu ni isu na ringha nghu, ni iblanghu fu, ma ngha ngahu ma ringhu ni plambe ti ribla. 3 Ni ibla nghu ti na ringhna nghu, ni ika su na ngrindi, ma ti binghu ku iri la na ibla ngru. Ni iblanghu fu, isa su ni illo plambe nga, isa ri la na ibla ugru nga ni ka luribla na ugru. 4 Ni ngami mu, mawani bubu pye bu fu ni plambe iga Kristi. Ngami ngyimu shi ma ka wu luna indi, a nghu ti gyende ri kachu ti mba mafu, shi yi di kuwa kaku ni Kpare. 5 Ni rukpu ti yi ti ni iga, khireh ngho ribii ti ni iri ni plambe, ri lundu ni arigaboiga yi shi ri di kiwa kaku ti rufu 6 Ko bebein ma riyi sabo ni plambe. yi fu ni ngho ti ri biyi gbegbe. Ngami isu shi yi lundu ni Uhu rihe, na ti rikpi kakambe nga. 7 Aki mu yi ya kre? Isu plambe mu isu ngho ribii? Na su ngyimu nga. Ni sa su ni kre plambe ngam mi sa hu ngho ribiinga. Mi na sa ka hu khidayinga ni plambe sa kre ku "raa ti khidayi." 8 Ngho ribii ilundu na nmu a bi kukloyi ni kame mi ba kaye. Ngho ribi ifu ni ka su ni kre plambe nga. 9 NI rukpu indi miri kri ni kaye plambe, ko ni rukpu ti nmu ba, ngho ribii i rumila, a mi fu. 10 Nmu ti riya bi ringhna iwure bi rufu ba na mi. 11 Ngho ribii ilundu na nmu shi mbre mi. Iwu mi na nmu. 12 Plambe isu piyepiye, nmu pye isu piyepiye, mmah na risii. 13 Ngho ti si iwure su ngho rufu na mi? Na sa su ngyimu nga. Ngho ribi na ma kla nghu ku isu ngho ribii ni ngho ti su risii, ibi rufu ba ni kame mi. Ngami isu ni kre ri nmu, ngho ri bii riya su ngho ribii kra kimma. 14 Yi yi hu ku plambe isu ti Uhu, mimi musu ni iga. Ma yibva na mi ni ilo ngho ribii. 15 Ngho ti miri lu, mba hunga. Ngho ti miri so ti lu, isa su nghu mu mirilu nga, ngho ti miri raa nanghu nghu mu miri lu. 16 Ni miri lu ngho ti mi sa ri songa, mi bi ku isu plambe isu risi. 17 Bebein isa su mi mu ri lu ngho na nga, isu ngho ribii ti ni su ni kame mi. 18 Mi hu ku ni kame mi, ni iga mi ngho ti sii sa tenga. Miri so ti lu ngho ti sii a misa hu ti lunga. 19 Ngho ti isi ti miri so ti lu mi ba lunga, ngho ti bii ti miri raa nanghu, ngaha mu mirilu. 20 Bebein ni mirilu ngho ti miri raa nanghu, ma isa su mi mu ri lunga, isu ngho ribii ti ni su ni kame mi mu. 21 Mi fe nmu ndi ti ni kame mi ni miri so ti lu risii, ribii iteh na mi. 22 Miri muru na Plambe Kpare na ngri ti kame mi. 23 Ko miri hu nmo indi gibva ni arigaboiga mi. Iri Kro na nmo riheh ni miki mi. Iri himi ifi ni nmo ribii ti ni ti ni arigaboiga mi. 24 Misu ngri yirika! Nadi riya rimisabo ni iga rufu? 25 Mi wuri ni Kpare ni Yeso Kristi Dadyi! Miri lundu ni plambe ti Kpare na mikki. Ko na iga mi miri lundu ni nmo ti Ngho ribi.