1 Ngho ngho mi, rikpu ti mangrii minah mbri mbri kpi ni uko ndi ma mbri vre ti ma ri pla nghuma ngho lugri ni mba duzi ta ni ryiryi,'' ka rembuki ni kinyinva ti mba ti farisa, ngho ni sa kumbreh. 2 Ngho ndi sa so tima taruba, ni mala wheh taye ngho ni nghande tima kluu ti mala yi ngho. 3 Ugrii tibi lu ni djhahu mala hutuh ni uko kpah ngho tibi kre ni kazeh ame mala hituh ta ni risi kazeh. 4 Mi kre nawu, ma makamasa mi na, ka lu tshe tshe ma tima la wuu igha, nayi nikhizeh gaha ba ungho ti ni mariya ti lunga. 5 Miri diwa nawu kutuh kre ingri ti bi la lu tshe tshe ta. Lu tshe tshe ngri tirigho la wuu igah shi so ne tsheru ti biwu ta ni injhi khila mi kre na wundi, lu tshe tshe ta. 6 mawu mingha mgbherwe atah, mari ya'a nigho tima kaha, kpare rii tarhi ni ma pye. 7 kpare yi kla iyii risi tu, ka lu tshe tshe ngho. Birohyi kra ni mawu mingha mbri mbri. 8 Mi kre na wundi, ngri tingho rhi bri ndemi shi bii ni miki ta ni ukho mangri, uwuu ngri pye la bri nde ta ni ukho mawundu tisii kpare. 9 Ngho tini truu nde mi ni ukho mangri mala truu ngho pye nikho mawundu tisii ti kpare. 10 Ngri tingho saboh ni kre ribi ta, Ngho tini lu ugri ribii ni risi uhuu risii ti kpare, ma la bi ngho sabo ni kre ribi ta nga. 11 Mari biwu ba shakpa ti ugri, mba riku miti mbatshweru, ka mlaki na ngbo ti bi la lugri ti kraa ngu yii rhe ngho ti bira kre. 12 Ngho, uhuu risi la wa nawundi ngho ti shoh. 13 Ngri ndi ni ameh mangri sho nandi, ''oriye kla, sho na wani meh na gwa isii waku nami. 14 Yesu kre nandi, ''ngri urih, angah nami riku ti shuumu ni risi tuu''?. 15 Usho na mandi, ''so rhiyi shi melu ne risi tu ni kriyii, kreti ringha ingri sa su rinjih tingho so nandi ngo. 16 Ka yeso sho mgbi na mandi u kre ku, ''kachu ingri rhinji ndi lu urheh mbri mbri. 17 U tarii ni miki ta, sho ku, inji ni mi la lu kre timi sa so no ukoh ti mi la bi irhi mi lu ngo?. 18 U kre ku ngho ti mi lalu bebe mi. mi la djhi ndha mi lubwa, shi meh mba ti lakaka, ni kameh ma ni mila glu urheh mi lu ningho ni ringri mawungho mi. 19 mila shohna miki, miki, beh so ni ngho risisi ti iyeh ni iyeh, suh yimbra, rhi shi wah shi hulo. 20 Kpare sho nandi, bisu udzhu, ne uchuu me, ma rhe daka ringha tu ni ubo tuh mawungho ti beh melu, la su ti anga?. 21 Nyiemu ni ngri su, so ku ingri ti ngho so ni rinjhi ni mitiemi, sisa so ni nghondi ni uko kpare ngo. 22 Yeso kre na mba duzita, ''mi sho nawundina, ka mla miki kre risitu yi, ngho ti bii la rhu, rhe kre 23 igah tu, ngho ti bi la taa rii iga wu.Ringha kra ni urhe, igah wu kra ni ucho. 24 Tarhii na ma iriinza, ma sarih tshe, rhe marhi gwa, masah soh nhi ndah rhe kazeh urhi ngo, kpare rhi nama urhii. Bi sa sii kra ni ma mingha ngo?. 25 anga ne ameh tuna kre ti mla miki la tshe kpri ta na ringha taa?. 26 Risu ti bisa yi lu ngho wuchichi ngo, nana ni bi rhi mla miki ti ringri ngho. 27 Kayini masheh mangba aka tima rhi kuu masa rhi lu ringra ngo, rhe mari lu nghondi miri sho nawundi' na sulemanu rikukuu ta sa so cho risisi soh umah ngo. 28 Risuti kpare meh shey mangba lu ni kachu, tingho soo kpremu, kukuh ma bi ta ni ilaa, nana nhi ngho sala kluu wu ni ucho risisi ngo, ubuu ti ni bimikii wuchichi. 29 Ka sooriyi ni ngho ti bi la ri rhe bila waa yi, ka gla somiki ni mawungho ngo. 30 mangri mitiemi pye rhi neh mawungho mi, itiyi kpare yi ku biri ne mawungho ndi. 31 Kaji neh kiri kpare, ka mawungho mi la doh. 32 Ka lu tshwe-tshwe ngo, ma ukruu gya, kre utiwu rhi lu umruu nibi fe kure ta'a,, ni kareh. 