Ighri 12

1 Miri feh na wu na, Mawani ni na kulirii Kpare, ku yi di iga yi ka kiddirisi piyepiye ti isu na ringha ti ni Kpare riya ti bu. Ngami mu isu indu wu ti isi. Ka su ka mba ti gbu miti yi, ye mikki wu. 2 Lungami shi buya hu ngho tisi, na ngho ti ma bu ku isu ti mamma na Kpare. 3 Ko mi kre, ngami ni kigrekpare ti ma nami, na ngri ka hin ngunghu ku ikra na ngrunga. Iye na ma gaa nia kimyii, ka ti Kpare ni ko ngru umah ti binamikki nghu. 4 Ka ti su na gbu igwva ni iga, isa su igwva ti ngyi mu su na ndu wudindi nga. 5 Ngyimu, yi ti yi mbrimbri ni iga Kristi, yi su mawani ingiyi na. 6 Yi su na kpayi gwva gwva ka ti ni kigrekpare na kondi na, ni ngri su na kpayi ti Krekre-ngho-ti-su, na lunghu ni ruku ni bi-mikkinghu. 7 Ni ugru kpayi isu ti lundu, na lundu. Ni ungru kpayi isu kikla mangri, na nghu na kla. 8 Ni ungru kpayi isu ti kidi khizrimikki ni mangri, na lu khizrimikii. Ni ungru kpayi isu ti na mangri ngho, na lunghu risheshen. Ni ugru kpayi isu ti klagahi, na lunghu na kimelu. Ni ngru kpayi isu ti kilurii, na lunghu na simikii. 9 Na kibii so na sa su imyii nga. Raa na ngho ti su ribii; bi ngho ti su risi. 10 Ni kre kibii na mawani, na su risheshe ni ngiyi na. Ni kre tigba, di riku ni ngiyi na. 11 Ni kre kilu ngho na iga, ka yi iga yi. Ni kre Uhu, so risi. Ni kre Dada, lundu nanghu. 12 Muru ni somikki ti bu su na nghu ni ngho ti ri ba. Lurii ni rika. Ti ka feh. 13 Ga ni ngho ti ife mba saga ti mari beiwa. Ne gbu gahi ti gre mangri. 14 Dubo ni mba ti mari na wu ringra, dubo, lu ma kangyu nga. 15 Muru na mba ti mari muru; shi Ki na mba ti mari ki. 16 Su na mikii wundindi na ngiyi na. Ka bu gaa ka mba ti ma gbarisii nga, hi kidourisii ni mangri. ka bu su na imyii ni mikki wu nga. 17 Kar ka kpra ngho ribii na ngho ribii yi. Lungho i sii ni iyi mangri shrashra na. 18 Ni su ngho ti riya lu kri ni kisimikii na mangri shrashra. 19 Kar ka ye ni mangri ngho ti ma lu wu, Mba ti mi bina ma, na ngho kafu ni Kpare. Ka ti ma wa, "'ki Ye ngho ti ribii isu tami; miya kpra' Dada Kre." 20 "Ni kahiyiwu ri ji rimye, na nghu irii. Ni iri ji na kira, na nghu mangyi ti wa. Ni bu lu ngyimu, buya su naghu kiga kila ni risi." 21 Ka ka bi na ngho ribi na krasheru nawu, krasheru na ngho ribii na ngho ti si nghu.