Ighri 10

1 Mawani, khikriiyii Miki mi na ki mye mi ni Kpare isu ni mma, ni ki krasabo ma. 2 Mi su nama kihu-iyi ku ma su na mikki ti du Kpare, ko isa su ni kihu nghu nga. 3 Masa hu mmah ti Kpare nga, mari ne ti so mmah ti su ti tama. Ma sa dourisi ni mmah ti Kpare nga. 4 Kristi mu isu ki mmlu plambe ti mmah ti ko ngru ti binamikki. 5 Musa wa ni kre mmah ti ba na plambe: "Ngri ti lu ngho ti mmah ti plambe riya kri ni mmah." 6 Mmah ti ba na somikki ikre ku, Ka kre ni mikki wu, ku andi riya toh kare? ( ti bi Kristi ba miti); 7 shi ka kre, 'andi riya do shi ya kinji ti sa so na miti-nga?'" ( shi bi Kristi ri kachu mba ti fu ba kare). 8 Ko aki mu ikre? "Ikre digbi na wu, ni kangyu wu, ni mikki wu." Ngaha isu kre So miki ti yi kre kre. 9 Ni bu bi na kangyu wu bu bi ku Yes isu Dada, shi bu bi na mikki wu ku Kpare gyende na nghu ri mba ti ma fu, bu ya ti krasabo. 10 Isu na Mikki mu mari bi ti mmah, na kangyu mari kre ti kikrasabo. 11 Kakammbe ikre, " Ugru ti bi na Nghu sara lu riwhii nga." 12 Mba Yahuda na Mba Aluma masa so gwva nga. 13 Nghu mu su Dada ti Dada yi shrashra, isu gbugbu ni mba ti ma bi nanghu. Ngru ti ni bi nde ti Dada riya krasabo. 14 Ma lu uki shi bi nghu ti ma sa bi na nghu nga? Ma lu kiki shi bi ni nghu ti ma hu kre nghu nga? mariya ti hu kiki ni ngri ti kre Kpare sa kre na ma nga? 15 Ko ma a ti krekre Kpare kiki ni masa tundu manga? Ka ti ma wa, "Kiwayi ki isu ni uhu mba ti mari kre kre Kpare ti Ngho ti si!" 16 Mma shrashra masa hu krekre Kpare nga. Ishaya kre, Kpare, andi bi na Kre yi na?" 17 So mikki ri ba ni hu ni kre, kihu ni Kre Kristi. 18 Ko mi kre ku, Masa hu nga?" Ein, Ngyimu, "Lila ma ru ka mitti shrashra, Kre ma ka gbo mitti." 19 Na ngami, mi kre, "Mba Israila ma hu?" Musa zeze kre, "mi ya so ma kafu na mba ti masa su mitti nga. Na mitti ni masa su na ki hu nga, miya ti so ma kafu." 20 Ishaya gba mikki ti ni kre ku, mba ti ma sa ne minga ma fe mi. Mi ruye ni mba ti sa myi minga," 21 Ko ni Mba Israila ikre, "Nno shrashra mi di ubo ni mba ti masa dourisi nga na mangri ti ma mgbetu."