1 Nasu nyumu mawani mi na, ti ni mi mu lu uglu ti huyi na ku mur mi na dakla, risi ni kachu naghu ti gbe-gbe na Dada mari ma kami naa. 2 Mi rufe na Euodia, si ri fe na syntyche, bi miki wu didi ni kachu Dada na. 3 I su nyi, mi miye wu, ma ka ndu mi ti ri she-she nghu, ma gre maghau wa rika nami ni ma glreh me bi kre kpare ka ''ugbu'' niti. Ikrii Kpare, I nghu clement, na regri ma-ka ndu ti ni ma wa nde ma ni ga-nga be ti ta ri ngh. 4 Mur na Dada ni kpre-kpre na mibi kre mur na. 5 Na kusu wu bre na magri ma huna, na kuba Dada yi i ndigbi. 6 Ka soyi ni kandu yi ngaha mu ughu nghu na su ku feh na klpare jena ku kla, na brii na nghu ku fe wu kpare na hu. 7 Kala miki kpare ti ni krana ku hurisi ingri ya me miki na ku gawu lu ni kame kristi Yesu. 8 Ugboo mawani, ari nghu ma su rishe-she nghu ari ugbu nghu ma su ighu kubu, ari igbu nghu ma tre, ari nghu masu kubii ari nghu masu inju ti singhu nati ku shonde ku hi-nghu ya karte, si gaari nghu mba mi. 9 Ari nghu ti ni bi kla ti ni be bu huna itu su hu na mi lu nghu mba mi kpare ti kala miki ya ti nawu. 10 mulu ti gba ka mur ni kame Dada to ti bebe nghu be me miki wu lu nami na nghu mu bi khi gah iri lu ni kre mi bebe nghu rukpu ti gremeh nga. 11 Mi bari kre naghu ni kre ku mi su kandu nga mi kla to ti mi ya rumiki ni kachu ba ri kre ni sisi nga. 12 Mu hu unghu ti ni lu nagri na ka su na kan-ndu yi, su hu hghu ti ni ya lu nagri nasa na ungho na bre-bre, ni nghu na nghu-nghu, mi kla su hu ri ughu ti ni ya su ni ingri ya ri iri ma ngu-nghu na ti ya ri iri wugya na toti nigri yasu na iri wugye na ti yasu na iri bre-bre. 13 Mi ya lu ughu na-nghu-nghur ni kre ughu ti ni ni nami keshiru. 14 Bulu nghu ri si ni be ti nami rukpu ti mi fe gumi ni kame rika. 15 Bu bu mba filibi na, hu na khi zeze ti kre ti si nghu na rukpu ti ni mi sabo ba kaze kpare ti ni ma me, na nga ma ba bu nga greh na kandu i su bubu na mongba. 16 Na rukpu, ti mi na ti ni tasolonika yi tundu na ughu na mi, Iglati ho wundidi. 17 I ba su ku mi fe ughu ti ni bi nami ngha, na nyi mi ne kuwa ti ni ya je nawu na, sidi ungho ti si-nghu nayi na. 18 Mu bu ari ughu na ku mlo, I gla tima, bebenghu i si, mu ru be ughu ti ni be tu-ndu nami rii kachu tpaphroditus. Ughu ti ma lou si ri kyemgbi ku dirisi di, i su ughu ku ni kachu kpare. 19 Kpare mi ya nawu ughu ti ni su tawuna, to ti ni rii kachu ku mur kristi Yesu. 20 Be be nghu ite yi na kpare mahi ku mur na gbo-gbo, na gbo-gbo na su nyu mu. 21 Thru kpare nde na nde na, ni ka me nde kristi yesu mawani ti ma kpi nami thru ma nde na. 22 Uhu risi magri kpare ti ni ma kpi nimi thruma nde na i frii nghu ba keri caesars. 23 Ku lu kpare Yesu kruisti na ti na yi na, na su nghu mu.