Ugrii 12

1 Ma hu alama laka ni kana ka nghadi kluu ni nnu ni uwho ni oho ta ni tata oriye ti njiki awu she aha ni risi ta. 2 Ngahdi kre ruhu uti hi lungu na uke rhu ti whi wu. 3 Ka mi hu alalma ndi ni kare hu manzrama ribaba ti usu ni risi tamba ni rikpu awu ni ma lri tata oriye tamba ni risi ta. 4 Ishi ta hwa njika ti tchra ni kare ka mu ma ta miti ni mitibi ku manzrama ndi ti gbii ni gna ti digbi ti whi in gna ndi whi da kraa ti wu ndi. 5 U whi uwu lutu ti lri ba bi madri koh ni kpalamgba. Ma bu uwu niko tu na kpare na rite riku tu. 6 Ka ndi krii ka mamgba ni ko. Ti kpare melunandi ti ma lriba melu ti nnu 1,260. 7 Rika riku nyende ni kare michuu ni mawundurisi to taa riku ni manzrama ni ka manzrama ni mawundurisi ta nyende ni riku ni ma. 8 Manzrama nyende sa so tchreru ti nabo nga ba ko ndi ti te ni mawundurisi ta. 9 Manzrama laka ndi-nglre muwa ti malri bri ku ngri ribii ti ni mbre mangri ni khizimiti mi pye ma wo chuta ni miti ni ma uwudurisi ta ma glu ma wu chuta ni ndi. 10 Ka mi hutu lrey Ua mgbaa lru kare ku kra sabo ni tshweru ba gnognomi ni riishwi ti kpare yi ni rika ti krisli klre ngri ribi ti sobo lriyi na mawaniyi ma chu ma ta miti ti ni sa bo na aheyi kpare nnu ni chu. 11 Ma lri ma ni riki ni wayi chugbe ni njohkhre gri ma, ka ma so mibii ma ngo pye na ruku. 12 Nyi ka, lu wri bu kare ni ma ti kpii ni ngo gbujuu nu na ti miti na ti nne klre ukpre du ma zi ka ni bu. U mlo ni kaffu ka nji ti ngo so ni rikpu gyaa. 13 Ni rikpu ti manzrama ba kohu ti ma bi wuchu ta ni miti uzuu gna ti whi uwululu. 14 Ka ma bi latchu ti mra luka na gnu ndi ti ya kaa ya chu ya meko lu uko ti ma la me bi ti rikpu gyaa ma rikpu ni ringri rikpu na aye aheyi muwa, ka muwa ju wami ni anyi ta so ukruu mlo shi iri ni ko kaya. 15 Nghu miwahribii i plango rhuye ni khayunghu ka manyi ubu ti ni mlo si gunghu ka ngunghu. 16 Ka miti higlri nga ndi. ka miti kla ngu ka u mlri ti manzrama kpaa ni anyu ta. 17 Kamanzrama lu afu na gna ndi ka u lruye shi ku ta riku ni ringri ukru ta. Ma ti ma bi udaklre kpare ni ti ma bi njihkhre ti Yesu. 18 Ka manzrama ti ande ni lringye ti heyi nne.