Ighri 11

1 Mi kre ku, re Kpare iraa na mangri nghu? Na sa ngyimu nga. Mi misu Ngri Israila, uwu Ibrahi, ti iry Ben-yami. 2 Kpare sa raa na mangri nghu nga, mma ti zezehu ma. Buba hu ngho ni kakammbe kre ni risi Iliya nga, ti ni fhe na Kpare ni Israila nga? 3 "Dada, ma wu mbati huko shrashra, ma dji kijambariku ti Kpare. Ma shi mi mamgba, mi pye mari ne ringha mi na." 4 Ko aki Kpare ye na nghu? "Mishi ni ngumi mangri minna tama ti ma sa taba dourisi ni Baal nga." 5 Ngyima, ni rukpun ngami pye, ringri kpe ni kre kiwa ti Kigrekpare. 6 Ko ni isu kigre-kpare, isa su kre ndu nga. Kigrekpare na ka su kigre nga. 7 Aki mu? Ngho ti Israila ri ne, isa fehnga, ko ngri ti ma wa ifeh, shi ringri ma ngbetu. 8 Isu ka ti na ma wa: "Kpare di nama uwu-pepe, na iyi ti sari hu ukonga, na uttu ti sari hu kre nga, shi na ma sa hu nga ri ba ikpri ngami." 9 Ningha Dawuda kre ku, "Na riti tigba ma na su taru na itra, kikye gbu uho na Ngho ti lu ma ummo. 10 Na iyi ma na drahu, shi na ma ka hu ko yi, shi na kizima na kroh ndrandra." 11 Mi kre ningha, "Ma gbu uho shi roku?" Na ka su nyimu nga. Iye, ti ki roku ma, krasabo ba na Aluma, ti so ma kafu. 12 Bebein ni kiroku ma isu ngho-gbu ti gbumitti, na ki wure bi ma isu ngho gbu ti Aluma, ki mlu ma riya su ki ki? 13 Bebein miri kre na wu Aluma, miri gbrarisii ni indu mi. 14 Ine miya bi ma lu kafu, mma ti ma su mawani mi ti iga. Re miya kramasabo. 15 Ni ki raa ma isu kimei gbumitti lu, aki riya su ni ki buma, sariya su riingha ri mba rufu nga? 16 Ni ma mei lu kiwakaku ti zeze, nyi mu riya su na gbu falafa. Ni Ikpra isu na tisi, ngyimu riya su kabu kaku. 17 Ko ni ma tsa mba saga ni gaboo ruye, shi bu ti bubu ti su zaitun ti kame ji, ma bi wu gbra ni kame ma, ni buru ga na ma ni gbu-ngho ti ikpra ti kaku zaitun, 18 ka ka gbariisii ni gaboo nga. Ko ni bu gbarisii, isa su bu mu bu bi ikpra nga, ko ikpra mu bi wu. 19 Bu ya kre ku, "Ma tsi gaboo ruye shi mma gbra mi ni kame." 20 Ngaha isu risheshe. Ni kre raa ti bii titama, ma mbri ma ruye, ko bubu bu tigbegbe ni kre bi yi na. Kar ka gbarisi yi na nga, lu shrishri. 21 Ni Kpare sa shi gaboo ti risheshe nga, isa riya shi pye nga. 22 Ne ngami, ndu na ngho ti shrishri ti Kpare lu ni mba Israila. Ni ubo ndi, Kpare bi ngho ti sii nawu na. ni bu kri ni ngho ti si ngami. Nisa su ngyimu nga ma mbri tabwa. 23 Mma pye ni masa kri ni raa ti bi tama nga, ma bi gbra ma ni kame. Kpare riya ti bi ma gbra ni kame pye. 24 Ni ma mbri wu ni kaku Zaitun ti ji shi ma gbra wu ni kame Kaku zaitun ti risi, riya su kiki na Mba Yahuda, ma sa bi gbra ma ti kaku zaitun mmati ma su gaboo ti risheshein? 25 Miri so na bubu na su na kihunga, mawuani, Ngho ngami ti ma tariba, ngami isu shi na ngru na hu ku nghu isu na imyi nga. Ngho ti ma tariiba ngaha isu ma so ni nama mgbitu igyayi, shi na aluma na ma ka mulo. 26 Israila shrashra ma ti krasabo, ka ti ma wa: "Ri Sihiyona Ngri ti risabo riya ba. Riya riyu na ngho ti sa su ti Kpare nga riyu ni Yakubu, 27 ngami mu riya su kudruubo mi na ma, rukpu ti miya hi nama ngho ribi ma." 28 Ni ubu ndi, ni kre kreKpare, mma ma hi kachu wu ti kahiiyi. Ni ubu ndi ni kre ki wa Kpare, ma su mbabiKpare ni arimatiti. 29 Kpayi na ki bi ti Kpare masa ri yenghu nga. 30 Na ben bu su mba gbitu ni Kpare, ko bebein bu bu kiluri, ni ngbitu ma. 31 Ngyimu, bebein Yahudama ngbitu. Ngho ti zu kizi isu ni kiluri ti bu fe, mma pye ma fe kilurii. 32 Kpare kru ma ni ngbitu, shi na nghu na kla kiluri ni mangri shrashra. 33 Ah, nji ti ngho-gbu ti nmyii na kihu ti Kpare! Masa ti hu shrummo nghu nga, na gahi nghu ikr ti yiya fe! 34 Ko andi mu ihu mikki Dada re isu ndi mu riya su ngri ti riya kronghu? 35 Re andi mu zeze na Kpare, shi Kpare na kpranghu?" 36 Isu ni kachu nghu na nghu mu shi ya kachu nghu mu ngho shra shra ma ti ka. Yi shonghu de ti Nglo. Na su ngyimu.