33 Yah nhi mawungho tu, shi greh mawani tu ti ma so ndi ngo. Lu na risi tu ukruu tingho sa la zeyi ngo, ngho rindji ni kare tingho sa la mre ngo, ngri uyi la ba digbi ngo, ubrey la zeyi ngo. 34 Uko tibi bi rindji tu so, miki tu la ti ningho. 35 Meti gbegbe, shi na ula tu ka ryi ngo. 36 Su soku mangri tima rhi gbyeh ingri kirima tingho ryu uko ribla, rikpu tingho riba kabo nhi gahe, ma la kyeka shiku gahe nandi. 37 Kubo risi ti kpare la ti na mawundu tima kpirigbyeh ngri urhe ma ni rikpu tingho la ba. Risheshe ni miri sho nawundi, la mengo gbra risisi ti ulundu, la na mawundu ta, nama kpi miti, ngho la ba nama urhi. 38 Ni ungri urhi ma rhi ba ni umbrey ti aha ti uchu,rhe umbre ti athra ti uchu, shi ba fe ma, ma kpe rhi gbyeh, kubo sii kpare ti nima. 39 Miri ya no kohu nimi, Ni ungri urhi yi rikpu ti mba kuyi la ba, sa la bi urhi ta sabo nama ka ningho ngo. 40 Mekpi na, bhi sa yi rikpu ti uwuu ngri la ba ngo. 41 Bitrusu lu daka, ugriemi biri kre na iye raa rhe ni ringri mangri pye?. 42 Itiyi u kre na mandi ku, anga ni su ungri uhu ndu ti risheshe ningho so ni imhi ndu, ni ungri urhi ta la na ndu ti huu ringri mawundu ni urhi shi nama urhih ma, ni rikpu tingho maa. 43 Kubo risii ti kpare na ti na uwundu ti dada ta la bafe ningho rilu nyi. 44 Mi sho na wundi risheshe, ungri urhi ta la bye so riku ni mawungho ta ninghongho. 45 Ni ungri ndu mi ri kre ni miki ta ku, ngri urhi mi ndjwa ni kuba ta, shi tiri chi ringri mawundu marilu na mariha si ri urhi si wa matehsi fee. 46 Ungri urhi mawundu ndi la mi ukpre ti ngho sa so miki ngo, ni rikpu tingho sa yi ngo ka ngho la mre unbu shi kla nandi uko ni mba rikii. 47 Ngho uwundu tingho yi miki ngri urhi ta si sa me lu ngo, si sa lu mia ni miki ungri rhi ta ngo, mala byeechi risisi. 48 Ka, ngho tini sa yi ngo si lu ngho tingho ma, uchi, mala che gya raa. Ngho ungri tima na mawungho mbre mbre, ni ubo ta mala la lu in daka mbre mbre ngho mala lu daka ngho tingho kraa 49 Mi ba ti kye la ta ni mitiemi, nho, na ma kye ulandi ta ngho ngho mi no la simi miki. 50 Mhi so ni kinyi ni manyi ti mi la lu, ka miki sa kala mitingo kre timi sa lu gbo ngo. 51 Biri huuso mi bi kiyimiki ba mitiemi? Sa su nye ngo, mi ba ti gwa wu na. 52 Rhi bebengho ya heyi mangri kata ni kurhi ndidi la gwa nguma, mangri atra la kro, ni mangri aha, ma aha la kroni ma atra. 53 Ma la gwa nguma. Uti la kro ni uwuu, uwuu la kro ni uti, unhi la kro ni wuna, wuna la kro ni unhi, unhi uwuu la kro ningha uwuu, ngha uwuu la kro ni unhi uwuu. 54 Yeso kre ni ugbu mangri pye, ''Ni bu huu lagluu ni he hwurere, bi la kre ku kpashe ukuu riba, ka ngho la su nye mlri. 55 Ni mari ta uhu ryu he mati, bi la kre khu, gbji rhiba, ka ngho la su nyimbi. 56 Mba mbre mangri, bi yi ti kla rikpu ti mitiemi ni ti kare, usu nana ni bisa yi kla ngho tingho ri kri nghonghomi ngo?. 57 Nana ni bisa yi ti kye umu tisii na risi wu ngo?. 58 Nhi biri ya kaze umu ne ngri ndi, ni gahe ti biri ya na, gbra miki shi me ugri lu ni ngu na, ni gahe, kre na ka djwa wu ya uko oriye umu yi, ngho oriye umu nakabiwu na uwuu kpalango, na uwu kpala ka bi wu ta ni kaze irhii ngo. 59 Mi kre nawundi, bhi sa la ryuye ngo, bi la wu mgba tibi so nandi pye.