1 Aki mmu yiya kre ku Ibrahi, Itiyi ti iga ife? 2 Ni ma risabo Ibrahi ni indo mamgba, iriya fe ngho ti gbarisiwa, ra ni kachu Kpare. 3 Aki mu kakambe-Kpare kre? "Ibrahi bi na Kpare, a ma kikla nanghu ku Immah." 4 Bebein nghu ti lundu, ngho ti ma Kpranghu, ma sari bi nghu ku isu Kpayi nga, ko ngho tisu tawu. 5 Ni nghu ti sa lundunga, shi bi na mikkinghu ni nghu ti ri mba ti ma bii sabo, binamikki nghu ma kikla na nghu kimmah. 6 Dawuda pye tangyu ni ngri ti sa lundu nga a Kpare kla ku immah. 7 E kre ku, "Ma duboh ni mba ti ma lurii na ribii ma, ti ma kru na ma ribii ma. 8 Ma duboh ni ngri ti Kpare sa kla na nghu ribii nghu nga." 9 Ki duboh ngami isu ti mba ma kikyengbu mamgba, re isu ti mba ti masa kikyengbu pye? E kre ku "Ma kla binamikki ti Ibrahi ka kimmah." 10 Ko ma klanghu kiki wa? I su rukpu ti Ibrahi kyegbu re isu rukpu ti isa kygbu nga? Isa su rukpu ti kikyegbu nga, isu rukpu ti ni sa Kikyegbu nga. 11 Ibrahi bu nghla ti kikyegbu. Ngami isu ngho ti diboo ni ngho ti mmah ti bi na mikki ti ni raga su nanghu rukpu ti ni isa Kikyengbu nga. Ngami mu nanghu nghla ti kisu iti ti mba ti ma bi na mikki ma re ma sa Kikyegbu nga. Ngami isu maa ti kla na ma ku ma mmah. 12 Ngamu pye isu ku Ibrahi isu iti Kikyegbu ti mba ma kikyegbu na mba ti ma doh uho bi-na-mikki ti iti Ibrahi tu nghu sa kikyegbu nga. 13 Ki tangyu ti ni ma na Ibrahi na mawunghu ku iriya su ngri ti ni riya bu gbumitti isa ba na nghu ni kre plambe nga, esuni kame kimmah ti ni ba na nghu ni kre bi-na-mikki nghu. 14 Ni mba ti ma ri kri na plambe masu masu mawu ti fe, kibina mikki sa su kandun nga, na Kitangyu isu kreuhu. 15 Plambe ibi kafu bawa, kachu ti plambe isa tehnga, ba killu ngho ribii nga. 16 Ni ikre ngami isu ni bimikki, shi na kitangyu na shi so ni kisherukpare shi na su ni mawu Ibrahi shrashra - isa su ni mba tima su ni illo plambe mamgba nga, na mba ti ma gah ni bimikki ti Ibrahi. Nghu mu isu iti ti tayi shrashra, 17 ka ti ma wa, " Mi maiwu iti gbu mitti." Ibrahi e ti ni ihiyi ngri ti nghu bi na nghu, ngaha isu Kpare, ti ni di rhingha ti mbati ma fu shi ri bi ngho ti masa sunga ka ma su. 18 Du na kikyegbu ti kaye, Ibrahi bi na Kpare na rukpu-ti-riba. NIngha isu iti gbumitti ka ti ngho ma kre, "Mbami ma su Mawuwu." 19 Nghu isa bi gloglo nga, Ibrahi hu ku iganhu isa mma ti fwye mawu nga ( ni kre nghu thru iye kugba ndi ye). E bi ku ruhu Saraya isa riya ti bi mawu pye nga. 20 Ko ni su kitangyu Kpare, Ibrahi su ni raa-ti-bi nga. Ife kisheru ni kibinghu shi shonde ni Kpare. 21 Nghu bi kpata ku ngho ti Kpare tanyu, iriya lunghu. 22 Ngami pye ma kikla nanghu ku is Mma. 23 Bebein ma sa wangami ni kre nghu nga, ku ma kikla nanghu. 24 Ma wa ngho naa ni kre yiyi pye, yi mba ti ma kikla nayi, yi mba ti yi bi na Nghu ti gyende na Yeso Dadayi ri kachu mba ti ma fuu. 25 Ngami mu isu Ngri ti riyi-sabo ni ngho ribii-yi shi hi yi ku yi mma.