¹ Bebein isu ikpri aha ni kizhi idi pasca na Harisii lu ti flafah. Ari iriye tigba na mbati wa ma harisi lu ti ma ruh ye la na yiwvi shi wanghu. ² Ma kre ku ''Isa raya su ni rukpu harisii idi ngo shi na mangri ka shrummo nga. ³ Rukpu ti Yeso ti ni Bethani ni kiri sima ti lepa, ewu wurisii ni (Tabur), Ngha ndi ba nangghu na mano ti mari bi ku Alabasta ni gongo. Manno ngaha su na gbumgba. E' bri-nghu shi bwa nanghu ni risii. ⁴ Mba sa ga ni ngha ma lu kafu. Ma kre nanguma ku, '' aki mu isu na ki gbu zeyi ngami. ⁵ Manno ti kyengbi ngami mariya ti yiwva nanghu mgba kuugba attra shi bu mgbangaha shi na mba ti masa sa na gbu-nghonga.'' Mma gbunghu. ⁶ Yeso, kre na ma ku ''shi nghu sabo, bun gbunghu ni kre ki? E' lu ngho risii na ni. ⁷ Bu bu su na mba ti masa su na gbo-nghonga, buriya ti lu nama ngho ti risi busa ti humi nglo nga. ⁸ Inghu lu ngho ti nghu riyi ti lu. E' chu ni igami ti ya uko ribii. ⁹ Miri kre na wu ti risheshein ko ningyi ni mariya ti kre krekpare ni gba mitti, Mariya ti kre ngho ti nghanmi lu. ¹⁰ Ningha Yahuda Iskaroti, indi ni kame awu shi aha ma ruye shi ka fe ari iriye ti gba ti nghu riya yinnglu sabo nama. ¹¹ Ni ari iruye ti gba ma hu ngami ma muru shi dinghu ngyu ku mariya nanghu mgba. Enghu jenji rine ihi ti riya yinghu sabo nama. ¹² Ni kpri ti ndi ti flafa ti sa su na yeasti nga, rukpu ti ma ri shre mayi muso ti pasca ti donghu ma mye nghu, '' yiya me ngyi so, ti buriya ri iri pasca?. ¹³ E tu aha ti maridonghu ''Ya kame uko nanghu ngri ndi ti hi kigba ti mangyi riya fe wu. Dunghu. ¹⁴ Ni kiri ti nghu ka, fe ngri iri shi kre nanghu ku, 'Ngri kikla, kre ku ti ngyi mu isu kaze ti riya meelu ti ni nghu ri ya ri pasca na mbati donghu?. ¹⁵ Eriya kla nawu kaze ni kare, meenghu lu na yi na. ¹⁶ Mba ti donghu ma riye ka uko ngaha shi ka feh ko ki su ka ti ni nghu kere nama, a ma meelu iri ti pasca. ¹⁷ Na hunori Eba na awushi aha ma. ¹⁸ Rukpu ti ma kpi ni risi tabur ri rhii iri, Yeso kre ''miri kre nawu ti risheshenghu ndi ni kame wu riya lu gwva na mi. ¹⁹ Mma shrashra ma lu mayii, a kondi ni kame ma ri miyenghu, ''Esa su miga. ²⁰ Yeso ye nama, Isu ndi kama awushi aha, ti ru du bo ni kongo nami. ²¹ Uwu ngri riya ya ka ti nima wa ni risii nghu. koh ma lungyu ti ni uwu ngri riya lu nghu gwva. Riya sii kro ni masa tiyenghu nga. ²² Rukpu ti mari ri iri, Yeso hi flafa, shi dubo, a mbringhu. Shi nama ku, ''Bu ngami. Ngami isu igami. ²³ Ehi wura, shi ywrri, shi nama, a ma bu wa. ²⁴ E kre nama, "Ngami usu mayi mi ti kitangyu rihe, majii ti ma fa ni gbu mangri. ²⁵ Tirisheshein miri kre na wu, ni sabi wa mangyi tilu nganinga seh ikpri ti miya bi wa nghu ni kiri kpare. ²⁶ Ningha ma tashingba, shi ka agbor olive. ²⁷ Yeso kre nama ku, ''Buriya roku shrashra, ka ti ma wa, miya ti ka ngri lando a ari muso mariya zheyi. ²⁸ Koni mi bi gyende, miya zezeh nawa kaGalili. ²⁹ Bitru kre nanghu, ko ringriyi ma roku,mi misa roku nga. ³⁰ Yesu kre nanghu, ''Ti risheshenghu miri kre nawu, nirenghu- ein na chungami kami munno na ki uho aha, bariya raan guwu na mi who attra. ³¹ Bitru kre ku ''Ni miya fu na wu, misa taba raa na wunga, Ringri ma shrashra kre ngyimu. ³² Ma ba kachu ti mari bi ku Gethsamani, si Yeso kre ni mba ti donghu ''Su ni mi miri ya ti feh na kpare. ³³ Ehi Bitru Yakubu na Yohana na nghu a soma ri drudru iga. ³⁴ E kre na ma ku ''utumi ri lu shrishri har ka ti rufu, kpi ni mishe saa na mina. ³⁵ E' tri ka ihiyi shi kala ni mitti