Ugrii 20

1 Ka mi hu uwundurisi ndi lru alre lri ba miti uni she ti nji ti so na kpi ngo ka ubi sarku lakaka ni bo uka ruh manzrama nglre shaitan ti usu ugbre, ko shaitan ma bwa ti yea miji ndi 2 Ma bye wuchu tu ni nji ti ba kpi u klu ka shu chu ndi gno. 3 U lu nji klre na mbre mangri ma ko anyo, se eyea miji ndi mlo. Gyu nyi ma la chu gno sabo ti rikpu gya. 4 Ka mi hu malri riteriku timiti ni gno su ma ti ma nu mu riku nama shummu. Ka mi hu gaga miki ti ma wu klre ti nju klre ti Yesu ni klre kpare ma sa doozi ubechu ni uhu ta ngo ka ma ra nguma ti bu lamba ni reresisi ko ni bo ma ba yi ka ma ti ni Yesu ti Iye miji. 5 Ringri ti ma ku ma bo iruye nga se iyi miji ndi mlre. Timi su ku nyende ti kajiji. 6 Duba ni usi usu ngri ti fe nyende ti kajiji nin yi lruku ti aha so na tchreru ngo ma la su firist ti kpare ni ti lyesu ka ma la bi ni ndi ti iye miji ndi. 7 Ni rikpu ti iye miji ndi ba mlre ma chu shaitan sabo ni azelrii. 8 La lruye ti mbre malri ko ni gwa ane ti izimiti kog ni magoy ti bi ma kallu ni riku mala su mbrimbri so lringye ti Nne. 9 Ka ma chra lriyi ni khizimiti ka ma lre kla pye mangri risi ti kpare uko ti bimiki ka lla lri are ba miti ba lri ma. 10 Ka ukpre ti mbre na ma wu chuta ni lri lla lakaka na ha ndi mbi ubechu ni ma sarhii huheyi ma bi ma chu ta ma lu wa ringra ni chu na ni Nnu gbu gbu na gbu. 11 Ka mi hu riteritu ritete laka ningri ti tii ni gno ka miti ni kare krii kaye na aheyi ta ka ma su fe ko ti ya ngo. 12 Ka mi hu tima ku ma laka na ti ma si glati nga ti ande ni rite riku ka ma klaa kakambe ka ma ku kakambe ndi kakambe ti mikite ma ti ku ma shu ma mmu ni ka ti ma wa ni ma kakambe ka ti undu ma. 13 ka Nne bi na lruku ti kpi ni gno lruku ni hades ma na ma lruku ti ma su ni gno ka ma shu ma lruku mmu ka ti undu ma. 14 Iruku ni hades ma bi ma wu chuta ni nji lla timi su lruku ti aha nji lla. 15 Ngri ti ma fe nde ta ni kakambe ngo ma cho ta ni nji lla.