Ighri 13

1 N ko ndi dourisi ni mba-ti-ma-su-sheru, be Kisheru nga raa ti ni riba ri Kpare. Kpare mu soo mbatisheru ti ma kpe. 2 Ni ngri raa na ti-mba-sheru ire raa na umo Kpare mu, a mbati ma raa na ma, mariya bu shrummo ni nguma. 3 Mba-ti-bi ma sa su ngho ti lu shrishri nga ni mbati ma ri lu ngho ti sii, sa ni mba ti lu ngho ribii. Bu su na shrishri ungru ti su ni Kisheru? Lu ngho ti sii, buya fe kibi. 4 Nghu isu ngri-undu ti Kpare nawa ni kre ngho ti si. Ko ni buru lu ngho ti sa maanga, lu shrishri; nghu sari hi kaji runho nga. Nghu isu uwundu ti Kpare, riya kpra ngho ti kafu ni nngri ti lu ngho ribi. 5 Bu dourisi, ni kre Kafu mangba nga, ko ni kre mikki wu pye. 6 Ni kre ngami bu ru kpr mgba ruwa pye. Mba-tisheru ma su mawundu Kpare mu, ti ma kpe ri lu ngho ngami. 7 Kpra ni kondi ngho ti su ti tanghu: Mgba ruwa ni ngri ti ri bu Mgba ruwa, dourisi ti ngri ti dourisi su ti tanghhu, shrishri ti ngri ti shrishri isu tanghu, shi ruku ti ngri ti ruku su ti tanghu. 8 Bi kpukpa ni ngru nga, raa ti bimikki na giyi na. Nghu ti bimikki na ngri uko nghu ri mmlo plambe. 9 Umo ti kre ku: "Kar ka buboikpi yi, wu mangri nga, yiwvi nga, kra ngho mangri nga," na ni su umo indi gwva, ma kla ngu ni kame kre ngami: "Bimikii na makoyi ka na risiwu." 10 Bi mikii sa riya lu ngho ribii ni ngri uko nghu nga, ningha bimikii mu isu kimlo plambe. 11 Ni kre ngami, bu hu ku isu rukpu ti buya runi killa. Bebein kikrasabo yi idigbi kra rukpu ti yi zeze beiwa. 12 Ichu riga chu ta ye, ikpri ri nghaa ye. yi ka ngho ti drahu lu ni geindi, shi yi kru isi ti shra ti kila. 13 Shi yi kri ka ti mmah, ka ti nno, yi sa ka ti ni mba ti ri kubru re ti mba mate nga, yi sa ka kri ka mba ti mari lu ngho ti bi ti kishe nguma, mba ti su na kukloyi, na mba ti ma ri kru shi ri lu kafu na nguma. 14 Kru Dada Yeso Kristi ni iga wu, shi ka na ibe iga wu rukpu ti kukloyi nga.