Ighri 15

1 Bebein yi ti yi su na sheru, yi bi mba ti ma sa su na kisheru nga, shi yi raa na kijikulo ni ngiyi na. 2 Na kondi ni kame yi na ne ti nghu riya na makonghu kilo ni ngho ti si, shi na meinghu lu. 3 Kristi pye isa ne kilo ti risinghu nga. Re, ma wa mamgba ku, Kitu ti mba ti mari tu wu uwure ba isi mi." 4 Ngho ti ma na wa ma wa ti kikla yi mu, shi na su ni fre kiluri na kidi sheru ti kakambe yi fe gbamikii. 5 Bebein na Kpare ti Kiluri na ti gbamikii na nawu, shi bu su na miki wudindi na ngiyi ni kame Kristi Yeso. 6 Na nghu na lu ngami shi bu na shi shonde na mikii wudindi na kagyu wudindi ni Kpare na Iti ti Dada yi Yeso Kristi. 7 Ni ngami, bu ngiyi na ka ti Kristi bu, ti kishonde Kpare. 8 Miku ma mei na Kristi Ngri-undu ni kikyengbu ni risheshein ti Kpare, shi na tangyu ti ma na mati na su gbegbe, 9 shi na aluma ma shonde ni Kpare ni kre kiluringhu. Isu ka ti ma wa, "Ni ngami miya ti shonde na wu ni kame aluma shi i ta shingba ni nde wu." 10 Ma bi kre, "Muruu, bi mba Aluma, na Mangri nghu." 11 Shi ma bi kre, "Shonde ni Dada, Bu mba Aluma shrashra; na mangri shrashra shonde nanghu." 12 Ishaya ibi kre, Riya ti su ku ikpra Yessi, na nghu ti riya gyende shi bi mba Aluma. Ari aluma mariya ti gbamikii na nghu." 13 Bebein na Kpare ti gbmikii mulo wu na kimuruu na kalamiki shi bi na ngho, shi na gbamikii wu na ti gbu ni kami kisheru Uhu Risii. 14 Mi na Ngumi mi bei na wu, ma wanimi. Mi bei ku bu mulo na ngho i si, si ti gbu na kihu. Mi bei ku bu riya hu ti disheru ni ngiyi na. 15 Ko miri wa na wu na kigba mikii ni ari ngho ku ka rembuki yi, na kpayi ti Kpare nami. 16 Kpayi na isu ti mi su uwundu Kristi Yeso ti ma tundu ni aluma, ti ma riya di ka Firist ti krekre Kpare. Mi lu ngho ngami shi ki di risi ti aluma na fe kibu, shi na na-piyepiye ni Uhu Risii. 17 Ki tremikii mi isu ni Kristi Yeso na ni ngho ti Kpare. 18 Misa yi ti kre ni ngho ndi gwva nga ra ngho ti Kristi lu naa mi ti dourisii mba aluma. Nghonagami mari lu na kre na indu piye, 19 na kisheru ti nghla na ari nghoti-ba-hu, na kisheru ti Uhu Risii. Ngami isu ti rhi Urishelima, na geyi nghu ri ka Ilirikum, miya ti fe bi kre kre Kristi ka wa. 20 NI gahi ngami, ki so miki mi isu ti kre kre-kpare, ko isa su ni kachu ti ma hu Kristi yeinga, shi mi ka mei ni risi ikpi-kiri ugru nga. 21 Isu ka ti ni ma wa: "Ni mba ti masa hu ikre ti sien ti tanghu sa na manga ma hunghu na iyi, na mba ti ma sa hu na itu manga ma ti fe kihu." 22 Ma raa na ni gbu rukpu ti ba na wa na. 23 Bebein, mi sa su na kachu ndi ni geyingahanga, mi su na khireh ti ba na wu na. 24 Du rukpu ti mi ka Asibaniya, miri so ti hu yi gyangyi, shi bu tumindu ni gahi mi, ni kizi ki ji kulu na wu ti rukpu wugyanyi. 25 Ko bebein miri ya Urishalima ti lundu ni ma wani. 26 Isu ngho kiji kilu ti si ti Makidoniya na Akiya na ma ha mgba lu ni mba ti ma sa su na gbu-ngho nga ni kame mba ti biina mikii ni Urishalima. 27 Ein, isu ngho ti ma ri so ti lu, ngyimu ma su mbakukpa ni ngho nanghu. ni Mba aluma ma gaa ni nghu Uhu ti su ti tama. Ma su mba kukpa nama na ma lundu na ni ngho ti gbu mitti. 28 Ni su ngyimu, ni mi lundu ngami myemye, miya hu ma bu ngho ti ma ha luu, miya ya Asibaniya shi ba na wu ni gahi mi. 29 Mi hu ku ni mi ba na wu miya ti ba kimlu duboh Kristi. 30 Bebein Mawani mi, miri miye wu ni Dada Yeso Kristi, na bimikii ti Uhu, ku bu kra na mi ni kifhe na Kpare ni nami na. 31 Fhe na ma rimi sabo ni ubo mbati ma sa dourisi ni Yahudiya nga, na undu mi ni Urishelima na fe kibu ni kame mba tidoh. 32 Fhe shi mi ba na wu na kimuru ni kame ngho ti Kpare, shi mi fe yii na bubu na. 33 Na kala mikii ti Kpare tii na wa shrashra. Nasu nyimu.