Ugrii 19

1 Ni zi nyi ka mi hutu ugri so lrey lla ti mangri gbulaka ni ane kare lruye ni ubri, ''Hallaluya kra-sabo ugba kutchreru su ni kpare yi. 2 Ummu ta su risheshe ni ndindi klre ti ushimmu na kpalriko laka ti khizimiti yi ni kpalriko ta u hi fansa ti wayi ti mawundu ni ubo ta. 3 Ma lugri ho ti aha ''Halleluya uwi to ni ko gnandi gbu na gbu. 4 Ma ti awu aha ni ane ni mawongno te yi ane lru ku ka ma doozi kpare ti u tii ni rite riku ka ma ka klre ''na su nyi Halliluya. 5 Ka ulrey lla lruye ni rite riku klre ''Songbu na kpare yi ni ma wundu ta pye ma ti lochri ta ma su ma mariku ni tchwreru. 6 Ka mi hutu gno ti su so lrey lla ti mangri gbulaka so ku kugri ma lriwami ni ku ta minschre lri klre halliluya! kpareyi ti ni rite lriku kpare. 7 Na yi luwri ka shi hee bi ugba na klre ku kpi ja ti lribla ta baye, ka ubla mengo lu ti lrigbe. 8 Ma na gehe na ta malri chro risisi klre ti chro risisi su undu umma ti mawu risi ti kpare. 9 Ka uwundurisi klre na mi ''Wa ndi ku dubo su ti ma bri ma ti jalribla ti chugbe ''U bo kpi klre na mi ti mu su ugri risheshe ti kpare. 10 Mi lruku ni oho ta shi doozi ta, ka u klre na me, '' ka lu nyi ni me ngo mi su uwundu ni bu ni mawane ti ma bi njuklre ti Iyeso doozi kpare klre njuklre ti Iyeso u su uhu ti huheyi. 11 Ka mi hu kare klaa ka mi hu mingha ritete ngri ti to minggha ndi su bimiki na risheshe lri shu ummu risheshe ni tariku. 12 Iriyi ta su so mlre Ua ka ni risita so ma tata oriye gbulaka u so ni nde ti ma wa nindi ti ngri sa yi ngo ra ni ngo. 13 U ta chro ti mlo ni wayi ka unde ta lrii ugri kpare. 14 Ka ma ta riku ni kare duzi ta ni ma mingha ritete klu ma ni chro risisi ritete ni pye. 15 Iru anyu ta su kaji riku ti ma wa risisi ti kra ma lriko ta miti, ka la bi ma ni wagba mgba u iri pla ni wami innabi ti urulla ti kaffu riku kpare. 16 U so ni nde ti ma wa ni chro ta ni lrigba ta ''oriye ti ma oriye uti ti ma uti. 17 Ka mi hu uwundurisi ti ande ni nnu u bri ni lrey lla laka na ma mingha ti ma lri kaa na are, ''Ba kalu sesre ti kpi ja lakuku ti kpare. 18 Ba ku uberu ti ma oriye ma riku ti tariku uru ti ma mangri chreru uru ti ma mingha ni ti ma to uru ti mangri pye, mati ma chumasabo ni ma uffi ma ti gbagba ni chreru. 19 Me hu ubechu ni ma oriye miti na ma tariku ma kakpi ti ta riku ni ti to mingha ni ma ta rikuta. 20 Ma ruh ubechu ni ndi ni ma huheyi ti rii li lu mawangno ti klanyu ni aheyi ma, ni ndi u mbre ma ti bu lamba ti ubechu ni ti ma doozi ubuho ta ma chu ma kaha ndi ta ni mlre lla ti li lri mbrimbri. 21 Ma wu ringri ma ni kaji riku ti ni lruye ni anyu ti ndi ti to mingha. Ma mingha pye ku uberuh ma.