¹ Tanyu ti rhirii na su na kachu kufeh na kpare,si su na ihii ti feh ni gbumiti nghami. ² Nye uma meh kaze kpare,ni kamenwu,kaze ti rhirii ma sabnwu nde pyepye. Ni kamenwu ma lu ari Fitila,na Tebur,na falafa. ³ Kaze ti rhiri ni ma krunwu,ti ni bhi dow,ma ri binwu pyepye ti ni kra pyepye. ⁴ usu na shakpa ti ma menwu lu na kpanze ti ni rhi sha-sheyi ni ma lu nwo ti rhi Kengbii. Na ukru ti tanyu ni ma chu ighanwu na kpanze ti iri sha-sheyi. Ni kamenwu ma soh dazee ni ma lu mana waa,na kpala Aruna ni lu chooh ye,na ari umbre kike ni ma wah tanyu. ⁵ Ni rhisi ukru tanyu,a rhi uwhu kerubi ma khru. Dada yi ni ma ri dourisi na nwu,na bebenwu yi sa whu nwu ni ya kre mandi mandi ni rhisi mah. ⁶ Rukpu ni ma meh kachu ngami lu,thrathra,mba tigba ri ka ni kaze ti rhiri si ya lu arhi undu ma. ⁷ Usu tigba Firisti ni rhi kha ni kaze ti aha uho wundidi ni yeh,a su tilas na bi mayi ti ni ya di ni risinwu na ti nwo ribhi ni mangri lu ni sa su ti righaa ngha. ⁸ Uwhu'risi i kla ku masa tanjo ihi ni riya kachu ti ni su pyepye,ni kre kaze kpare kpare iteh na ndede iti. ⁹ Nwo ngbami usu unjo ni ma ta'a ni nwu ni rhi kri bebenwu. Na ari kpayi ni yi rhi dii na dirissi thrathra sa meh miki ingri lu ngha. ¹⁰ Irii na nwo ti wah ni ma jeh na khuharisi lu ti nna nwo gbvagbva. Nnwo mbami ma lunwu si na greh igha se rukpu ni maya meh nwo rihe lu. ¹¹ Kristi bah ka tigba Firisti na mawunwu tisima ni ma bah,si zuu kaze kpare ti gbagbanwu ti ni sa su uboh mangri ni meh ngha,ndi ti ni sa su ti gbumiti nghami ngah. Kristi bah ni rhiti ti tigba Firisti ti mawunwo ti sinwu ma ri ba bah. ¹² Bah su mayi ari mubu na ti ari ikha lando nghha, Aasu na mayi tanwu ni kha ni kame kachu ti risu piye piye hwo wundidi si bu yi thrathra sabho ti gbududu. ¹³ Ni su mayi ari mubuh na iti ari lando ti rhina ni igah usu ma ni nwo ribi ma si lu ma na kro ni kpare. ¹⁴ Ya su khiki koh mayi kristi uhu kpare ni dih risnwu gha kpare ba irhii ni ghanwu i nna irhi ni mikiyi na undu yi ni su rukhu si yi dourisi ni kpare ti ni su na rhingha. ¹⁵ Ni kre ngami mu ni kristi sui nwokhingha ti tanyu ti rhihe. Nghami su nyumu ni kre ma lu rufwu ti nio buh mba ni ma na kpi ni tanyu ti rikpi saboh, ni kre nwo ribhi ma, ni kre ti kpare bi ma na ma babu tanyu ma ti ugburukpu na rukpu. ¹⁶ Nni uhngru tanyu su bwa sabo,ni ka ba fwu mangri ni ma kpe in rukpunwu maya kre nwo ni suh. ¹⁷ Se ni ma lu rufwu ko ma ya lundu na itanyu, Nwo ngami sa lundu ngah ni ingri ti ni tanyu teh na rhinyanwo. ¹⁸ Nsu nyumu tanyu ti rhiri ba ya lundu ngah se na mayi. ¹⁹ Rukpu ni Musa na mangri de'mbe ni ti ni umoh,i hi mayi ikha lando na ti ari Mubuh,manyi,na uboh uthro rubaba na ghabo kaku si free igha mangri na kambe ti de'mbe. ²⁰ Rhimi a kre,nghami mu su mayi ti tanyu na de'mbe ti ni kpare nawu na. ²¹ Ni mih pye a freh mayi ni kaze kpare na ari mawusi ni mba tigba rhu lundu na ma. ²² Ni su nyumu kre de'mbe,mawu nwo thrathra se ma ya Hhe mah na mayi. Ni ma lubwa na mayi ngha ba u lurii. ²³ Nyumu unwo ti ni ma mu su mbre unwo in ma kpi ni kare maya Nnamah na ku wuh mawu ibe. Nnusu nyumui,isii ni ma kpi mni kpare uma pye maya lu nama unwo ni kra na nye. ²⁴ Kristi sa ka kame kaze kpare tigbanwu ni ma mehriwu na boh,ti ni hru ti risheshe nwo. Ni mi i kha kare na risinwu ti ya kla ngunwu ni kpare ni kre risiyi. ²⁵ Ba sa kha bu uhwo na nwunwo ngha,ka mba tigba Firisti ni mari ka kachu nghabu iye na yeh na mayi sagah. ²⁶ Ni kah su nyumu,ka wa ringra na nwunwo rukpu ni ma soukpi ugbumiki. Bebenwu idiyi ni iyeh ti meme si hi nwo ribiyi tha ni risinwu. ²⁷ Kha nwu su nwumu na ingri na fuh uhwo wundidi,ti ya dwo wa usu umoh. ²⁸ Si bhi su nwumu,kristi ma dhi nwu uho wundidi ti na hi nwo rhibiyi,si riya rheba Hhwo ti aha,ba su ti riya ba kro na nwo ribi ngha,usu ti ba buh saboh mba ti ma kpe rhi gbenwu.