Ighri 2

1 Buba su na kre ndo ni buya kre nga, bu ngri ni buru shrummo ni ngru, bu bu wunguwu ye. Ni su bu ti buru shrummo ni mangri buru lu ngho nagaha. 2 Yi yi hu ku Kpare ri Shrummo ti risheshe ni ba ni kre nba mari lu ngho na. 3 Gaa ngho na shi hu, bu ti buru shrummo ni mba ti mari lu ngho na, a buri lu ma pye. buru gaa ku buya kri ruye ni kishrummo ti Kpare? 4 Re bu ru gaa ku Ngho-bgu ti si ti Kpare engyire, kuwu rukpu ti Kpare ri lu ti nawu rika, na ki luri nghu isu ti binghu? Busa hu ku tisii ti nghu ri lu nawu isu ti reya bi wu yemikki? 5 Ko isu ni ngbitu wuna na raa ti yemikki wu ni buru halu ni ngiyi kafu ni Ikpri kafu, ikpri ti ma biruyi na ringra ti mmah ti Kpare. 6 Ngho mu riya kpra ko ngru ngho ti ni lu ti ma na nghu; 7 ni mba ma ne ngho ti si, ti shonde na ti kigba, na ti sa djizeyinga, riya nama rhinngha ti-nglo. 8 Ni mba ti mari neh ngho ti su ti tama, i mari ngbitu na risheshen shi ri bi na ngho ti sa mmahnga, kafu Kpare riya ba na ma. 9 Kpare riya bi ringra na ku wugga ni uhu mangri ti ma lu ngho ribii, ni Mba Yahuda na ti Mba Helini. 10 Ki Shonde, na tigba, na kalamikki riya ba ni ni mba ti ma lu ngho ti si, zeze na Mba Yahuda, na Mba Helini Pye. 11 Kpare issa su na so-risinga. 12 Shrashra ti ma lu ngho ribii ti sa su ni plammba nga mariya djizeyeba ni plambe nga, mba ti ma lu ribii ni plambe mma plambe riya shrummo na ma. 13 Isa su mma ti ma hu plambe mu ma su ti mmama ni iyi Kparenga, isu mba ti mari lu ngho ti plambe kre mu masu mma. 14 Ni mba aluma ti masa su na plambe nga, mari lu ngho ti su ti su ni plambe, mma ma su plambe nguma, ma sa su na plambe nga. 15 Na ngami ma kla ku ngho ti plambe ri lu ma wanghu ni mikki ma. Mikki ma ri bi na ma, kigaa ma ri tuma re ri buungyu nama 16 na Kpare pye. Ngaha riya su ni kpri ti Kpare riya shrummo ngho ti mangri ma taruba, ti kre kre-Kpare ti miri kre ni Yeso Kristi 17 Ni bu bi nguwa ku bu su BaYahuda shi re dosu ni plambe shi ri gbarisii na Kpare, 18 shi hu kitangyunghu na ngho ti nghu bi nanghu ku isi risi ni kre ku bu su na kikla ni plambe na; 19 ni bu hu na risi wu ku buru kla ihi ni mba tima pla iyi, kikpako ni mba ti ma su ni kachu drahu, 20 ngri ti ri kla mba ti masa su na myii nga, ngri kikla mawuchi, bu su ni kame plambe kihu na risheshen, ko nigyi ngami su ukru mu su ni bu su? 21 Bu ti buri kla mangri, buri kla ni Nguwu pye? Bu ti buri kre nama sa yiwvi nga, buri ywvi? 22 Bu ti bu kre ku ungru na ka sheh ngha re ubla ngrunga, buru she ti ungru? Bu ti bu raa na Kinga mati, buru yiwvi ni shakpa mati? 23 Bu ti buru gbarisi na plambe, buru shii-Kpare-so ni buru raa ti lu ngho ti plambe kre? 24 "Mba aluma mari shi-Kpare-so-miti ni kre bubu na," ka ti ma wa nghu. 25 Kikyegbu riya su na wu kandunga ni buru gbitu na plambe, ko ni bu raa na plambe kikyegbu wu isa su kikyegbu nga. 26 Ni su ngyima, ngho ti sa kyegbu ngho nga ni ri du ngho ti plambe ri kre, ngaha sariya su nanghu kikyegbu nga? 27 Ngyimu riya su ni ngri ti sa kyegbu nga shiwu so ni nghu ri du kre ti plambe? Ngami isu ni bu su na plambe ti ma wa na kikye bgu, a buru du plmabe di nga! 28 Isa su Ngri Yahuda nga ti ni su ti mari hua ni kaye; re nghu ti kikegbu nghu. 29 Ngri ti su Ba Yahuda isu ngri ti kame, kikyegbu nghu isu ti mikki, ti Uhu, isa su ti kakkanmbe nga. Ki shonde ngringaha riya rhi ba na Kpare.