Ighri 3

1 Aki mu isu ti si ti feh Mba Yahuda? Aki mu su ngho tisi ni kikyegbu? 2 Isi ni kowane ihi. Zeze ya kachu Yahudawa ti ma su Mba ti Kpare bi ruye nama. 3 Aki mu riya su, ni saga ni kame mba Yahuda masa suna Bina mikki nga? Kiraa ti bi-na-mikkima riya wure bi-mikki Kpare na su irhii? 4 Na ka su ngyimunga. Na Kpare na su risheshe shi na mangri shrashra ma su Mba rhi. Ka ti ni ma wa, "Na bubu mamgba su ti Mmah ni kre wu, shi krashri ni bu ba kishrummo." 5 Ni kimma yinga ikla kimma ti Kpare, yiya kre ku ki? Re yi ya kre ku Kpare isa Mmah ti bi kafunghu ba ni risi yinga? (Miri kre na kre mangri.) 6 Na su ngyimu nga! Riya so kiki ko Kpare riya shrummo ni gbumitti? 7 Ni risheshe ti Kpare ti ni ryu ni irih mi di ki shonde na nghu, ko isu kiki ko mari shrummo na mi ku misu ngri ribii? 8 Aki lu busa kre ka ti mari tsari lu na yi ku yi kre ku "Yi lu ngho ribii, shi na ngho ti si na ba"? Kishrummo ni rishi ma mma. 9 Aki mu? Mariya shi yi sabo? Ow owh. Yiyi zeze tuu mba Yahuda na Mba Helini, imma shrashra ma su ni ilo ngho ribii. 10 Ngami isu ka ti ma wa: "Ba ngri ti su Mma, reh wudindi. 11 B ugru ti hu nga. Ba ungru ti ri ne Kpare. 12 Ma wure kize lunghu. Ma su ribii shrashra ma. Ungru sa ri lu risi nga, ko wudindi 13 Rutto ma isu ka Uko-ribii ti ma fu. Irey ma isu ti irhi. Ukpra ti muwa ti ni kangyu ma. 14 Kangyuma i mlo na ngyuro na kuttu. 15 Uho ma ri kri ti fah mayi. 16 Djizheyi na ringra isu ni gahi ma. 17 Mangri ngami masa su na kala miki ni ihi. 18 Ba shrishri Kpare ni iyi ma nga" 19 Bebein yi hu ku ngho ti plambe kre, iri kre na ungru ti su ni ilo plambe mu. Ngami isu ti kru ngyu ko ndi, shi ma ru gbu mitti la ni iyi Kpare. 20 Ba ungru ti riya riisabo ni ndu ti plambe ni iyi Kpare nga. Ngho ribii ba nayi ni kihu plambe ti hu na. 21 Bebein raa na Plambe, ma kla nayi kimma ti kpare. Plambe na Mba-ti-huko mu ma di-kre ni ngami, 22 Kimma ti Kpare ti ba na bimikki ni Yeso Kristi ya na mba ti bi. Ba ki somikki nga. 23 Mangri Shrashra ma luribii, shi ma ngyire na Kigba Kpare, 24 ma yima sabo na kiseru ni yi fe ni kikrasabo Kristi Yeso. 25 Kpare di Kristi Yeso na hi kachuyi nibi-mikki ni mayiinghu. E di Kristi na su shrummo ti mma, ni kre ti ni tabwa na yi ni ribii yi ti chutta 26 ni kame luri nghu. Ngami isu ngye si yi hu kimma nghu ni rukpo na. Ngami isu ti kla ku nghu mma kra ko ugru ni bina-mikki ni Yeso. 27 Ki djourisii izungyi? Ma zu nghu ruye. Ni kre ki? Indo? ow ow, ni bi-na-mikki. 28 Yi bi ku ugru sariya riisabo na bina mikki shi sa lundu na plambe nga. 29 Re Kpare isu Kpare ti Mba Yahuda mamgba? Isa so Kpare ti Mba Aluma nga? Ein, isu ti Mba Aluma pye. 30 Ni su Kpare isu wudindi, riya ri-sabo mbati lu kikyegbu na binamikki, na mba ti masa kikyegbu nga na bina mikki. 31 Nga isu ku djizeyi na plambe na binakki? Na sa su nyimu nga! Ra yi me plambe bi.