¹ Plambe su uhuu mawungho ti ngho ni riya bah mba ari ngho masa su ti risheshe ngho ngah. mba ti ma tshi ba na kpare ma meh lu pyepyer na i di risi ka ti mba tigba firisti ma rilu iye na iyeh. ² Ka sunnye ngah kahi di risi ka bwa sabo ti dii? Nye mba ti doh ma ka su ma uho wundidi si sa bii ghaa ngho ribii mah ngah. ³ Na ku dorisi ngaha ma kpoe righa rhibi ma iya na yeh. ⁴ Riya su na ringra na mayi ari mesoh na ti ari mubuh na ma buh ngho rhibiyi lubwa. ⁵ Rukpu ni kristi ba gbumiti ngahmi,lkre,dorisi na khi di ngho ti kpare ba su nghu mu ni biri ne ngah,usu igha ni bi meh lu na mi. ⁶ Na ngho ma ya hwu khilah. na nwo ti ma di ti ngho ribih yi ti ni sa loa nawu ngah. ⁷ Ni mi kre,huu mimii-kha ni ma wah ni kre risimi ti lu naho n si nawu. ⁸ Ti wundidi ikre "Ba su douriri,ko ngho ni mari na kpare ko ngho ni mari hwu khila,ko ti ngho rhibyi ni si nawu. Mbami ni ma rilu ni kre plambe. ⁹ Si bhi kre, "Huh,gah ti lu tanyu wu" ihi chukoh ngho ni ma ka na rhiri si bi ngho ti aha baa. ¹⁰ Na Tanyu ngahmi,ma suyi pyepye zu udourisi ti yeso kristi ho wundidi. ¹¹ Ukpri na ukpri mba tigba firist mari yande si ba lu ndu mah ni kpare. Kowani kpri ri lu hadaya nwu ukru hondidi,ti ni sa ya buyi sabo ni ngho rhibiyi ngah. ¹² Ni ihindi,kristi dih risinghu ho undidi ni kre ngho rhibyi,l suh ni riti ti uboh rhiya ti kpare. ¹³ Usu rigbe rukpu ni mba ti ma lu ihiyi na ngho maya rhe gboglo ti ughonghu. ¹⁴ Nyumu khi di risi ho wuindidi i meh wu lu risisii ti ugburukpu mba ti ma pyepye ¹⁵ Uhwu kpare piye kre nayi. Ti ririi ikre, ¹⁶ "Ngha mi mu su tanyu ti miya lu na mah ikpri ndi, Dada kreh,Me ya plambe mi na miki ma,si mi wah ni miki mah pye. ¹⁷ Ni mi ijeh"ngho rhibi mah na kugbitu mah,misa la tarhi ya ngah. ¹⁸ Bebenghu ni kachu ni kulurii teh ni kre ngho nghami,dourisi ni kre nwo rhibiyi ba bi soh ngah. ¹⁹ Ni su nye,mawani,yi su na kuttreru miki ti ni ya kha ni kachu ni glatih ni kre mayi yeso. ²⁰ Ngami mu su ihii rhahe ti ni fuh nayi ti nghho zu mbre uttrwo,ni mi usu ibe igaanghu. ²¹ Ni kre yisu na tigba firist ni khiri kpare. ²² Yi tshri ya na miki ti rishenghu na miki ni ma frenghu pyepye ni ngho rhibi na ighayio ni ma nha ngho na manyi ti sii. ²³ Yi bhi na utsheru ngho ni yi huu ni yi ri nneh na ka su na tshetshe ngah,ni kre kpare ni tanyu,haya sari ngah. ²⁴ Ni huu ngho ni ya lu si yi moh khizi ni ghiyi na ku bih ghiyi na uboh aha na undu ti sii. ²⁵ Yi ka bwa khi harisi lu yi,ka ni saga luluu. yi gre nghiyi na kra ti rhiri ni kre ukpri digbi. ²⁶ Ni yi kpe luluu ngho rhibi ti righa rukpu ni yi na huu rhisheshe,dourisi ni kre ngho rhibi yi sa bi teh. ²⁷ Nna ni ka su nyumu,se miki yi rhe manyi ni kre tshe-tshe umo,na khila ti nio shu,ti ni rhiya whuu mangri ribii. ²⁸ Mbati ni ma rha na plambe ti musa rhiya fuu ba ulu'risi ti mangri aha ko athra. ²⁹ Usu ukru umo ti nyi ni maa ni maya lu mba ti ni ma mre uwu kpare,mba ti ni ma hi mayi ti tanyu ka basu pye pye ngah,mba ti ni su nikre mayi nghami mu uma shinghu so gha kpare,mba ti ni ma tuu khi greyi-ngho. ³⁰ Nye yi huu ingri ni kre, Romako su tami,miya lu namah nyumu"Dada yi rhiya shu umo ni mangri ngho. ³¹ Usu nwo thrithrii na yi kuh ni ubo kpare. ³² Iki ghaa ikpri ti khizi rukpu ni bu fe kukpako na,ni bu gbamiki na ringra ni bu fe na.v 33 Uma na yi rhiwhi ni sheyi mangri,si shwowuna si wa ringra ti ni sagah ni ma fe. ³⁴ Bhu su na ulu risio ni mba ni ma kpi ni khiri,na tremiki,yi bii whriina isiwu ni ma ruwula,buh su na ngho nio kra na nghami ni si kra. Buh lu risi nama rukpu ni mi lah ni khiri. ³⁵ Nyumu ka tabwa na ugba miki wu na,ni su na khikpra. ³⁶ lsioi si su na ugbamiki si fe ngho ni klpare plambe rukpu ni bu lu ngho mikinghu. 37 Ni kame rukpu gya,ti ni rhuba mi rhiya ba,ba na khibi rukpu ngah. ³⁸ Mba tami maya kpe na bimikii ma. Ni rhe ba kizi,mikimi riya zeyi na nghu. ³⁹ Yi sa su ni kame mba ti ni ma reba khizi ti ba zeyi,yi kpi ni kame mba ti ni ma su na bimikii.si rhi kula na ngumah.