1 Festu, bu kani kame mitidinghu, Na ikpri attra, a ka re Kaesarea si ka urushalima. 2 Ingre ruku tigbanghu na mba tigba ti Yahudawa ma bi umo ma ni riisii Bulus bawaa, ma mie Festu na kre blringji. 3 Ma mienghu ku na grema sii na mbre Bulus ya urushalima. Ma re su ti ya taruba kpi niji su ma wunghu ni ihii. 4 Festu bu yeh ku Bulus ma binghu ni kasariya,unghuma kunghu re ti nyi ba na ku bii rekpu nga. 5 " A krii ku mba ti ni mba ti ni ma riya ti duwo ya na ye, Ni na kandu ti bunghu ni risiinghre dinghu su ma krii" 6 Festu bu tikra na kpri sene re awunga sii shi ka kasiriya. lkpri ti ahangho a su ni gboglo umo sii ku ma bii Bulus ba nanghu. 7 Nde niba tchru mba Yahudawa makpe ni urushalima ma ba kpe na kro, sii bii ikrii ti biinghu ti ni ma nangho ti ni ma na riisima ba kandu ni riisinghunga. 8 Bulus bu yende ti sii kre ku mu balu kandu ti biinga ni riisii mmo ti mba jew nga rhe ni shakpa mba Kasiriyanga. 9 Festu bu rii ne kubu rii namba jew, a yee ni Bulus ku, "Bu yi ne ti ya mba ti ya urushalima su mu shru mmo nanghu ni riisii nghu bame nenghaa? 10 Bulus krii ku " me ti ni ihiiye kuglo umo ti Kasar kachu ti ni shrumo na me. Mu ba lu kamdu ti biinghu ni mba Jews ka kru ti ni bu resisi. 11 Ni mika lu kandu ti biinghu rii ni mika lukandu ti ni ma ti ma wume, mu be kara ti ifunga, Ama ni kriima ni riisime ba su kandunga, Ku ungro ba hhi me na ma nga. Me fehh na kisar" 12 Nde ni Festu krii na mbe ruku, a Ye, 'bu feh na kisar. kachu kisar ni be yatiya". 14 Nde ni ma kpe ne nghati ikpri na rukpu, Festu bu bii lkrii Bulus ba na lriye ku" Felix si ingri ndi ni khirii nime. 15 Rukpu ni miti ni urushalima, tigba mba ruku na mba ruku ti Yahudawa bii ummo ni riisii ngre nanghu ba na me, ma mia ku mu shru mu rufu nangho. 16 Me ye nama ku isa su nghu ni malulu ni miti Roma nga ti ma hii ngri ti ngo ni ungho ti ni ma rii yangho krii ni iye mba ti ni ma rii yangho su fe lhii ti bo ngho nghu sabo ni unghu ti ma krii ku lu. 17 Nde maglo nghoma bamewa, mu ba ti gbenga, lkpri ti ahangho mu too gboglo ummo sii kumabi ngre dingho ba, kame. 18 Nde mba ti ni mari yangho bu yende, su krii kandu ni riisiingho nga ti nisu ungha ti biinghonga. 19 Sadi, ku ma rii kro na ngho ni riisii kudu kparima na ikrii Yeso ti ni fu, Bulus bu krii ku bi fuhnga. 20 Me sa hu kru ti ni me riya ti mu irii dingho hunga, me mie ngho rii riya ti su tiya urushalima ti ma shrumu nangho ningha ni riisii ikriina nangho. 21 Nde Bulus feh na tangho ni khirii gbe ungho tini iriye riyati krii, me kuma biingho yata ni khirii yatuu rukpu ti ni miya tungho ya kisar. 22 Angaribas bu krii na Festu" me riya ti ne ti kpetu ni krii inge nangho", "Kuku" Festu "bu krii ku bu riya ti hu ungho" 23 Ni kpri ti ahangho, Angaribas na banisi bu ba na ugbu mumui maba kame shakpa ti ngho na mba sha tihgba na mba tigba ti miti dingho Festus bu bu krii na tigba mbasha, ma bii Bulus ba na ma. 24 Festu bu kre"Oriye Angaribas na ugbu mangri ni bii kpe naye ni ma na, bu hu ingre naunghona" Ugbu mba Yahudawa bii me ni urushalima na nime pya. su lu nuu na ka me kashengho sabo yima wungho, 25 Mu hu ku sa lu kandu ti ni ma wu'nghonga; a su ifei na oriye, 25 Mu me tungho ba, 26 A ma mu ba su na kandu ti wa ni oriye, ni riisii nangho nga, me bungho ba nawu, Ni bu bubu, oriye Angaribas sii me fe kandu ti ni miriya ti wa ni riiisii ummon nangho. 27 Bariya ti wayi nga ti me tuu ingri khirii ba su ba wa ungho ti ni ma ri yangho ni riisiinghonga.