Ugrii 23

1 Bulus bu uso yea na ma makpi si kre mawuni mi di mikimi ni kre kpave ka rikpu rufumi. 2 Ingri tigba Ananias khre ni mba ni makpi nanghu ku ma ka ngho na kanyu. 3 Bulus kre nangho kpare riya ti zriwu,bubo ingri ire bu sa ti shru-mmu name,sii lama kuma ka me,ma kre nyi mungha. 4 Mba ti ni ma kpi ni kachun,ma krii"nyimmu bu rii ttmba tigba ndu kpare? 5 Bulus be krii ku,"mawonina me be hu ku usu ngri tigba kre kpariga,ma wa kakanbe ye bu kre,krw ribi ni ingri riku yinga. 6 Nde ni paul huku nbasa ni ku kpeidi su saduciyawa mbasaga bu su Farisiyawa.ma tha miki ni kame ku kpe denghu,"mawunina,ni yende rufu ni ma shrummu nami. 7 Nde ikrii nyi ngaha,ku triinghbu yende ni kame farisiyawa na sadusiyawa ngbo mangri na shayi. 8 Arii sadusiyawa krii ku baku yende,re rufu,ba mawundu ba mba uhu, ma farisiyawa bii ma shwrashwra. 9 Na nyumu Nuu buti ringri mba kuwah ti ni ma su ni kame farisawa bu yende kuma bi binga yi ba hu kandu ti bii na ingri nanghu ga.Anga yi ko uhu ko wundu su luyri na nghnu? 10 Rikpu ti mu yende na kre shwreru,iriye ruke lu shrishri ma lri yati lre Bulus shreyi,ku ma ya ne ngbo na kushiru ni kame ku kpi ma bi nghu bu upu ma kpala. 11 Uchu ti ahanghu kpare bu ruu ti nanghu sii kre "Gbamiki,ayende ni bu krii ni riisiime na urushalima nyumu ni buriyati krii ni riisii ni Rome" 12 Nde ikpri ngha mba yahudawa mbasaga bu kanyulu su tchumangri ku ma bariya ti iri ni wa sai ma lri wu Bulus. 13 Masu mangri owu ane ti ni ma ka nyu lu gre nangho. 14 Ma ka chu ma friest tigba na mba ruku sii krii" Yi chrumangri ibariya ti ri kandu sii yiwu Bulus. 15 Bebebghu mba rukuna ma tigba mbasha ti na binyuba,ka bu ti binghu bu ti shrumu nunghu risisi.Na titayi ima kpi rigbe ti waungho kame na ba mi. 16 Ka uwu wani Bulus hutu ku ma klu iriba ka uwu wani Bulus hutu riigbe,Ikaka ni kachu ti ni ma ta Bulus sii ka langho. 17 Bulus be indi ni kame mba ti ni gbenghhu sii krii"ni wusanmi ya kachu ingre tigba mbasha,usu na kandu ti ni riya ti nanghu. 18 Ingri tigbenghu dinghu bu hi wusa dinghu bika kachu tigba ma,sii krii"Bulus ti ni ni khirii bii me ka kachunghu,sii ku mui bi wusa nanghu ba nawu.Usu na kandu ti lawu". 19 Tigba mba sha dinghu bu bi wusadinghu nu boo kachunde sii mia ngho" Aki buri so ti kre namiyi. 20 Wwusa dingho bu krii"mangri yahudawa ma hanyu nghuma riya ti mie wu ti ni Bulus biba kachu mba ruku,rii yeso ka ma riya yi mienghu kandu ni riisii umonghu. 21 Ka sanghu ka bi nghu na mayi nanguma kre mangri ti ni makra na awune ti ni ma klo kpengho.Ma shrumangri nanghuma kuma ba ri ni wa kandunga sii nima wunghu.Bebenghu ma,makpi regbe wu ti be nama". 22 Tigba sha dinghu bu sa wusadinghu na yanghonghu,sii langhu ku na kalangro ku ba langhu mbe me nanghoye. 23 A be mba tigba aha baa sii krii fe mbasha ugba aha ni mariya bi ya caesarea,na mba ti too myha a wutamba pia,na mba ti ta bye kakji ugba aha bu riya ti nyende na ungba Senai ti uchu". 24 A lama ku ma feh ningha ti riiya ti hi Bulus biya she pia ni kandu Filaku ingri tigba miti. 25 A waa kakambe kru nanghu. 26 Kalaudiyas Lisiyas ya kachu nghu tigba miti Filikus,Kukjur nde. 27 Ngri nanghu mba Yahudawa ya ti wungha mu ba na mba sha su ba bongha saboo,Ika ni utume ku usu ingri Roma. 28 me na su ti hu aki ni ruungha nanghu,sii me hinghu ba kachu mba ruku ma. 29 Ma hu ku ma ru tunghu ni krii Nmu ma,Ama ba kandu ti biinghu ni riisiinghu ti ni ma wungha rii ma chunghun. 30 Ma ba la me ku ma hanyu lu ni riisii ingri nangho,mu me tungho gblagbla ba.nawu,sii la mba ti ma bii Nmunghu ku ma pia ma bi krii ma ba ni kachuwu shepia". 31 Mbasha ma bu he krii dinghu nyumu.Ma hi Bulus nachungaha ka kachu Antipatis. 32 Ikpri ti aha,rengri mbasha dima bushe mba mingha ma bengho yawa Mma bu rekanghoma. 33 Nde mba mingha na ka Caesara sii na ingri tigbamiti kakambe sii nanghu Bulus pia. 34 Nde ni ingri tigba miti kla kakambe sii mie ku Bulus su ngrinye a hu ku irii Cilicia. 35 A krii"riiya ti hu shasha ni mba ti ni ma bi Mmu wu maba me" I lama ku ma bengho yata ni kiri ruku Hiridus.