1 Ni su kudu kpare rii greye, ni kudu kpare rii di kulo ni irii di kudhu riisi ni uhwu riisih, ni kumro mikii na khisi mikii makpe, si su na ungho wundindi ni mikii na. 2 Lu sina kumru mi na mlo ni mikiiyina na su wundindi, si su na khihi mikii na haa riisi lu ni uwhu. 3 Ka lu kandu ni kame kuso riisi yi, na nyiimu ni kame khishi riisi, hwuu mbasaga ka ma kraa na yina. 4 Na ngu ni kame yina na kane ungho ti riisinghu yi, nasu ti riisi mbasaga. 5 Su na kru miki ngami ni riisiwuna ukru ti ni nati ni kame kristi yesu. 6 Ni hruu ka kpare, la ki i sa hi kumama na kpare la ka kandu ti ni nghu riiya ruu bi nga. 7 A ye basu uwukhirii, u ma whenghu ka mangri. 8 Ishi riisinghu si ba tu rufu, la kufu rufu ti ni ma kpanghu ni mbrekaku. 9 Na nyumu kpare bu yanghu ka kariwa. Inanghu indi tini kraa na arii ndi shasha. 10 U lu ngami sina ni kame indi yeso arii mgbaruu shasha ma riya shu, la mgbaru mba ti ni kpi ni kare na ni miti na nikame miti. 11 U lu ngami si na arii ire shasha ma riya kre ku yeso kristi usu dada, la ti ni riya na iti yi kpare kugbanghu. 12 Nyumu mawoni na, ukru ti yi rii dukre na, sa su ni teh momgba nga na ni mi sa teh nga pye, lu ndu khite khiyi yina na shishi na khishisga. 13 Unghu kpare mu ni riilu ndu ni kameyina ti kuso miki na kulundu ti ni riiya na nghu kumru. 14 Lu ariiungho shasha si ka gbu kulu yi. 15 Tini bu sa riiya su na takpa nga na tini bu riiya su piyepiye, mawu kpare tini ma sasu na ta kpanga ni katete arii khize mbati ni ma su riibi, ni kame nghu bu rii kpako ka khila ni ugbumiti. 16 Bi ikre kpare riisisi no, ti ni kpri kristi mi riiya kpo ku mi sa kri ti runonga re lundu ti runonga. 17 Ko ki ni ma lumi bwa kaka hadaya ni ikre kusomikiyina mi hwiri si mru miki na yina shasha. 18 Na nyumu, yina piye yi riiya hwiri si mru nami na. 19 Ki mi so miki na da yeso kiki i riiya tu timotawu na gbla nayima, iriiya ti nami khisheru ni mi hwu ariinghu mi riisihyina. 20 ko mi sa su na ungru ka unghu ti ni bi nayiina ni mikinghu. 21 Koma rii ne ariinghu ti riisima sasu ariingho ti yeso kristi nga. 22 Ki yi hwu ukrunghu na ka uwu na itinghu u lu ndu nama ni kame ikre kpare. 23 Ki mi so ni mikimi ku riiya tunghu gbla ni mi hwu ukru tini ariingho ma riiya su nami. 24 Mi su na kubi mikimi ku mimi piye isa riiya hi rekpu nga ni mi riiya ba nayi na. 25 Ki mi ga ku isi mi tu Epaphroditus hwrey ba nawu na. Usu wanimi na ika ndumi na ija sha, na uwu kutundu na iti ti ni mai mi ruhwu. 26 I sa su na kunoga, si ne ti ba nayina ni kre tini yi hwu na ku unghu sa su na piyanga. 27 Na riishenghu ina sa su piyanga ti ni shinghu gya ti na tu. Kpare in enghu na sheyinghu ti khikemiti, na mimi piye, nyumu tini mi sa fe khibimiki ni riisi khibimikinga. 28 A su ni kame kuso miki ni rii tinghu ki ni bu hwunghu bu riiya mru na, ti ni mimi riiya fe khibimiki wunshenyi momgba. 29 Bi na kuba epaphroditus na kumrumru na whu ukri mangrima na manju riisih na. 30 Ina su ni kre undu kristi mu ni na digbi tifu. Idi riigbanghu ti undu nami uthuu kachu tini yiyina bu sa thuu nanga.