Ugrri 22

1 Ka uwundurisi da na mi Nne ti wami miki usu pyepye so crystal u lri goo lri riteriku ti kpare na ti chugbe. 2 Ni katete gehe ti ameko, ko ni mbra su ni wami ti miki so na machri uwa awu shi aha ka wa ni ko na kpri wha malri mbe ta lri kila ma lri ko. 3 Ma la ta mu gbu chu anga riteriku ti kpare na ti Iyeso la ti ne ameko ku ma wundu ta la lundu nandi. 4 Ma la hu aheyi ta ka nde ma la su ni rererisi. 5 Ba uchu ganga ma la so lla ti chugbe ango klre ko na nnu kuu uti kpare la za ko na mandi ma la bi gbugbu na gbu. 6 Uwundurisi klre na mi ugri mi umma ka usu risheshe Uti kpare ti ma uhu ti mi huheyi tu uwundurisi na klre na uwundu ta hno ti gyu la lu. 7 Hu mi digbi ti ba kudubo usu ngri ti ni bi ugri ti hueyi ti kakambe mi. 8 Ume Yahaya bi shi hutu ka shi hu mami ndi pye ni rikpu ti mi hutu ku mi hu ma mi lruku miti ti doozi koho ti uwundurisi ti ni kla mindi ma mi ndi pye. 9 U klre na mi ka lu nyi yi mi su ma gondu ni bu ti ma wanoo, ni ma huheyi ni ma ti ma be ugri ti kakambe doozi kpare. 10 U klre ni mi ka klu ugri ti klre heyi yi klre lripu digbi. 11 Ungri ti ni so na risheshe ngo na te kallu ribi ndi, ka ungri ti ni chrolri miki na te kallu ni chroleita ungri ti ni so na risheshe na te kallu risheshe ungri ti ni su risi na te kalli gno risi. 12 Hu mi digbi ti ba gno ti mi la bi nawu na usu ni bo mi mi la kpra ko anga ni ndu ta. 13 Mi su Alpha ni Omega ti kajiji ni ti lribo. 14 Kudube usu ma ti ma nna chro klre na ma fe ti she lri ni kaku ti miki ka na ka na me ko,zo gehe. 15 Ni kaye su ma kaba ma lungha ma kpalriko ma wumangri ma doozi khizimiti na ma ma so miki ti lu gno risheshe ngo. 16 Me Iyeso mi tu uwundurisi me na ti righra na bu na mami ndi na ma kaze kpare mi lru ukru ti Dawuda Njika ti zako na huhu. 17 Ku uhu na ngna lrehe klre. ''Ba! Na ngri ti hutu klre, ''Ba ungri ti iri lu lriko wami na ba ungri ti lri so na ba bu wami miki. 18 Mi ti righra to ko na ngri ti hutu klre heyi ti ma wa ni kakambe mi. 19 In ngri lri lruye ni ugri ti kakambe klreyi kpare la hi na ndi ugwa ta ni kaku timiki ka ni uko risi ti mawa ni kakambe mi. 20 Ungri ti ni ti righra mami ni klre ''eh mi digbi ti ba na su nyi ba uti Yesu. 21 Na khigrey ti uti Yesu ti ni yi pye. Na su nyi.