Ugrii 13

1 Ni rikpu ndhi, mangri ndi sho nandi kre mba galiliti bila tus kye wayi shi lo nhi ngho kirisi ma. 2 Yeso bi si sho na mandi, ''biri hu to mba galili lu ngho ribi kra ni ringri mba galili kre wa rika nyi?. 3 Usu nyi ngo,mhi sho nawundi, Ni bu sa yemiki tu na ngo, pye wu na la kwu aka tima kuh. 4 Rhe mangri awushi asene nikhuri arhe djhi ni risima shi wuma, biri huu so ngho ribi ma kra ni ringri mangri ni Jerusalem?. 5 Usu nyi ngo,mi kre ni bu sa bwa kre ribi sabo ngo, ubu pye la ku 6 Yeso sho mgbi namandi ku, ngri ndi tshu kakhu kuboo ni kachu ta si ba ni uwaa si sa fe ngo. 7 Ngri achu sho na ngri tingho rhi me achu lu uyeh atra ngho ngho mi, miri ni uwa ni kaku me, mi sa fe ngo sa tabwa, tingi ngho tiri ze miti yi. 8 Ngri tinngo rhihuu kachu ndi kre ku na ma bwa sabo ti uye ndi mi la kwa ukpi ti si lu taki ningho. 9 Niri wa uwa uye tingo riba noh usi ni sari wa ngo sa tabwa. 10 Yeso ka lu kikla ni shakpa ugre kpare ni ukpri un atamba. 11 Nghandi so ni ameh ma uyeh awushiasene ri warika ni rhikye. U do miti sa yi tende tri ngo 12 Rikpu ti yesu huu nghandi, ubri nghandhi si sho nandi ngha ma riwu sabo ni rhikyetu. 13 U hi kubo ta so ni risi nghandi, bebengho ungho ti ande trii shi whrii na kpare. 14 Ka, mba riku shakpa sa hulo ngo, yesu lundu ni kpri nu tamba mba riku ndi sho na mangri''yi so ni ukri kandra ti yi la lundu, Ba na ma rii uru kpri atamba ngo. 15 Dada beh nandi ku'' mba mbre mangri bisa rhi rii mbumba tu ni mingha ya wami ni unu kpri atamba ngo?. 16 Akami ngo wuna iitiyi Ibrahim, ti ukpre ribi bwa ni sha uyeh awushi asene ghu, na ma reh sabo ni unu kpri atamba ngo?. 17 Te ngho sho ugrii ndi, mba riku shakpa ndi ma hu riwhii, ka mangri gbu hulo ngo ti Yeso kre si whrii na kpare ne nghi tingho lu. 18 Ka yeso lu daka, khiri kpare su nana, kaayi la kaalu ni ngi? 19 Usu so ushe musta ni ngri hi ushe ta shi bita ni kachu ta, ungho ryu shi su kaku lala mawu mirigha ba tanju ni gaboh tar. 20 Ulu ugri lo, Ni ingi ni mila kaa lu ni urhi kpare?. 21 U la su soku yishi ni nghandi bi lu ni umbu waru mudu atra shi kroyi na ka ni waru ndi risisi. 22 Ka yeso lu rikri zu mari ukho ukho, ni mari izhi kakla na mangri shi chuta ka ya jerusalem. 23 Ngri ndi dada nandi, dada mangri gyara mala kra sabo? ka ngho sho mandi. 24 Tshrambra ti kazu gahe ti wuchichi, mi sho nawundi, mangri mbrimbri rhe gbra miki ti kayah, mala lu tshu ngo. 25 Nhi ungri urhi ni ri ka ni aze shi kluu gahe, bi la kpi ni kaye shi kha gahe shi kre ku, dada dada, ku nayi gahe naji kabah, la sho ku misa yiwu ngo bi ryu nyi riba?. 26 Ka bi la kre ku, yirii shi waa ni heyi tu ka bi kla kla nhi marhi gahe yi. 27 La kla ngu shi kre ku, mhi sa yi uko ni bi ryo ngo, tshe shuko ni uko mi, ubu ni bi ku ngho ribi. 28 Rikpu ti bi la hu dada Ibrahim ni Ishaku ni Yakub ni mangri ti huko nhi kiri kpare, ni bi la lungu ni kusarii kre ti mma bi wu lu bwa ni kaye. 29 Mala ryu he yinda, hwuriri mareh ni mati, ma la suh ni ritih laka ti kuwa ni urhi kpare. 30 Yi timi na, mba tima su ti urhiboh, mma ni la su ti kadjhi, mba tima su ti kadjhi mala su ti urhiboh. 31 Ni rhikpu dhi, ma farisawa ma ba shi kre na yesu ku, kriishi bi ukoma saboh kre oriye itiridus rhi ne wu ti wuwu. 32 Yeso kre ku, ya kre na uwu muhwa ha huu mi dzhu ma ukpri tariye, ka shi na mba rikye fe pya, kpremi ni kukuh ukriti utra mila tshu uko udoshi. 33 Rhe nana, usu ngho ulu namindi kpremi ni ukreh tingho do, kre usa su ngho bi na ngri huko na ma sa ka si wuu ni krushi Jerusalem. 34 Jerusalem, Jerusalem ti bi wuu mba huko, shi tshe mba tima tumandu niuko tuna, Mi somiki ti ha mawutu ba ukondi sokumino rhi kluu mawu ta, bhi rangu. 35 Hwuu, kuri tu su lambra, Misho na wundi, bisa la huu mi kanga sai bi kre ku''Na risii kpare ti na ngho tingho riba ninde dadayi.