1 Mi hu ka mi hu chube ti ande ni agbo sihiyona ni ndi su 144,000 ti ma so na nde ti ma uwu ni rererisi. 2 Ka mi glu tu lru kare. Ugrisu so ugri ti wami gbulaka ni minschre ugri ti mi hutu usii so ma nga lri chin nga. 3 Ma tunji lrehe ni ko ti riteriku ni niko mawangno ane ti teyi ni marikuku ko ngri ndidi kla nji rah ma 144,000 ti ma yuhma lru miti. 4 Ma su mangri ti ma zed nguma yi ni mangno ngo klre ma su ma heh masu tima douzi chugbe ka ko ti ni ya mabi nabo ni ame ma ma su kajiji ti kpare ni wu chugbe. 5 Ma fe urii ni anyu ma ngo ma so na risheshe. 6 Kami hu uwundurisi ni atete kare ubi kakambe ti ta nju klre na mangri ti ni kpi ni khizimiti ni malri ko ni lrey ni mangri. 7 U bri ni lrey lla laka ''Lochri kpare ka bi rikku na klre ti rikbu shu ummu ta baye doozi ngri ti lu mitibi ni kalre ni nne ni wami ti lri miti. 8 Ka wundurisi ndi, wundurisi ti aha du zi ma shi klre, ''lruku, lruku babila ti laka ti ni zu malri ko na wa wami ti sii nga. 9 Ka uwundurisi di uwundurisi ti chra duzi ma shi klre ni lrey Ua laka '' ungri ti ni doozi ube chu ni lambru la ka ubu lamba ni rererisi ko ni kubo. 10 Ngo pye la wa wami ngro ti kaffu kpare, wami nyro ti ma jullu ta ma kallu nyo ni gba ti kaffu ta ungri ti ni wa mala na ringra ni lla ni ua laka ni aheyi kpare ni ma wundurisi ni ahayi chugbe. 11 Uwi lru ko ringra ndi ka are gbu gbu na gbu gbu, ba ku ti mbra ni nnu na ni chu- ma doozi ti ubechu ni kohu ta ni mangri ti ma bu lamba ti nde ta. 12 Ni mi su ku bri ushurri ni gbamiki ti mangri risi kpare ti ma bi udakre ti kpare ni bimiki ni Yesu. 13 Ka mi hutu ugri lru kare lri klre ''wa ndi, du bo ni su ti ma lruku ti ma ku ni ndeh itii. 14 Mi hu usu laglu ritete. Tii ni lagla ndi su uwu ngri u so na tata oriye ti sii ni risi ni louje ni bo ta. 15 Ka uwundurisi ndi lruye ni sakpa ka u bri ni lrey lla laka na ngri ti ni tii ni laglu. '' Bu louje ka she tchre klre rikpu ti tchre baye klre ku tchre ti zimiti mmiye. 16 Ka ti ni tii miti ni laglu wuu louji ni khizimiti ka khizimi tchre. 17 Ka uwundurisi ndi lruyi ni shakpa ni kare uso na louji ti ma gnoo. 18 Uwundurisi ndi gaga lruye ni wano ni shakpa ti ni so na kutchreru ni Ua u bri ni lrey lla laka na ti ni so na louji ti ma gnoo. ''Hi louji ti ma gnoo ka she glu malri uwa ingbi ni kaku ti khizimiti klre ma uwa ndi mii. 19 Ka uwundurisi ka louji ta ni miti ka shi tchre malri uwa kaku ti khizimiti ubi wuchu ta ndi ni plawami kaffu kpare. Ka ma pla wamipla ni aye ameko ka waji lruye ni gno ka too zi mingha ti 1600 ni nanyu minna aha.