¹ Na tsakaka,lriyi tigba gbo na mba rukuu na mbatiwa na Yahudawa shrashra.Ningha ma bwa Yeso slu ka nanghu.ma dinghu ni patati. ² Palati miyenghu,"Bu mu su lriye yahudawa?" E'ye nanghu,"Ngyi mu kre" ³ Iriye tigba mari tu nghu na gbu ngho. ⁴ Palati mye nghu,"bu sa yeenga? Hu gbu ngho ti mari tu wu nanghu!" ⁵ Yeso sa bi yee ni palati gangh,ingaha sa palati maarii. ⁶ Bebein ni ma bwa,ti ma miyenghu,ngri ndi ti mari bi. ⁷ Barabas ma bwanghu ni,e' shru mu shi wu ngri ni rukponghu. ⁸ Gbu mangri ma ba na palati shi miye nghu na lu nama ngho tinghu ri lu tsetsein. ⁹ Palati miye ma"Buro so mi rhi nawu lriye Yahudawa?" ¹⁰ Nghu hu ku lsu kafu mu ari lriye tigba ma bi yeso ba wa. ¹¹ lriye tigba ma sa gbu mangri ma lunvu ni Palati ku na rhi na ma Barabas. ¹² Palati bi miye ma,ko bwa so mi lu ki na lriye Yahudawa?" ¹³ Ma lunvu"Gbra nghu!" ¹⁴ Palati kre nama,E'lu ke ribii?" ma bi lunvu risisi"Gbra nghu". ¹⁵ Palati ri so ti lu nama ngho ti mari so,ashi sabo Barabas nama.E'chi yeso shi dinghu na ma gbra nghu. ¹⁶ Mbati bi kila ma binghu ka kroshi,shi ma bi gbu gbu mbati bi kila ba na. ¹⁷ Ma kru ni yeso ittro. ¹⁸ Mari thrunghunde ku,"Yi di na wu ruku lriye Yahudawa!" ¹⁹ Shi ri kanghu ni risi na danza shi ri ju nanghu ngo. shi ma ri shi uho shi ri thrunghunde. ²⁰ Rukpu ti ni ma miye na ki shrunghu ma uttro ti ma bwa nanghu shi ma bi so nanghu uttro nhghu,na ma bi nghu ka kachu ti mariya gbranghu. ²¹ Ngri ndi ti mari bi Saminu ti rhi sirin lri uko ma ri ba,a ma so nghu na hi kaku ti gbra" ingri ndi ti ni mari nghu ku Saminu ti ri Sirin E' ti Rufus. ²² Mbati bi kila ma bi Yeso ba ka chu ti mari bi ku Golgotha,(Kachu Kpambru). ²³ Ma nanghu manyi bi ti ma sonanghu myrrh,nghu raa ti wa. ²⁴ Ma gbra nghu shi gwva uttru nghu ni nguma shi chi ludo ti hu andi ni kame ma riya hi. ²⁵ Isu shi unno ni attra ni ma gbranghu. ²⁶ Ma wa kutuh ti ma tuhnghu ku"Ngami usu lriye Yahudawa". ²⁷ Na nghu ma gbra mba yiwvi aha.Ndi ni ubu riya indi ubu rhii. ²⁸ Nungha ungho tima wa mlo ku,Ma songhu na mbati masa su no plambenga; ²⁹ Mba ti ma ri chuta mari shronghu,shi ri drudru risi ma ri kre,"Ehin! bu kre ku bu ya Dji-zeyi shakpa shi menghu lu ni ikpri attra," ³⁰ Kra nghu sabo si shinguwu ni kaku ti gbra!" ³¹ Ngyi mu lriye tigba ma shronghu ni nguma na mbati na a kre ku E'kra mba saga sabo,a sa hu ti kranghugnu sabo nga. ³² Shi na kristi,lriye lsraila,rhu shi kaku gbra,shi yiy yi ya bii nanghu. Mba ti ma gbra ma na nghu piye ma shrunghu. ³³ Namgba andra,kachu drahu ni miti shwra-shwraka tru mgba iseene. ³⁴ Na mgba iseene yeso ki na invu"Eloi Eloi,lama Sabachthani? ni su"kpare mi kpare mi,bu lu ki si shi mi sabo?" ³⁵ Mba ti ma sati ni ngha ma hu,shi kre ku"Hu mi,'Eri bi iliya". ³⁶ Ngri ndi kri ka hi mangyi ribi ni soso shi bwa ni danza a nanghu ku na wa. A kre ku, "Di yi hu re iliya riya ti ba shinghu so mitti". ³⁷ Ninghu yeso ki na invu shi fu. ³⁸ Labule ti ma so hi shakpa mbri aha ri kare thru mitti. ³⁹ Rukpu ti ni ngri bikila ti ni ningha hu ku ufuh ni ihingami, e'kre ku," Risheshein ngri ngami lsu uwu kpare". ⁴⁰ Mangha ti ma sati nangyu ri hu ungho ti ri kri. Ni kame ma,uso Maryamu Magadali,Mary(inni yakub ti wuci na Yosii),na Salome. ⁴¹ Rukpu tini ti ni Galili mari dunghu shi ri lundu nanghu.Maryamu na ringri mangha mari urushalima ba nanghu. ⁴² Na lunoriri ba,ni isu ikpri ti ki lu shri,ikpri ti Asabar ri doh, ⁴³ Yusufu ti Arimathiya e' ba ngha. Nghu isu ngri ti mari nanghu kugba ni majelisa,nghu pye ri gbe kiba kiri kpare. E'ka na palati shi ka miye ruku yeso. ⁴⁴ Palati ulu maayii ti yeso fuh ye,e'bi ngri ti bikila ngaha slu miyenghu re yeso fuh ye. ⁴⁵ Rukpu ni palati hu na ngri ti bi kilanghaha ku yeso Fuhye,nna Ruku nghu ni Yusufu. ⁴⁶ Yusufu bu uttro linin,ngaha shi so nghu ni koribii ti mambri ni kikye. Ma bri kikye kru galu ukoribii. ⁴⁷ Maryamu magadali na maryamu inni Yosii hu kachu ti ni ma-nah kiti.