Ugrii 21

1 Ka mi hu kalre lrehe ni miti lrche ka kalre kajiji ni miti kajiuji chuta ka nne so anyo. 2 Ka mi hu uko risi urishilima lrehe ti lru are ba miti ni kpare melu sowuna lrehe me ngo lu na ubla ta. 3 Ka mi hutu ngri laka lru lruteriku klre ''Hu uko ti kpare tehwa su na mangri bi, ka la ti ni ma. Ma la su mangri ta ka gno kpare la ti ni ma ka gno la su kpare ma. La chu na mandi wayi ni lriyi ki lruku la te nago. Uruhmiki ni unyu ni urulla mawangno kaji u chu ta. 5 Ti ni tii ni riteriku klre, Hu! mi lu mawangno pye lrehe, ''U klre wa ndi miti klre ti ugri ndi ma bi mabre ni risheshe. 6 U klre na me timi ma lu ye! mi su Alpha ni Omega ti kajiji ni ti lriboti ni so na lringno wami mi la bi na wa la ya mami ti iri lru ni miti nga wami ti teyi. 7 Ti ngri ti nabo la bu mawangno ka mi la su kpare ta ka ngo la su uwu mi. 8 Ma ti li lochringo, ma bimikingo ma ti ni risheshe ngo ma wu mangri ma kplriko ma lunga ma doozi mawangno, ma sarii, uko ma su ni nji lla ti ni lrii na mlre lla taha su lruku ti aha. Ndi na me ma uwundurisi ba ni me ti ni so na ugba tamba mlo ni lamwa lriba tamba ka u klre ''Ba mi la klo na wu wuna lrehe ngha ti chugbu. 10 Ka u hi mi ka ye ni uhu kagbo lakaka bu u kla nami uko tisi urishelima lru are lri ba miti lru kpare. 11 Urushalima uso na ugbu ti kpare. Ki za lla ni uhulrilri gehe achra. Uso 12 ni lakaka zee ni ma gehe awu she aha ni ma wundurisi awushe aha ni gehe ka ni ma yehe ndi ma wa nde awu she aha ti lrey mawu israila. 13 Ni ahe yinda su gehe achra ni gohe nnu su gehe achra ni gehe gbii whiilrilri so gehe achra umma ma ka ti mangri lri ma (usu ndindi ni u ma ti uwundirisi). 14 Uglri ti ko usu ta kpi awu shi aha ki ni gno su nde awu she aha ti ma zezebo awushe wha ti chugbe. 15 Ti ni lugri ni me ubi usho ti ma ti malu ni zinariya ti ma koo ma gehe ni ma uglri. 16 Uko ndi ku gbalahu ni ze ta usu ndindi u ma ko ndi ni sho ma ko usu miji awu she aha (Gpalahu ni ku zee ta su ndindi). 17 U ma uglri, 144 ti su so mawangno ti ta ni ruh risisi ni ma kike tisi ti crystal-tisi jasper. 18 Ma me uglri ni jasper a uko su so zinariya ka ti modobi Takpi ti uglri ma me lu ni 19 Ma kike risisi ti kaji su jasper ti ha su sapphire ti chra su agate ti ane su emerald. 20 Ti ata su onyi ti andra su carnelian ti atamba su chry so lita ti asene su bery ti asane su topaz ti awu su chrysoprase ti awu she ndi su jacinth ka ti awushe aha amethyst. 21 Ma gahe awu she aha si lu'ulu'u awu she aha mii gehe ndi su na lu'ulu'u ndindi ma lri gehi ti ameko ma lo na zinariya ra so ti modobi. 22 Ka mi sa hu sakpa ni kame ko nga klre uti yi kpare riku usu chugbe ni shakkpa ta. 23 Ka ame kho ndi sa lri ni nnu ko uhwa ti zaako ngo klre ugba kpare lri zaa ni gno ka chugbe ta mbi su chugbe. 24 Ka ma kho la kri ni za ko ni ame ko ma oriye ti khizimiti mala bi ugba ba ni gno. 25 Ma la chu gehe ni nnu ngo na ha ndi ba uchu. 26 Ma la bi ugba biriku ti ma lri ko ni gno. 27 Ba gnondi ti chrorii la ka ni gno ko ngri ti lu gno ribi ni sarii ma ti ma wa nde ma ni kakambe kateyi ti kpare rha.