Ighri 1

1 Bulusu, ti su Uwundu ti Yeso Kristi, ma bi na su Ngriti zezedo, ti ma wanghu ni Kre kre Kpare. 2 Ngami mu su Krekre Kpare ti ni Tangyu tu riiri ni ubo mbatihukoh ni kambe Kpare. 3 Usu ti Uwu, ni ma fyenghu rii kiri Dawuda ni iga. 4 Na ki gyendenghu reh kachu mbati ma fuu, ma ku isu Uwu Kpare ti riiswi ti UhuKpare ti piyepiye bi- Yeso Kristi Dada yi. 5 Ri kachunghu mu yi bu kisheru na nghi ti meenayi mbatimazezedo tidourisi ti biinamiki ni kame gbu mitti ti ndenghu. 6 Ni kame gbu mittingami mu bu pye ma bi wu ku busi ti Kristi. 7 Kakambe ngami isu ti bubu shrashra ti bu ti Roma, ti Kpare bi na wu, ti mari bi wu Mangri Piyepiye na. Na kisheru ba na wuna, na kalamiki ti rhi kachu Iti ti Kpare na Dada Yeso Kristi. 8 Ti wudidinghu, mi wuri ni Kpare ni kachu Yeso Kristi ni risi wuna, ti binamiki wuna ti mari kre ni gbu mitti shrashra. 9 Kpare mu bey na mi, u hu ti miri lundu ni Uhu ti KreKpare ti Uwunghu, ku miri bi nde wu. 10 Miri feh shiri mye shi mi fe kiba na wu ni Kpare bi. 11 Mi Khikriiyii ti mi ba hu wu, shi na wu kpayi ti Uhu Kpare, si naso kisheru wu. 12 Mi lu Khireh ti ba shi mi su khizrimikii ni kame wu na, ni biimiki tayi na, ta wu na titami. 13 Bebein Me misairi su na busu na kihunga, ku mi miri lu Khireh ti ba na wu, ( ko ngho di isa lunga ha bebein), ngami isu ti me fee kitse ni kame wu na, ka ti me su na nghu ni ringri mba-aluma na. 14 Mi misu ngri kukpa ti mba Heliniyawa na mba ti kaye, na mba imhi na mba gbudud. 15 Ni ka su ti tami mu, mi di risi ti kre kre Kpare ni nawu bu ti bu ti ni Roma na. 16 Mi sa ri lu rhihwii ti kre kreKparenga, ngumu isu kishweru Kpare ti Krasabo ti kondi ti Binamikki nghu, ti Mba Yahuda na ti Mba Heliniyawa. 17 Isu ni nghu mu mari hu Kimma ti Kpare ri Binamikki ya Binamikki, a ti ma wa, "Ngri ti Mma riya su na benimikki." 18 Kafu Kpare iribakaye ri Kare ni mba ti mba masa su ti Kparenga na mba ti masa mmanga, ni kame reshi kumma ma ma raa ti di risheshenghu. 19 Ngami isu ni nama ku ngho ti su ti Kpare ma ribanama kayeye. Kpare nama kuhungaha. 20 Ko kuto ti Kpare, kisherunghu ti-nghlo na kinenghu ti ni su Kpare, ma binghu ba kayeye shi yi hu, rhi rukpu ti ma me Gbumitti, ni ari ngho ti ma me. Ni ngami masa su na ngho ti Krenga. 21 Tunda ma hu Kpare a masa shonghude ka nghu usu Kparenga, shi sa wuri na nga. A ma wure su gbudud ni kigaa ma na ni mikki ma ti drahu. 22 Mma ma ku ma su na Imyi a ma wure su gbudu wa. 23 Ma wure Shonde ti Kpare ti sari djibiinga ka ti ukruu ti ngri, ti ningha, ka ti ari mubu na ti ari ti ma ri ju ni mitti ti ri djibii. 24 Ningha Kpare shi ma sabo khikriyii ti ni ti ni mikki na ti luri, shi na ma ka hu kugbanguma nga. 25 Mma mu ma wure risheshenghu ti Kpare a su rii, ma ri dourisii shi ri lundu ni ngho ti Kpare mee iye na lu ni ngho ti mee ma, na ma shonghunde gbugbu. Nasungyimu. 26 Ni krengami mu, Kpare shi ma sabo ni soumiki ti sa shondenga, ma wure ngho ti ni so mma ti kishe mangha a mangha mari la na nguma. 27 Ngyimu Mba Lulu ma shi ngho ti su mma na mangha ma shi mari shukilla na khikriyii ni mba lulu. Mangri ngami ma lu ngho riwhii a ma buu ngho ti mma na ma, kibii. 28 Tun da masa bi shi bi Kpare ni kame kuhu manga, nghu piye ishi ma na mikki ti bii, na ma lu ngho ti sa si nga. 29 Ma mmulo na ngho ti sa mma nga, na ngho ti bii, na khidayi, na kafu. Ma mmlo na kafu mangri, shi ri wumma, ma ri shrummo, ma ri mbre mangri shi su na mikki ribii. 30 Mari Kenyuu ni mangri, shi ri wuma na ngyu, shi raa na Kpare. Ma su mba kishra, mba gbariisii, mba ti djuriisii. Ma ri bi ngho ribii ryuba, ma sa ri douriisii ni iti na inni ma nga. 31 Ma sa su na Kuhunga, ma su mangri ti masa bih na manga, ba kisis mikki nga a masa su na kiluri nga. 32 Ma hu ku Nmu ti Kpare, ku mba ti ma ri lu ngho mgami mariya ti fu. Ko mma Masari lu ngho na Mamgba nga, ma bi na mba ti ma ri lu ma pye.