Ugrii 11

1 Ma ba kaku ndi nami na mi lundu ni ndi usu so ti malri maa koh, ma klre na mindi ''Yande ka maa shakpa ti kpare ni a aheyi ta ni mangri ti ma lri doozi ni gno. 2 Ka maa kaye yi klre ma bi ba alumma, ma la pla miti risi ti wha awu-ane ni aha. 3 Mla bi na ma rigra ta mi kaha rikku na ma buheyi ti unu 1,260- klu nguma ni langricho. 4 Ma righa ni su kaku zaitun aha ni la fitila ahu ti ma tii ande ni aheyi Dad ti khizi miti. 5 I ingri ti lri so ti du ma ulla iruye na ngu ma shi lri pye ni ma kahiuwuso na aheyi ingri ti ni so du ma nyi di pye ma la wu ma. 6 Ma righra ndi su na tchreru ti chu kare na ukhu na ba ngo ni rikpu ti hu aheyi ma so na ku tchreru ti lre ma wani na su wayi ka shi kha miti ni lamina gbulaka ni ka ti malri so. 7 Ni rikpu ti ma tha ju klre mlre ube chu ti ni lruye ni nji ti so a kpi ngo la ba tha riku ni ma la na ba ni ma shi wu ma pye. 8 Ukhu ma la laa ni gehe ti ameko (so ti sodon ni masar) ni ko ti ma ghri rigra ada mai. 9 Ukpri achra ringri mangri maya ti ma lru ma kho lrey na khizimiti ma la hu ukhu ma ma la nama rikbu nama bi maso ni ubutii ngo. 10 Mati ma kpi ni miti la lu wri ni kpi jo ni kuwri malu tun du ni mawangno na ma nguma klre ti huheyi aha na nama rika ni izimiti. 11 Ni rikpu ti uhu atchra ni ringri chuta nza ti tayi kpare la ka na mandi ka mala ti ande ni koho ma khrikhri mbri la ka na mangri ti uhu ma. 12 Ka ma ma la hutu lre lla mgbaa lru alre lri klre no mandi ''Ba mi na'' Ka ma la yah alre ni laglu ka ma kahiuwu la hu. 13 Ni nyi ka miti la juru gbalaka ka ma uwu ti ameko la ji mangri miji tamba la ku ni ujuru miti ndi ma tima te yi lo lochri ku shi di ugba na kpare rikuku ti kalre. 14 Ka gbuchu ti uhu chutu. Hu gbuchu ti athra lri ba gblaa. 15 Ka uwundurisi ti tamba free mgburlu ta ka lrey lla lri luyri ni kalre ''miti ti izimiti usu ti uti yi ni ti kristi ka la bi mangri gbugbu ma gbu gbu. 16 Ka ma lrikuku awu aha ni ane ti mi ma tii ni rite riku ni aheyi kpare. 17 Ma kre ''Yi lu wri na ma wu uti yi kpare ti ni tii kaji tii klre ta bu buh tcheru ko bu bi mangri. 18 Ma malri ko loofu kre ti rikpu ringra baye rikpu taye ti ma la shu ummu ma ti ni ku, ku shi gno risi na mawundu ma huheyi ma wundi risi ti kpare, ni ma ma lochri nde ta malriku na mawuchi rikpu baye ti bu la zeyi ma ma lri ze miti yi. 19 Ka ma ku sakpa kpare ni kare ka ma hu lakpokro me ugriso ni shakpa ni ba ndi su uku tanglaa, minchre ujurumiti ni ma lei kike makparite.