shi feh ku ni nga lu, na rukpunghaha na dunglu ta. ³⁶ E'kre ''Abba iti, ko ki isu ti lu na wu. Chunami wuurangami ko isa su ngho minga isu ti tawu. ³⁸ Tsa shi fena shi kaka ni ngho ti tayii uhuuyi ri so ti lu ko iga yi iyi''. ³⁹ E' bi wure ka ti feh, Shi kre na kre ti ni kre na be. ⁴⁰ Ni wure ba, e' fe ma ri lakila iyi inno na kila masa hu igho ti mariya kre nanghu nga. ⁴¹ Uwure ba rukpu ti attra nghu si mije ma, buru lakila har bebeinghu, si ri yin guwu na? Immaki, Rukpu ba ttru . Hu! ma lu igwva na uwu ngri ni ubo mba ribii. ⁴² Gyende, riya na. Hu ngri ti lu gwve na mi digbi. ⁴³ Tun iri krekre ti Yahuda, indi ni ari awu shi aha, ba ttru, na gbu mangri ti ma hi kpalla na ari kaji, mari na ari iriye tigba, na mba ti wa na mba Rukkju. ⁴⁴ Bebein ngri ti riya lugwva na nghu E' nama Nghla, ku, ''Ngri ti bu hu mi do shi ttru nghunde. Runghu gbegbe shi ya nanghu''. ⁴⁵ Na kiba Yahuda, eka na Yeso shi bi nghu ku, ''mallam,'' a doh shi thrunghunde. ⁴⁶ Ma dunghu bo shi runghu la. ⁴⁷ Ndi ni kame ma ti na ti nanghu ndra kaji nghu shi hwa utu ni ngri indu lriye tigba. ⁴⁸ Yeso miye ma, ''Aki mu bu ba ti ruumi na ari kaji na ri kpala ka bu ba ti ruu ngri yiwvi?. ⁴⁹ Ni mi kpi na mu kowane kpri ri kla ni shakps busa rumi langa. Ngami isu ngyimu na ngho ti ma wa na mmlo . ⁵⁰ Mba ti na ma kpi na Yeso zeyi shinghu. ⁵¹ Wusa ti ni kru ittro lini mangba ni iganghu ru du Yeso. ⁵² Rukpu ti ma ranghu la e' kri mgbe firhe si shi uttronghu ningha. ⁵³ Ma bi Yeso ka na rukuu wiye tigba. Ari wiye tigba pye ma ti nanghu, na mba rakuu, na mba ti wa. ⁵⁴ Bitru ri du ma nangyu ka ni ebra kiri shrummo ti rukuu tigba E' su ni kru kila na mbati gbe uko. ⁵⁵ Bebein rukuu tigba na gbu majalisa ti Yahudawa mari ne ugho ki ni risi Yesu, shi na ma wunghu ko masa fenga. ⁵⁶ Ggugbu mangri ma ba na kutuh, kutuma masa bii nangumanga. ⁵⁷ Mba saga ma bi ba kutuh ku,. ⁵⁸ Yi hu nghu ikre ku, ''Miya dji-zeyi na shakpa ngami na ubo mi, shimi mee ti ma sa lu na ubo nga ikpri attra mamgba. ⁵⁹ Nanga mi pye masa bii na ngumaga. ⁶⁰ Rukpu tigba gyende ni kame ma shi miya Yesu, ''Busa si na ngho ti yenga? Aki mu mi ni mangri ngami ri tuwu?. ⁶¹ A e' sunze, ye isa nanghu nga. Rukuu tigba bimyenghu ku, ''Bu mu bu su kristi uwu ti madubo nanghu?. ⁶² Yeso kre ku ''mimu, guga ti hu umu ngri rukpu ti ni riya su ni ubu kisheru ti riya na ki banghu na dagru ti kare'. ⁶³ Rukuu tigba giwve uttronghu shi kre, ''yi bi rine mba ti tungyi ni kre ki na?. ⁶⁴ Buhu kreshe aki mu su mikii wuna? ''Mma shrashra ma bi ku isi na ma wunghu. ⁶⁵ Mba saga ma lu ngo ri lunghu shi kru nanghu iyi shi ri chinghu ri kre nanghu ku, '' hu uko niji!. Mba ti gbra hi nghu si chinghu. ⁶⁶ Bitru ti ni mitti ni ibra kachu shrummo indi ni kame wannandu ti Rukpu ti gba bananghu. ⁶⁷ Shi hu Bitru ni kachu kila, shi nenghu niyi shi kre nanghu, ''Bu na ti na Yeso ba na zare. ⁶⁸ Nghu raa na ngami ku, '' mi sa hunghu nga misa hu ngho ti buru kre nga. E'ru ka aye, kachu gahi. ⁶⁹ Wuna ndu to Rukuu tigba ubiri kre ni mangri ti ma ti ni ma ti ningha. Ngri ngami isu indi ni kame ma. ⁷⁰ Ebi raa ti uho aha. Na rukpu gyanyi mba ti ma ti ningha ma kre ni Bitru, ''Ti risheshein bu su indi ni kame ma, bu su ngri Galili. ⁷¹ A' E' ri tungunghu ku ''mi sa hu ngri ti buru kre ngahanga. ⁷² Ningha munno ibi ki ti ahanghu. Ningha Bitru gaa ngho ti Yeso kre nanghu ''Munno sariya ki uho ahanga, sa bu raa na ni uha attra, ''e roku ni mitti shi ki.