¹ Ningha yeso ri kla ma ni kame gbu kre.E'kre ku,"ingri indi ethru malla,shi so ti kru inghu,shi kuwva kinji ti mari gigba Epre.shi mee kiri ti ne uko a na mba ndu.Ni ngha lka hurikri. ² Na rukpu ti ma,ltu lfi nghu indi na mbandu na bu nghu ti ma ndu wu. ³ Uma hi ifi ngaha chi nghu,mma shi zu nghu ubo nyeho. ⁴ Ibi tu ifi indi na ma,mma jinghu ruko ni ritsi shi na nghu riwii. ⁵ Abi tun idi pye mgani ma wunghu. ma lu ngyimu na gbu saga ma achi ma,shi di na ma ruku shi wu saga. ⁶ Eshi ngri di marigba ti ni nghu riya tunglu, uwunghu ti ni bii na nghu. E tunghu, iri gaa ku, mariya lu uwu mi. ⁷ Ko mba ndu ingaha ma kre na nguma, Ngami mu usu uwu ti ri riya bu ungno miti ma shi so. Bayi, wunghu shi na ngnu mati shi so ngha ha na su ti tayi." ⁸ Ma runghu la, shi wunghu, ma lunghu chu ta bwa ni kaye malla ngaha. ⁹ Ngri ti su na mallangaha riya lu ki? Riya wure ba shi jizayi na mbati dungaha shi hi mallangaha shi na mba saga. ¹⁰ Busa kl hui ngho ti kakambe krenga? "kike ti mba ti mee kiri raa na nghu mu su kike ti (mee kiri wa) ¹¹ "Ngami ne na kpare a' isi ni iyi yi" ¹² Ngami chuta, mba ti ma ri bina mba Yahudawa ma nee gahi ti runghualla ma lu ku Yeso ri kre gbu krengaha na ma mu. ma ri lu shrishri ghbu mangri, A ma shi nhu sabo shi kanguma. ¹³ Ma tu mba Bafarasi na mba Hirudus na ma ne kadu tio mma mariya rungnu la ni ka kre nghu. ¹⁴ Ma ba na nghu shi kre nanghu ku, "Ngri kikla, Yi hu ku busa ri lu shrishri ko ngru nga busa ri so ngnu kra ungru nga. Bu ru kla ti risheshenghu Gahi kpare. lsu mni plambe yi kpra ugba ruwa ni Kaisar? Na yi kpra re yui ka klpra yi? ¹⁵ Ko Yeso hu imiyi ma a kre nama, "Buru mye mi ni kre ki? Bi mgbadi ba na si mi hu". ¹⁶ Ma bi ndi ba na Yeso.E miye ma ku" hoto ndi na inde mu ni mi? "Ma yenghu ku "Kaisar" ¹⁷ Yeso kre ku "Na kaisar ngho ti su ti kaisar, na kpare ngno ti su ti kpare" Ma lu mayii nghu. ¹⁸ Ningha mba Saduciyawa kre ku ba ruko ribii nga ma ba nanghu shi miye-nghu. ¹⁹ " Ngri kikla, Musa wa na yi ku, Ni wani ugru fuh shi nghanghu, A sa su na uwu nga ingringaha na hi ingha wani nghu shi na shwe mawu ni waninghu". ²⁰ Malu ma wuuni tamba, Yi ruku ma bungha, A fuhi sishi ngha nghu sa su na uwu nga. ²¹ Ti iri dunghu pye fuh a sa su na uwu nga, Niyimu ti attra. ²² Yi tamba pye fuh ba uwu, Ni kizi ngu ngha gaha pye fuh. ²³ Rukpu ku gyende, Ngnangaha riya su nghan andi ni kame ma? Tamba ma hinghu ngha ma" ²⁴ Yeso kre "ngami mu sa buri lu kugbuho, Busa hu ngho ti kambe kpare krenga re kisheru kpare? ²⁵ Ni ma nyande ni uko ribii, Masa ri lu rubla re,ri di rubla nga, Ma riya su ka mba uhundu kpare ni kare. ²⁶ Ni kre ki gyende mba ti ma fuh, Buba kla ni kakamba musa ni mangba ti kila ri rii, Kpare kre ti lshaku na kpare ti Yakubu? ²⁷ Isa su kpare ti mba fuh nga, Isu kpare ti mba ti ma su na ringha. Bu sa lu manga". ²⁸ Ndi ni kame mba ti ma ri wa ba su hu tanju kre ngaha; A hu ku ayaeso yi nama risheshengu. E mye nghu, "Plambe ti ngyi mu isu ti ikra ringhri ma. ²⁹ Yeso ye nangyu, "Ti ikra usu 'Hu mba lsraila, Iti yi kpare, Iti isu wudindi; ³⁰ Bu bi nanghu na mikii wu shrashra, na miki wu shrashra na ki shrashra'. ³¹ Ti ahanghu isu ngami "Bi na mba ti ma di-gbe nawu toti niwu. Ba plambe ti kra na ari ngami nga". ³² Ngri ti wanghaha kre ku" Ngri kikla ti tsi! Bu kre ti risheshenghu ku kpare isu wudindi, Indi sa su ni krongha. ³³ Yi bii na nghu na mikii shrashra, Na kpako wu na kisheru wu, shi bi na mba ti ma digbi na wu ka ti buru lu ni nghu wu, ngami kra" ³⁴ Na Yeso hu ku ikre ma,E kre nanghu ku, 'Buba nangyu na kpare". Ni kizhi ngami ugru sa bi myenghu ganga. ³⁵ Rukpu ti Yeso ri kla ni shakpa, E' kre, isu ki ko mbati wa ma kre ku kristi usu uwu Dawuda? ³⁶ Dawuda nghu na ruhuu ritsii kre ku "Dada kre ni Dadami, "Su ni ubu riya mi thru rikpu ti mi ya ware ari kahiuwu na ma su ungho ti so uho wu" ³⁷ Dawuda biinghu ku 'Dada', lsu kiki ko kristi riya su uwu Dawuda? Gbu mangri ma maru ti hunghu. ³⁸ Ni kiklangu, Yeso kre, so iyi ni mbati wa, Ti mari kri ni uttro ti luglo, shi mari so na maka trumande ni richu, ³⁹ A ma su na kachu ti ni si kra ni shakpa kachu domiti. ⁴⁰ Mari rii zeyi ni kiri mangha furi shi ri fee na kpare ti gloglo shi na mangri ma hu ma. Mangringami mariya bu gbu ringra". ⁴¹ Ningha Yeso su ni ihiyi kachu mari so mgba ni shakpa shi ri ne mangri ri so mgba ni kame ugru. Mba ti su na ngho-gbu mari su gbun-ngba. ⁴² Ningha ngha furi ti sa so na gbu-ngho nga ba na tsitsi aha shi so ni kame uglu. ⁴³ E' bi mbati dunghu shi kre nama ku "Miri kre nawu ti risheshenghu nghan ti sha su na gbu-nghu ngami eso kra gbu mangri ti ma di mgba ni uglungami. ⁴⁴ Mma shrashra ma di ri gbu ngho ti ma su na nghu, amma ngha wafu na nghu, Ni kame rigra nghu adi ari ugba ti ni ya gra ngho wa.