Ugrii 3

1 Ti krukpa, mawoni mi mru ni dada na ti mi biwu arii ungho mbami na yina i sa su khine kre nga, i rii ghreyena ti kpi piya. 2 Lu rere na arii kabu na. Lu rere na mba tini ma riilu ndu riibina. Lu rere na kubiingho na. 3 Ko yiyi mu ni yisu khikegbu mba ti ni ma rudowa na uhwu ti kpare, ni yi rukpu ni kristi Yeso, yi sa su na khibih ni ibega nga. 4 Na nyumu mimi mi kabi na ubega. Ni ungru kre ku unghu su na khibi na ubega, mi riiya su nanghu krawa. 5 Ma ke ugbu nami ni kpri ti sene, ni kame mba Israila, ni kame ire tiBenjami, ingri mba ibru; ni kame doda, mi su ingri farisa. 6 Na khinakpra mi thuu church riisi si na ma riingra ni kre kusu piyepiye ti doka misa su na ngho riibinga. 7 Ki ariingho tini mana su ti khife nami, mi hwuma ka kuruuku ni kre kristi. 8 Ti riisheshenghu bebenghu mi hwu ariigbungho masa su kandunga nikre khisi kre krsiti yeso dadayi andu ni ko tami nga, ku nu bo, na ni kre su kandunga- simi fe kristi. 9 Mi sasu na piyepiye ti riisimi nga ni kame doka usu ti ni ba ni kame kusonmiki ni kristi-kusu piyepiye na mba nga, mu fe nikre rishe-shi nghu ni rii na kpare ti yi so miki. 10 Bebenghu mirii na ti hwunghu na khishi ni ruunghu ni rutu na kushu riisi ti arii ringra timi wa na kusu ukru tanghu ni rutunghu. 11 Ti ni mimi piye mi riiya ruuni rutu. 12 Mimi mi sa te aringho mba mi tinga re misu piyepiye, mi rii kpatu ti ni ungh ti ni kristi yeso urumi nanghu ki ungho tini mi lu, khirembuki ungho ti khizi si rii ne. 13 Mawoni na misa ga ku mimi mi runghu bi tinga, ki ungho tini mi lulu; Rembu ki ungho ti khizi si soyi ni ungho ti ihiyii. 14 Minakpra ikre ungho ti ni ihiyii na ungho tini yi riiya te ni kare tini kpare ni kristi Yeso ibiyii. 15 Yi shasha tini yi remangri yiga nye; ni bu ga katundu gbra, kpare i riiya kla ngaha. 16 Nyumu ungho tini su yibi nghu riisisi. 17 Du uhornino, mawoni hwu mba tini ma du uhoyina ukru tini yiyi hwuna nayi. 18 Ma mbrimbri tini riikri-mba tini ma lulu iyii na imbrekaku tini makpa kristi wa. 19 Kugbo ti tama usu rutu. Unghu kpare tama usu ruhwu kugbama usu ni riihwii. Ma riiga ikre ariingho ti ugbumiti. 20 Yiyi yisu mawu kare, kachu ti ni yi riigbe unghu tini riiya buyi sabo dada yeso kristi. 21 Unghu riiya ye igayi tini riiya tu ya iga ukru ti tangh, tini ulu na khisheni tini ariingho shasha ma riiya kpi ulonghu.