Ighri 6

1 Aki yi ya bi kre? Yiya lu ka yaya ni ngho ribii shi na kigre-kpare na ti gbu? 2 Na su ngyimu nga. Yi ti yi fu ni ngho ri bii, yi ya lu kiki shi kre ni kame nghu? 3 Re bu sa hu ku yi ti ma shiyi-mangyi ni Kristi Yeso ma Shi mangy nayi ni rufu nghu nga? 4 Rukpu ngaha, yi yi na su ni Kame Ukoribii na nghu, ni shimangyi ti rufu. Ngami ikri ka ti Kishonde Kpare igyende na Kristi rii ukoribii, ngyimu pye yiya kri nirhingha riheh. 5 Ni yi su wundindi na nghu ni irhinghu ti rufunghu, yi ya bi su wundiindi na nghu ni kigyende nghu. 6 Yi hu ngami, ku ma gbra ngri rikpi-yi na nghu, shi na iga ngho-ribii na dji-zeyi. Ngami isu ngye shi yi sa ga bi su ari- iffi ni ngho ribii nga. 7 Ma kre ku Mmah ni nghu ti fu ni kre Ngho ribii. 8 Ko ni yi fu na Kristi, yi binamikki ku yi ya kri na nghu pye. 9 Yi hu ku ma gyende na Kristi ri mbatimafu, nghu sa bi teh ni kame rufu nga. Rufu sa bi su na kibi ni risinghu nga. 10 Ko ni kre rufu ti ni fu ni ngho ribii, efu uho wundindi ni gbu mangri. Rhingha ti ni nghu su na nghu, iri kri na nghu ni Kpare mu. 11 Ni gahi ngami, bu pye hi nguwu ku bu fu ni ngho ribii na, shi kri ni Kpare ni kame Kristi Yeso. 12 Raa nguwa na ngho ribii na bi iga wu shi bu dourisii ni kukloyi nghu na. 13 Ka di arigaboiga wu ni ngh ribii nga, ti su ngho indu ti ngho ti sa mmah nga. Di nguwu ni Kpare, ka mba ti ma fu a bebein ma su na rhingha. Di arigaboiga wu ni Kpare ka isindu ti mmah. 14 Raa ti na nguwu ni ngho ribii na bi wu na. Buba su ni ulo plambe nga, bu su ni ilo kigre-Kpare. 15 Aki? Yi ya kri ri lu ngho ribii ku yi ba su ni ulo plambe nga, ku yi su ni ulo kigre-kpare? Na su ngyimu nga. 16 Bu sa hunga ku ngri ti ni bu di risi wu mawundu nghu nghu mu bu ya dourisii nanghu? Kre ngami isu risheishein re bu su mawundu ngho ri bii ti bi ya rufu, re mawundu ti dourisii ti be ya kimmah. 17 Ki wuri ti na Kpare! Bu ti buna su mawundu ngho ribii, ko bu dourisii rhi mikki wu ito ti ma kla wu. 18 Ma riiwu sabo ni ngho ribii, shi ma mai wu mawundu ngho ti mmah. 19 Ni kru ti ni busu na, mu mi kre ka ngri. ka ti ni bu di arigabo iga wu ka ifi ti ungno ti bii, ngyimu bebein, di iga wu na ka ari-ifi ti mmah ti kinna piyepiye. 20 Rukpu ti bu su Ari-ifi ni ngho ti biina, ngho ti sii ba su na kandu ni risii nanga. 21 NI rukpu ngaha, kiwa kaku ki mu bu su nanghu ni ngho ti bu ru lu riwhi bebein? Ngho ti ni doh khize ngami isu rufu. 22 Ko bebein ti ma riwusabo ni ngho ribii shi bu su ar-ifi ti Kpare, bu feh kiwa kaku ti su-piyepiye. Ngho ti du-kize isu rhingha ti nglo. 23 Kikpra ngho ribii isu rufu, kpayi Kpare isu rhingha n Kristi Yeso Dadayi.