1 Kpri ti atta,Ananiya tigba mba ruku,na mba ruku saga,na Terlullus ingri ti juukrii,ma ka ngha,mangri mbame bii ummu ki sisiinnghu ni risi Bulus ka na ingri tigba miti. 2 Bulus bii yende ti ni iye tigba miti,"Ni riswumu yife ku kala miki tigba,na kuhu mu ni bii kuye ba na mikiyi. 3 Na ku whiir i bu ngho ti ni bulu,tigba filakus. 4 Sii mika bii nawa rekpuyi,mu rii fehinawu ti ulurisi sii kpe utu naye wugya. 5 I fe ingri ngami iri ze koyi ti ni rii nikrii sii uba su ndi ni kame yahudawa ni gbo miti nama yigwva usu ingri tigba ti Nazerene. 6 Usa ti na bii shakpa mu irungho. 7 Ama lysiya,ingri tigba ba bungho na kusharu ni baye. 8 Ni bu mie Bulus ungho bame shasha,buriya ti hhu ungho ti irii yi ningho. 9 Mba Yahudawa pye maka ningho ikla ku unghu bame uso riisheshenghu. 10 Nde ni tigba miti la Buluis ti na ingri Bulous bii yaa,"mi yi busu ingri ti shruummo ti miti ngho nakasasa,mu na kukpo ti kla riisiime nawo. 11 Buriya ti hu na riisiiwu ku ba kra ikpri awusha ahanga ni mika ti doriisii ni urushalima. 12 Nde ni ma fe me ni shakpa mu ba yenyu na ngronga,mu ba zemangri yi ni kaze Yahudawa rii ni ukonga. 13 Ma riyati klawu kandu riibii ni risi mi ngha. 14 Mu krii timi nawu,ku ungho ti ni mari bii ku mangri ngaha na ungho mu ni mari do kpare ti matiye,mu bii na ungho ti ni bii na ummu na ungho ti ni mba huko wa. 15 Mu su na ku somiki ni kpare so ti mangri mbame,ku matisii na tibii mariyati yende. 16 Na nyemu mu rii nyera isiina isimiki me na su piyepiye ni kachu kpare na mangri. 17 Ni khizi ugbo iye mu ba ti bi kre miti me na dii riisii. 18 Nde mu lu nangho,mba Yahusawa Mbasaga ti ni mari Asiya bu bu fe me ni kame ti ku suga.Ni kame shakpa ba ugbo mangri rii urunga. 19 Mangri be me ma ka ba kachuwu be beme na ungho ti ni mari yame,ni ma su na kandu. 20 Rii,mangri mba ma kre ungho ti biingho ti ma fe me nangho na me ti ni kukpe ti mba ruku ti Yahudawa. 21 Ni ba su ni riisii ungho indidi ti mu luvu ni kame ma usu ni riisii krii ku yende mba ti ni mafu mu ni me ti ma shruummo na me ni kachu wu aremi. 22 Felisi ti ni su na kuhu ni ahi risii bu sati na igrii sii kre"Ni lysiya tigbasha rii re urishalima ba,mi yati hu ungho tilu ni ummowu". 23 A la ingri tigba ku ma bii Bulus yata ni kirii,sii nangho kachu ti na hu makamussa nghu ti ni mariso ti nungho. 24 Ni khizi ikpri gyaa Feliku bu reba uma Drusilla nghangho,ti ni su Yahudawa,Aku ma bi Bulus bawa,kunghu kpe utu ni krii kusu miki ni kristi yeso. 25 Bulus krii nanghu niriisii ku lu risiisii,ku bii riisii na ummo ti ni riya tiba,Filaku loshri shi kre reya nghowu,ni me fe rukpu me riyati bewu". 26 A sumiki ye krii ku Bulus riyati nangho umgba a ka tu ma biingho ba rukpu na rukpu a ka krii nangho. 27 Iye aha bu ka,porcius Festu a su tigba miti ni khize Filakus,filakus bii kani kubu na arii Yahudawa,sii bwa Bulus sabo ni kirii.