Ugrii 17

1 Ndi ni kame mawundurisi ti ni bi ugba tamba ba klre na mi ''Ba mlla kla wundi ke mmu ti kpalriko laka ti ni mari wami mbrimbri. 2 Ti ma oriye khizimiti lu kparlriko ni ma ni wami innabi ti ma lu kpariko na mangri ti khizimiti fe. 3 Ka uwundurisi hi mi ka aye ni uhu ka mamyia ka mi hu ugna ndi tii ni rhu ubechu ribata mlo ni ndi tuu ubechu ndi su na risi atamba ni rikpri awu. 4 Ugnandi ta chro risisi chrkpu ribaba ni zinariya ni ma kike risisi mawangno risi. Ubi kubo ta ugba mlo ni mawangno ti sa si nga na kuchrolri ti kpalriko ta. 5 Ni rere risi ta ma wa nde ti lriba ti ngre yi ngo babila laka unni ma kpalriko ni mawangno ribi ni khizimiti. 6 Ka mi hu gnandi i feh ni wayi mangri risi ti kpare ni wayi mangri ti ma wu klre Yesu ni rikpu ti mi hoo chrichi lu mi glati. 7 Ka uwundurisi klre na mi ''Bu li lo chri ngyi? ''Kla nawundi ti ma bi so lriba ti ghna ni ti ubechu bi ka ubechu ti ni so risi tamba na rikpri uwu. 8 Ubechu ti bu hu, sa ti ganga u digbi to lruyi ni nji ti so na kpi ngo kala ya ti ze ko yi. Mati ma kpi in khizimiti ma ti ma wa nde ma ngo ni kakambi kuteyi lri lrikpu ti ma lu mitibi. Ma la kaba kpaku ti ma hu ubechu klre u kaji te gnognoi mi u te gnogno ute nga la bo lre ba. 9 Timi usu kubri ti miki ni imhi risi tamba usu agbo ti ugnandi ti nigno. 10 Ma su ma oriye tamba ma oriye ata lruku ndi te ka ti bu sa ba lringa ka ulri ba, la te ti rigbu gya. 11 Ubechu ti ni kaji te ka ngongomi ute ngo ka usu oriye ti asene usu ti ma atamba ka lri ya ti ze ko yi. 12 Rikpri awu ti bu hu usu ma oriye awu ti ma sa ba shakpa lringa ma la bu kutchreru ma oriye ti rikpu ndindi ni ube chu. 13 Ma so na miki ndindi ka ma bi kutchreru ni riku ma na ube chu. 14 Ma la riku ni chugbe ka chugbe la nabo na ma klre usu utii ti ma utii oriye ti ma oriye ni ma ti ni ndi malri bri uchuso ni mati bimiki. 15 Ka uwundurisi klre na me, ''ma wami ti bu hu ni ko ti kpalruko te usu mangri mbrimbri, ma lri koh, ma Ilrey. 16 Rikpu awu ti bu hu-u ma ni ubechu la bi kparluko so na heyi ma la lrika ni sheruwa la wa lrika la whu pye ni lla. 17 klre kpare ta ni miki ma na ma lu gno ti u klre ti bi tcshreru ti bi ubechu maa ti ugri kpare la mlo. 18 Nga ti bu hu usu uko laka ti so na tcshreru ti bi ma oriye ti khizimiti.