1 Bebein ti ma ku yi mma ni bi-na-mikki yi, yi su na kalamikki na Kpare ri Dada Yeso Kristi. 2 Ri Nghumu yi fe gahini bi-mikki ti ka kisheru nghu ti kpi. YI muru ni nghi ngamu ti Kpare nayi ti rukpu ti ri ba, ngho ti yi ya gaa ni kishondenghu. 3 Raa nan ngaha nga, yi pye yiri muru ni kame ringra yi. yi hu ku ringra ngami iri nayi kilurii. 4 Kilurii ri nayi Kubu, kubu ri nayi ki so-mikki ni rukpu ti riba. 5 Kiso-mikki ngami sa riya shiyisonga, Kpare ju lonayi kibiinghu ri Uhu-risi ti ni nayi. 6 Tu rukpu ti yisa su na kiserunga, na rukpu ti mma, Kristi fu ni mba ti ma sa su na kparenga. 7 Na rika na ungru na bi ti fu ni ngri ti si. Ni ngaha piye, ine ungru riya ti gaa ti fu ni ingri ti sii. 8 Kpare kla kibii nghu ba na yi tu rukpu ti yi na su mba ribii na, Kristi fu ni kachu yi. 9 Dje na ngaha, bebein ti feh kimmah ni mayii, ma ti krayisabo na nghu ni kafu Kpare. 10 Ko, tu rukpu ti yi su kahiuwu, ma me rikri yi lu na Kpare ni kifuu uwunghu, Dje nangaha, ni kize merikri yi, maa ti krayi sabi na ringhannghu. 11 Isa sungami mamgba nga, yi muru ni kame Kpare ni Dadayi Yeso Kristi, ni nghumu yi bu meikri. 12 Ngho-ribii re ngri ndi mu ka gbu mitti, ni gahingami mu rufu ika ni kre ngho ribii. 13 Rufu ka ni kame mangri, ni kre ngho ribii. Tun rukpu ti plambe isa ba tinga ngho ribii ka ni gbumitti, ko ma sa ri kla ngho ribii rukpu ti plambe sa banga. 14 Rufu bi mangri rhi Adam ka thru Musa, na mba ti masa lu ngho ribii ka ti Adamu ti sa dourisii nga, nghu mu isu utto ti nghu ti ri ba. 15 Kpi na ngaha, kpayi isa su ka ngho ribii nga. Ko ni Ngho ribii ti ngri ndi gbu mangri fu, ti kra ngaha kisheru Kpare na kpayi ti ba na kisheru ngri ndi, Yeso Kristi riya su ni gbu mangri. 16 Kpayi nghu isa su ka ngho-ti-di-kizhi ngir ti lu ngho ribii ngha. Ni ubu ndi,, shrummo ti wumeme ti ni ba ni kre ngho ribii ti Ngri ndi lu. Ni ubu ndi, kpayi ti ni dunikizi kimma ti ba ni kizi ngho ribii. 17 Ko ni ngho ribii ti ngri ndi, rufu bi mangri, dje na ngaha mangri ti ma buu igbu-ngho ti kisherukpare na kpayi ti mmah ti ni bimangri ni ringhanghu, Yeso Kristi. 18 Ngyimu, ni ngho ribii ngrindi magri shrashra ma ba kachu ti tama myemye, ngyimu ni kre ngho timmah ti ngri ndi krasoba ti ringha ba na gbu mangri. 19 ka to ni su ni gbarisii ngri ndi gbu mangri masu mba ribii, nyimu ni dourisii ngri ndi gbu mangri ma fhe kimma. 20 Ko plambe ba na nghu, shi na ngho ribii na ti gbu. Ni kachu ti ngho ribii ti gbu, kighre-ti-Kpare ti gbugbu. 21 Ngami su ngye shi na ngho ribii na bi ma ni rufu, ngyimu kighre-ti-kpare riya bi yi ni kimmah ni rhinnga ti-nglo ni Yesi Kristi Dadayi.