1 Bu mba ti masa su na sheru ni somikii nga, shi ka shrummo na ma nga. 2 Ngri ndi isu na somikii ti rii ngho ko ki, ndi isa su na kisheru nga shhi ri rii arimbe mamgba. 3 Na ka ngri ti ri rii ngho shrashra raa na nghu ti sa ririi nga, shi na ngri ti sa ri rii nga, na shrummo na nghu ti ri rii koki. Isu Kpare mu bunghu. 4 Bu bu su'ndi, bu ti shrummo ni ngri undu ti su ti ungru? Isu ni kahiiyi dada nghu mu e gyende re iroku. Ma mei nghu ti tiendede, Dada mu riya me nghu na tii. 5 Ngri ndi hi ikpri ndi kra ringri kpri. Ndi bi hi ari ikpri masu indindi. Na ko indi na bi ni mikkinghu. 6 Ngri ti ri neh ikpri ri ne ti Dada nghu mu, iri neh nghu, nghu ti ri rii, iri rii ni Dada nghu, shi ri di Kpare Iwri. Nghu ti sa ri rii nga, isa ri rii nga nit Dada nghu, shi iwri ni Kpare nghu. 7 Ba ngru ni kame yi ti su ti ris tangha, ba ungru ti fu pye ti risinghu ga. 8 Ni yi su, yi su ti Dada, ni yi fu pye , yi fu ni Dada. Re yi su re yi fu, yi su ti Dada. 9 Ni ngami mu Kristi fu shi bi su, shi na nghu na su Dada ti mba ti ma fu na mba ti su na ringha ma. 10 Ko bubu, aki su ti buru shrummo ni wani wu? Na bubu aki ko buru bra wani wu? Yi shrashra yi ti sati ni riti Shrummo ti Kpare. 11 Ka ti ma wa, "Ka ti me su," kre Kpare, "Na mi mu rigba shrashra ma ti doh, shi irey shrashra mati shonde ni Kpare." 12 Kondi ni kame yi riya ti kla ngunghu ni Kpare. NI su ngyimu yi ka shrummo ni ngiyi nga, 13 Ne ngami hu, na ugru ka so kikye ti gbu hu re itra ni iyi mawani nga. 14 Mi hu shi bi ni mikki mi ni Dada Yeso, ku ba ngho ti sa su tiluri na nghunghu nga. Isu ni nghu ti hunghu ku isu na ri. 15 Ni su ni kre iri ka ta ruko ti wani wu yi, busas bi ri kri ni bimikkinga. Ka djizeyi na ugru ti Krsiti fu na iri wu. 16 17 Ka shi ngho ti bu gaa ku isu risi na ma kre ku isu ribii. Kiri Kpare isa kre iri na mangyi mamgba, isu kre kimmah, na ti kalamikii, na kimuru ni Uhu-Rissi ti Kpare. 18 Ngri ti ru lundu na Kristi ni ihi na, riya fe Kibu na Kpare na mangri pye. 19 Na yi duu nghho ti su ti kalamikii na ngho ti riya gre yi mei ngiyi lu. 20 Ka djizeyi ndu ti Kpare lu ni kre Iri yi. Ngho shrashra isu pyepye, konisu ribii ni ugru ti ri ri shi ri so nghunghu ti gbu uho. 21 Isu ti bu ririi nga re shi wa magyi-kilo, re ko ki ti wani wu riya gbu hu. 22 So mikii ti bu su na nghu, bi nghuwu na Kpare wu na. Ma dubu ni ngri ti sa wungunghu memye na risinghu nga na ngho ti ngu riso. 23 Nghu ti raa ti bi, shi dji nghu wu isa su ni somikiinga. Ngho ti isu ni somikkiinga isu ngho ribii.