¹ Bimikii musu hi nghu ni yiri gbe riya baa. nghu mu su bi na nghu ni sheyi sa whu ngah. ² Usu ni nghami mu matiyi ti kasasa ma ma feh ku bi kpare. ³ Na Bimikii yi hu ugbumiki su ni kpare kre na su,nyumu ngho ni yi hu ma lunwu na ngho ni sa su kayeye ngha. ⁴ Nasu kre bimikii mu ni Habila mna kpare ngho ti ni krah ti Kayinu. Nghami ma hi nghu ngri ni na miki risi. kpare bi na ngho ni kre ngho ni di. A su nyumu na bebenghu Habila rhi kre ko da dai ufuh ye. ⁵ Usu kre Bimikii mu ma Anahu kha kare si na ka hu rufu yi. "Ma sa hu nghu ngah kpare hinghu ma hi ma kre ikre ni kpare miki. ⁶ Bebenghu ni baa bimikii bu saa tre nghu miki ngah.Usu risi ingri ni ri ba na kpare,na hi ni miki nghu ku kpare teh ya nanghu ngho ri neh. ⁷ Usu bimikii mu ni nghu bu kre rhi na kpare ni ngho ti masa hu gah na ku dorisi na shhwishwi ga;a,a meh Wassi manyi ti na bu mba khiri nghu sabo. Ni ngho ngahmi mu kpare bi djhi ugbumiki,Nuhu bi ye su glubo ni kre bimikii nghu ⁸ Usu bimikii ma lbrahim,ni ma bi nghu a durisi si kha kachu ni ma kaya nghui na su isi wafu. A ruye,si sa hu kachu ni nghu ka yanngah khibii mu alah ni miti tanyu ka ingri kanyu. lla ni rubru nghu na lshaku na Yakubu,mba Glubo in miti tanyu. ¹⁰ Ka neh ihiy ti hu ukoh ni ma sokpi ingri ti meh mu su kpare. ¹¹ Usu bimikii lbrahim i feh ku whe ka da nghu na inha nghui Saratu ko da ma lu choh Saratu pye ruhwu nghu chu nyinmu pye chuta ti ya fe. Uma bi na ngri ni tanyu na ma usu na bimkii. ¹² Nyumu na ngri wundidi ni digbi ti fuh uma fe mawu mbribri ka jinka ni kare na ka ringe ni umbu. ¹³ Ina su ni bimikii mu tshw-tshw ma fuh si sbuh tanyu ngah ma wu si thwruma nde na kpatata,si bi kuma su mba kanyu ni gbumiti ngah mi. ¹⁴ Mba ti ni ma kre ukru ikre ngah mi ma rhine kachu ni ma ya lah. ¹⁵ Ni ma ka rihii ga'a ukoh ni ma rhiye,ma ka rheya nghuma. ¹⁶ Asu khrii ma neh ukoh ti ni sii kpare sa lu riiwhi ti ma binghu kpare mah,ni kaji meh ukoh tigba nghu lu nama yeh. ¹⁷ Ina su bimikii mu lbrahim ni ma mmah nghu wu ku na di uwu naha lshaku,ti ni ma tanyu na nghu. ¹⁸ Nghu mu su uwunwu wundidi ni ma tanyu, "Na nghu mu maya fe mawu ni khizeze. ¹⁹ Ibrahim ga'a si kre kpare su na ku tshreru yande na lshaku ni rufuh,ku isu rhi rufuh mu ni nghu bunghu bah. ²⁰ Usu kre bimikii mu ni lshaku tanyu ni Yakubu na lsuwa ni kre mawu nghu ni ria su ni ihiyi. ²¹ Kre bimikii mu Yakubu ni kaya ti fuh a tanyu ni mawu Yusufu uma aha. Yakubu dourisimiti si bre ni kpala nghu. ²² Na su bimikii mu Yusufu, ni rukpu nghu kha a kre kre ku ruye mawu lsraila ni miti Masar si kre na ma ngho ni ma ya lu na ari kpafuh igah nghu. ²³ Usu bimikii mu Musa,ni mana whe nghu,mati nghu taruba na nghu har uwah attra ni kre uwu din u wayi glatti,si sa lu shri-shri ni kre kpare ngaa. ²⁴ Usu bimikii mu ni Musa a;a,l ra nghu na ma ka bi nghu uwu wuna Fir'auna. ²⁵ I bih ti wa ningra na mangri kpare na ni yaa wa kulo ti ngho ribi ti rukou wugya. ²⁶ I ga'a ku ringra ni nghu ya wa ni ku du kristi si kra na nhghu na o ti singhu ni miti masar. u so sheyi ni ngho ni nghu ya fe ²⁷ I na su bimikii mu ni musa bwa masar sabol,sa lu shrishri lruye ngah,gbamiki ka ri hu ingri ni taruba. ²⁸ I na su bimikii mu gla na ku vra mayi ni mgbu gahi si na mba ti ni ma rhi wu mawu ti riri ti lsraila. ²⁹ Usu bimikii mu uma bri umbu ni risi ringe,rukpu ni Masarawa kuma ya lu nyumu,manyi bu wah ma biye. ³⁰ Usu bimikii mu ni ganuwar(Katanga) yeriko rioky rukpu ni ma gnongare nghu ho Tamba. ³¹ Usu bimikii Rahab nu su nya kparuko sa fuu nghah na mba ti ni ma ti ni ma,Mgbitu,ni kre ni buu mba ni mari nneh kona rubaba lu ni khiri nghu. ³² Aki ni ya kre,rukpu riya nyer nami ni miya kre kre ni risi Gidiyon,Barak,Samson,Yefta,Dauda,Samaila,na mangri ni mari hu koh. ³³ bimikii mu uma rii utsha ni ari uko,si lu ndu na shri shri kpare sii bu tanyu. si kru kanyu ari mukuh. ³⁴ Si wuu khi shreru khila,si whre kanyu kaji,si fe pya ni arii rike shre ru ni tshwa,ni nya uma shreru ni shwa si rhii mba ti ta tshhwa ni ma su mba anyu. ³⁵ Mangha buh mba ti ma fuu ni tshwa. uma na saga ringra si raa na ma chu sabo,ni kre ku ma ya nyende ni rufu risisi. ³⁶ Saga wa ringr na na ichi na wangba,saga ma bwa ma na isha mgba si lu ma ni khirii. ³⁷ Ma fah saga na kike,si gra saga igri aha na reza. si wuu saga na kaji ti gba uma kru shwushwu na itah ti musoh na ti mubuh,ma wa ringra glati. ³⁸ Ugbumiti pye sa hi ma ka masu kandu ngah.ma kri ka kri teh ni kameji,na ari kike gbon-uro,na gashii. ³⁹ Ko na mangri mbami ma su ti kpare ni kre bimikii ma,ma sa buh tanyu ngah. ⁴⁰ Kpare meh kandu risisi luluu nayi,ni ba yi,ma sa me ngho lu risisi ngah.