¹ Rukpu ti Yesu ri kri ni shakpa, indi ni kame mbati dunghu kre na nghu, ''Ngri kikla hu ari kikye ti ma wayii ngami na to kiridi wayi. ² E' kre nanghu, ''Bu hu gba kiri ngami? Kikye indi saraya ti ni risi midinga mri ya dji nghu so mitiwa. ³ Rikpu ti ni su ni agbo olive ni Iliyi Shakpa, Bitru, na Yakubu, na Yohona na Andarawu myenghu na ribba. ⁴ Kre nayi, shiya ko ngho ngami ri su? Aki mu riya su nghla ni ugho ngami riya su?. ⁵ Yeso ri kre nama ku ''Ka yi si na ugru na mbre yi nangha. ⁶ Ugba mangri mari ya ba ni kame inde mi shi mariya kre ku, 'mi mu musu nghu,' a' mariya mbre gbu ka iyi. ⁷ Ni bu hu kishra na umoh kishra, na mikii wu na zayi yi, ngho ngami mariya zeze ba ko ti ugbunghu isa ba tinga. ⁸ Kizi mitti riya gyende ni kizi miiti, kiri riya gyende ni kri Gugru mikii riya su ni gba kaclu na rimiye pye. Mbami mu mari su rikka ti riya zeze ba. ⁹ ''Ti gbegbe, Mariya gbiwu ka ni majalisa, shi ma chi wu ni synagogue. Buya ti ni ihiyi ngri ti bi mangri na ari iriye ni kre inde my, ngami su ni ritsi ma. ¹⁰ Ko manya zeze kre, krekpare ni gbu mitti. ¹¹ Ni ma ruwu la, Gaa ungho ti buya kre namanga, ni rakpu ngaha, mariya nawu ngno ti buriya kre, isa riya su bu mu ri kre nga, riya su Uhu ritsi mu rikre. ¹² Wunni riya di wanninghu na ma wunhu iti uwu nghu. Mawu mariya gyende ni ari iti ma shi so na ma wuma. ¹³ Mariya raa na wu ni kre indi mi. ko ngri ti ni rumiki ka ugbu, riya krasabo. ¹⁴ Ni bu hu ungho ribii ti mari kri shi sa sati ni kachu sa si na tinga. ''(ngri ti ri kla na huu) ''mba ti ma ti ni Judia kri ya agbo. ¹⁵ Ngnu ti ni su ni ritsi kiri ma raa ti ka kame kiri re na hi kandu niye wa. ¹⁶ Na ngnu ti ni tu n mala na re ba ku ngnu riya li uttru nghuga. ¹⁷ Riya su na ringra ni mangha ti ma su na ruhu na mawu tiri wabe. ¹⁸ Fe na ungno na na ka fe wu ni rukpu shushunga. ¹⁹ Mbami riya su ikpri ti gbu ringra, ti masa taba hu nga ri kizizi, rukpu ti kpare lu nghn shrashra ri ba bebein, masariyi bi lu ngnu nga. ²⁰ Ni ka kpare ngyire na kpri dinga ugru sariya krasabo nga. Ngyire na ikpridi. ²¹ Ni ugru kre na wu hu mi, hu kristi ni mi re hu nghu ni buh, na masa myii wu nga. ²² Kristi ti irii na mba ti huko ti rii mariya ruye shi ma di nghla na ngho mayii shi ma mbre har na mbatimawama. ²³ Tigba, miri riya kre nawu ari ngho na ye tu rukpo sabaanga. ²⁴ ''Ko ni kizi Ringra ti ikpri naa Nno riya drahu, uhuwa riya raa tidi klanghu. ²⁵ Uhuwa riya roku ri kare, kisheru ti ni ki kare mariya gugru. ²⁶ mariya hu Uwu Kpare ni dagru na gbegbe kisheru na tigba. ²⁷ Riya tu ari Uhundu Kpare nghu shi ma glu mbah inghu wama ri uhu anne ti gbamitti ya kare ²⁸ Hu ngho ti kla ni kaku baure. Rukpu ti ni iriru mbe riyii buru kre damina digbi. ²⁹ Ngyimu ni bu hu ngho ngami ri kri, hu ku E' digbi imma na nghu gahi. ³⁰ Miri kre nami risheshen khizengami sariya chutanga, ari ngho na mariya krishrashra. ³¹ Kare na gbu mitti mariya chuta ko nidi ni kame ikre mi sara chutanga. ³² Ama ni kre inno na rukpu, re mba uhundu ni kare re uwu, isa hunga, rah Iti mamgba. ³³ Ti sa na, bu sa hu rukpu dinga. ³⁴ Isu ka ngri ti ka ho rikri-Ishi kiri nghu shi so itingu na mehu nanghu kiri ko in di na nidunghu, a dikre ni ngri ti ri tsa na ka lallanga. ³⁵ Bu pye ti tsa na bu sa hu rukpu ti Dada kiri ri banga, inne riya su na humori re na kateteh chu, re rukpu ti munno ri ki re na chuchu. ³⁶ Niiba ma, na sa ka fe you ri lallanga ³⁷ Ngho ti miri kre nawu miri ri kre na kongru. Ti tsha!'.