1 Ka mi hu ube chu ndi lruye ni nne i so na rikpri awu ni risi tamba ni ma rikpri su na tata oriye awu ka ni ma risi ndi usu ni nde rhi. 2 Ube chu ti mi hu usu so mikhu koho ta su so koho mibyi anyu ta su so anyu miji. Manzrama na ku tchreru riteriku ta ni riku ti bi mangri. 3 Ndi ni kame ma ubechu so na lriko ni risi ka lrisi ndi kila ka ma khizimiti pye bibo kpaku ti ma duzi manzrama. 4 Ka ma doozi manzrama ndi klre ma bi tchureru na ubechu ma doozi manzrama pye. Ma teh ka klre ''Anga su so ubechu ni anga la ka ni wha ni ndi. 5 Ma bi anyu na ubechu na lugri kukpo ni urhi. ma na riku na bi mangri ti uwha awu-ane na aha. 6 Ka ubechu ndi ku anyu ta shi lugri urhi na kpare urhi ni nde ta ni sakpa ni ti ma kpi na me kare. 7 Ma na ube chu riku na taa riku ni mawusi kpare shi nabo ma na riku na lrey ko mangri ni ko. 8 Ma ti ma kpi ni khizimiti ma la doozi ta ingri ti ma wa nde ta ngo lru kpi kaze ti mitimi ni kakambe ti risi ti chugbe ti ma wu. 9 Ingri ti so na kuhu na hutu. 10 Ingri ti ma he na su ufei ni uffei la ya ingri ti ma lri wu ni kaji riku ni kaji riku ma la woo ingri ti shurri rumiki ni bimiki ti mawusi kpare. 11 Ka mi hu ubechu lruye ni miti uso na rikpri aha so ti chugbe li lugri so mazrama. 12 U tulu tshwreru pye ti ube chu kaji na aheyi ta ka u me miti ni ti ma kpi nigno doozi ubechu ti kaji ti na ma kila rikho ta. 13 U hu alajibal lakka ulu na lla lru kare ba miti ni aheyi mangri. 14 Ti ku luu ndi ma na tshweru na tii ti ube chu. U mbre tshwreru mangri ti ma kpi ni khizimiti u klre na mandi na ma bi gno ti su so ubechu ti so na lrike ni kaji ka u te yi lri. 15 Ma na gehe na bi ringghaa na gno ti ma meso ubechu ka na lugri ka ta gbuchu ti rango doozi ubechu ti ma lriba wu. 16 U sa na mangri pye la kaka ni wuchichi ma gnobo ni ma lrika uffi ni ti ma chuma saboi na ma ba tamba nama ni bo lriya ko ni rere risi. 17 Ba ngri ti la yah ko ya ni mawango se u soh na tamba ti ubechu tamba ti ni su ni nde ta. 18 Timi usu kukpakoriri ingri ti ni soh na yi na kla tamba ti ubechu ndi usu tamba ti ngribi tamba ndi su 666 Adra Adra Adra