1 Agaribas bu la ni Bulus,"Buriya ti ya ti ya ti krii na riisiiwu" Bulusu bu nyende sii nuvhangho sii krii kriingho. 2 Mu hu riisii na kukpru,Oriye Agaribas,ti me krii ummo me nikachuwu ni riingho ni riisii ugbo ungho ti ni mba Yahudawa rii yame ni riisingho, 3 Musama ti ni bu su Goni ni na kuhu ti jew. me rii fe nawu lure sii kpe utu ikrii me. 4 Npreji,mba Yahudawa Shwrashwrama kati su re wusa me ni miti me na urushalima. 5 Ma hu me rii iriirii,ni ma riya ti krii npreji,musu Farisiyawa ngha nama ni su unghu ti sharungho ni kame kudu ti tayi. 6 Bebenghu me ti ni me tima shaummo name nikrii ti ni me bena ki taunyu ti ni kpare lu itiye. 7 Usus ki taunyu naunghumu,Ni ireye awu shi aha demiki ma ti buu ni ma duriisii ni kpare na npreji chu nanyu,usu ni riisii ku de miki nanghumu,oriye,Ni mba jew mari yeme. 8 Ike gu ti ni su ni be hiigho ku kpare riiru na mba ti ni mafu? 9 Meme na riisiime gaah ku meriya ti lu kandu ni riisii nde Yeso Banazare. 10 Mu lu nanghu ni urushalima. mu chu ugbo mangre ti ni rii du kpare ti npreji ni khirii na ku shiru ti ni mefe rii na tigba mba ruku; Ndi ni ma wuma mu duboh me ni riisiima. 11 Mu na ma riingra ni ugbo rukpu ni kame kazhe kpare na mu lu ti ma krii unghu ti biinghu ni risii kpari mu lu kafu su bii mioki na ma sii na ma ringre katu miti kayi. 12 Ni mika lu nanghu me ka Dumashku na kushiru na ku bu ti tigba mba ruku. 13 Ni hunigha na katiti nu oriye mu hu kila rii kari ti ni kpaku kra na unu a shaa go meme na mangre ti nima kakre na me. 14 Shwrashwra ye i ku ni miti me kpeutu ni lila, a rii kro na me na ire mba Ibraniyawa shawulu shawulu, bu rii name ringre ni krii ki. Ya lu wu rengre ti ka mubii. 15 Mu krii bubu mu ni bu suindi Dada? Dada bu yeh naungho me mu ni me su Yesu ti ni bu rii name ringre. 16 Ikru ti na ni riisiiunghu nangho mu ni mu ruu na wu ti hiwu so su uwu kutundu na ingre ni reya krii ni riisiime ungho ti ni bu hu ni riisima na iriiungho ti ni miriya ti kla ni ihiiye?. 17 Muriya ti bowu sabo ni uboo mangri na mba kaye ti ni miriya ti tuu wuya nama. 18 Ti fu iye ma su rema reuhuu ba kila na sii bu ma sabo re uboo ingri ti biigho ba na kpari su ma fe ri na kpari ku lure rii na ungho ti biingho na sii ma fe isii wafu ti ni me ri na mba ti ni fe ku napiyepiye rii ku fu mikima na me. 19 Na nyumu agaribas me sa ngbutu na unghu ti ni mu hu re karinga. 20 Na irii mbati ni makpe ni Dimashklus na Urushilima na shwrashwra miti ti ni makpe ni Yahudawa, pye mba ti kaye mu krii na ma ku ma bwa ihii ti biinghu sabo su ba riiba na kpare su ma lu ungho ti ni riya ti kla ku ma bwa unghu ti biingho sabo. 21 Ungho ti ni sa mba Yahudawa bu ruume ni khizeh kpare su riisu ti wume. 22 Na nyumu mu fe ku graa ti ni rii kachu kpare ma tu kpri ti ni riin gho na. Miti sii la mba ti gba na mawuchi ungho ti ni bii kra ni kandu ti ni mba kutundu kpare na Musa krii ku riya ti banga. 23 Ku kristi riya ti wa rengra unghu ni su ti irii ti ni yande re rufu riya ti krii ikrii ti kpa kungho ni mangre ye na mba ti kaye. 24 Nde krii ikriiunghu mem fistu bu krii na lila tigba ngho '' Bulus bu rii shra ku mbewu ti ni gla ti gaha u Djuwu riisii. 25 Bulus bu krii ''festu ingri ti gba mu sa rii shranga mu rii krii ikrii ti npreji na ummo ti siingho. 26 Oriye hu ungho mbamw na nyumu mu ni mu rii krii ba shwrashwra nga na ungho ina me ni igah me ku unghu bame shwrashwrama uhuma ma ba lu ma na rubabanga. 27 Oriye bu bii na mba ti kuhungho ti ihiye? Mu hu bu biinama. 28 Agaribas bu krii ni Bulus bu niyatireme mu su kristi ni rukpu wuchichi?. 29 Bulus bu krii mu lu refeh kpare ku ni rukpu wuchichi rii rukpu tigbangho, basunibubo mungbanga na mba ti ni makpe utu ni krii me ni ringhu ma su kameme Ama basu ni kame zrenzren nga . 30 Oriye bu yande na ingri tigba miti na bernice pia mba ti ni makpi na ma. 31 Ni ma shi kame shakpa ma krii na unghoma ku, ''ingri nangho balu kandu ti ni mariya ti wuungho nga rii na chu'unghonga. 32 Agaribas bu la festas ingre nangho maka usu na ungho uboh iba ku unghu sa riya ti fe kaisar nga.