¹ Rukpu ti ikpri sati chuta,Maryamu magadali,Maryamu inni yakub na Salomi buu manno kyengbi ku mari ya ti chu igga yeso. ² Na tsakaka ni ikpri ti wudindi ni sati ma ka ukoribii rukpu ti inno ri ru. ³ Mari kre na nguma,"andi riya chu nayi kikye ti ni ma so ni imgbu gahi koribii wa? ⁴ Ni ma ne kare,ma hu ku ma bri kikye riyu ni gahi ye,kikye ngaha isu ti gbanghu. ⁵ Ma ka kame uko ribii slu hu ingri ti kru uttro ritehteh,ri sumitti ni ubo riya,a malu tsritsri. ⁶ Ekre na ma,"ka lu tsritsri nga,buru ne yeso ba Nazarati ti ma gbra nghu. E'gyende! lsa su ni minga,ne kadu ti ma lanaghu. ⁷ Ya kre ni mbati donghu na Bitrusu,riya zehzeh wu ka ni Galili.Ningha biya lunghu ka ti ni nghu kre na yi na". ⁸ Ma ruye shi kringha,mari shrishri shi ri gaa. Masa kre kandu ni ngri nga,mari lu tshritshri. ⁹ Na tsakaka ni ikpri ti ndi ni sati,ni kizi ki gyende nghu,e' zeze ba na Maryamu Magadali,ti ni ju nanghu kpanjoku tamba. ¹⁰ Nghu ka shi kre ni mba ti ni ma kpi na nghu,mma ko ma ki rufunghu. ¹¹ Ma sa bi na nghu nga ni ma hu ku iti Ringhaonghu ah inghu(maryamu)uhunghu(yeso). ¹² Ni kizi ngami E'ba na aha ma timari ni kame uko. ¹³ Ma ka kre ni ringri ma a masa bii na manga. ¹⁴ Yeso bi ba na ari awu shi wudindi rukpu ti mari wuwurisii ni ritsi,shi gbu ma ni kre kiranguma ti bii na nghu. a masa bi na mba ti ma hu nghu ni kizi ki yende nghu ri ko ribii nga. ¹⁵ E'kre nama,"ya Gbu mittii shrashra shi kre krekpare ni ko ki ko ngru. ¹⁶ Nghu ti bi a ma shinghu ni mangyi riya kra sabo,nghu ti sa binga mariga nghu ye. ¹⁷ Ari ngho nanghu riya du mbati ma bii na mikkii; Ni nde mi mariya ju kpanjokpu.mariya kre na lrey rihe. ¹⁸ Mariya hi mawa na uboma,ni ma wa nghonga ti wa mamgri lsa riya na rukonga. Maridubo ni mba rike mariya fo piya". ¹⁹ Ni kizi ti Dada kre na ma,ma hinghu ka kare,shi su ni ubo riya kpare. ²⁰ Mbatudonghu ma ru shi ri kre kpari ni kongyi,Dada ri lundu na ma shi ri bi na kre ma na ngho mangyii ri do ma wa..