Ugrii 14

1 Isu kpri satyi ,ni ikka kiri farasi ti-gbanghu ti ri iri,a ma so nanghu iyi, 2 Ni nghu ngri ti ri wah ringra na rikye edema soh. 3 Yeso miye mba ma kpambe ni plambe mba yahuda na mba farasi,remma yi na piya ni mba rike ni kpri sati? 4 Ma sonzhe.yeso dunghu boh shi nanghu piya a shinghu sabo na yan nghungnu. 5 E'miye ma andi ni kame wu ni su na re muso riya shinghu sabo ni roku ni kinjisa riya ku nghu ruye ngha ku usu kpri sati. 6 Masa lu ti biengha nikrenghami. 7 Rukpu ti yeso hu mba ti ma bi ma ba risa rubla mari ne ti hi kachu su tigba, E' kre nama, 8 Ni ma bi wu risa rubla ka ne kachu su tigba yi,Nne ma bii ngri ti kra wu gba. 9 Ni nghu ti ni bi wuna ba,riya kre na wu, shi kachu su su wu ni ngri ngami,na riwwu,ya su ni kachu su mittiti 10 Ni ma bi wa hi kachu su ti mittiti,shi na nghu ti ni be wu ni ba riya bi bi wu ku ikkami,toh ba kare. Ni iyi mangri ma nawu kigba." 11 Ngri ti na nghu hu kigba ma riya shingnu so,ngri ti shingungnu so ma riya na kigba". 12 Yeso ibi kre ni ngri bre ngu ni bu ye iri ni mangri bii ari makaka wu re mawuani wunga bre mba ti ma su ma ngbanga,mbami maya bi bii wu ya tama piye,shi wu. 13 Ni bu ye iri,bi mangri ti masa mbanga,na mba ti ma su na uho nga na mba ti ma playi, 14 Ni ngami biya fee ki dubba,Mma masara kpra wunga. Buriya fee kikpra wu ni kpri ti yende ti mba khilu mma". 15 Ndi ti ni su ritch laka na yeso hu kre ngaha, e'kre ku,"ma dubo ni mba ti ma irii ni kachu su kpare". 16 Yeso lla na nghu,"Ngri ndi imme iri shi bii ugbu mangri. 17 Ni rukpu lu, e' tu ari ifinghu na ma ya la ni mba ti ma bii ma," Ba,iri imiye'. 18 "Ma di zabo ti mma riya fe banga. 19 Ngri indi ku ngnu bui mala,lri so na ya hu,misa iya ti banga,la ni iti wu,indi ku mu bu lando ti doh igrii atah mba fe kibanga'. 20 Ndi ku ,"mi bu ngha misa fe kibanga. 21 Ifi ngaha ika la ni iti-iringhu nghungami. iti-iri lu kafu na ma,shi la ifi ku na kri ya kaye shi na mbati ma sa su na mba nga,na ti masa su na mba nga,na ti masa su na uhu nga,na mba ma pla iyi. 22 Ifi nghu kre ni iti-iri ngnu mi lu nghu bu miye me tu lu bebeinghu ringri kaze kye. 23 Dada ngaha kre ni ifi ngnu, Ya ihi rigbagba shi gbii mangri ma ba kame shi na kiri mi na wa. 24 Miri la na wu re indidi ni kame mangri ti mi bii ma ngame riya rii irii ngame nga." 25 Bebe nghu gbu mangri duh nghu,a wure shi kre nama 26 Ni ngnu ba na mi shi sa raa na itingu,na ininghunga re na nghanghu,na mawu,na mawani rilu mawani rinah. 27 Du ingri ti ni ba hu rekra kakunghunga su ba naminga bariya ti su isa mma ti mawuorii. 28 Andi mu riso ti me kiri are sa riya zeze su miti shi maa-hu re usu na mba ti riya mei kiri di shwa-shwa? 29 Ra ni kpi kiri mamgba mgbanghu na miye mye a mangri ma shrunghu. 30 Mariya kre ku ngringami ku nghu riya mei kiri a sa yi ti manga; 31 Re oriye ti ngyi riya ya shra iriye indi sa riya kimma re ngnu ti ni su na mangri minna. awu riya shra ma iriye ti ne su na mangri minna-awu aha? 32 Ni isa lunga tu ihi lunglo,riya tundu ti nne kala mikii. 33 Nyimu,sundi na kame wuna nisa raa na nga sa riya ti dumminga. 34 Kuwa isii,ni kawa sa su na killunghu nga,riya su kuwa piye? 35 Isa su na indu nga ni mitii re ni kachu nga. lsi ti ma juu lubwa. Ngnu ti su na utu,na hu.