Ugrii 18

1 Gyaa nyi ka mi hu uwundurisi lru are ba miti u so ni kutcshreru gbulaka ka miti klayi ni ugba ta. 2 U lungu mgbaa ni lrey laka ka u klre lruku, lruku sa babila laka. Usu ko ti ma lri gblre kpe jumbe ti ma uhu ribi usu jumbe ti ma shrori ni ma mingna ribi. 3 klre khizimiti mi pye fe ni wami innabi ma oriye ti khizimiti lu gno ribi ka ma fe ni udayi gna kpalriko ma ti ma lrita richu man mbri ni gnobo ni kutchtreru ka ti gna kpalriko ti. 4 Ka mi hutu gri ndi gaga lru kame alre klre lruye na gna ndi mangri mi klre ni sa gwa ni klre ribi ta yi klre sa bu ko ndindi ti lamwa ta. 5 Klre ribi ta mlo ka nju kpare. Ka kpare thari ni klreribi ta. 6 Kpra na ndi ta ti iri kpra na manyi kpra nandi hoha ti ndu to ni gba ti u kallu kallu hoha ni gba na ndi. 7 Ti ni nango ugba ka ti kuyllo bi na mbrimbri ni lrika kabokpaku klre ti uklre ni miki ta, ''Miti so wuna oriye mi sa su gna woku ngo ka mi la hu jaruku ngo. 8 Klre nyi ni kprindi lamwa ta la ba lruku, jaruku ni rimye. Ulla la lrea klre ti riku kpare usu ngri shummu lrea. 9 Ma oriye khizimiti ti ma lu kpalruko ma shi kiruku na gna ndi klre ma hu uwi lla lri lrii ni uruh ta. 10 Ma tii nanyu gyaa lochri ti ringra gna ndi shi klre ''Gbuju gbuju na ko laka babila kutchreru ko ni rikpa ndindi uwalringra tu baye. 11 Ma ta lrichu ti izimiti ma kii shi ti jalriku na gnandi klre ko ngri ndindi yah mawango to ngo. 12 Mawungno zinariya ni arzufa ni ma kike risisi, lu'ulu'u ni lilin ta su klree, ni hajja ni siliki ni alharini ribaba ni kaku ti iri kato gaga mawungno ti ma go ni mgba mbrimbri ni tagulla mgbaa ni ma kika ti si. 13 Ni kirfa ni waru risi ni wano lla ni mur ni lubba ni wami innabi ni alkama ni ma lri undo ni ma messo ni ma minghu ni keke minghu ni ma uffii ni miki mangri. 14 Mawangno ti bu lu pye na mangri tchreru tu u lruye ni bu mawangno risisi ti bu so nan di kgushibi ma la hu ndi ango. 15 Ma talrichu ti mawangno ndi ti ma suni gnobo ni gno ndi la ti aye ni nanyu na gna ndi klre khrikhri ti ringra ta ungu ni kiruku mbrimbri. 16 Ma la klre, ''Gbuchu gbuchu na ko laka ti ni klu ngo ni chro risisi ni tche kpu ribaba ni chro laka kama kloo ni zinariya ni ma kike risisi ni lu'ulu'u. 17 Ni rikpu ndi mawangno ti so ni ndi pye la zeyi ''mati ma lri hi jirji wami ni ma ti lundu ni nne ni mangri ta richi ti fe gno iri ti na nanyu. 18 Ma bi ni ungu ka ti ma hu uwi lla li lri uru ta ma klre, ''Iziko gyi su so uko laka?. 19 Ka ma vra rimbru ni risi ma kashi lungu ni kilriku gbuju gbuju na uko laka ni ko ti ma pye so na jirgi wami ni nne sa na gnobo ni mawungno ta klre ni rikpu ndi ungnati zeyi. 20 Luwri ni risita ame kare, mangri risi ni ma zezebo ni ma huheyi klre kpare bu ummu ta ni risita. 21 Ka uwundurisi hi kike usu so kike ti kpaa shi bi wuchuta ni nne shi klre ni gehi mi babila uko laka ma lri ba bi wuchuta ni kutchra, ka mala hu ndi ango. 22 Ka mi hutu ma ti frii ni ma tunji mati ma lri fri mgbolo ni mgbulru ma lri hutu ango na me tu. 23 Ka zaa ko ti chugbe lu zaa na bu na anyo ka ulrey lla ti wuna rehe ni ubla, mala hutu ango klre ma ta lrichu tu na masu mawuna oriye khizimiti ka ma mbre ma lri ko ni sihha. 24 Ni wayi ta ti ma huheyi ni mawu risi kpare ma fe ma ni wayi ti mangri pyi ti mu wu ma ni khizimiti.