Ugrii 22

1 Mawani na Matina,Wu kre mina unghu ti mirii ya la naunghu na'. 2 Da ni gbu mangri wu kre Bulusu kre na ma ni ire Yahudanci, ma kpi na ngbe. A kre ", 3 Mi su bayahude,Ku whe tarsus, miti kili kiya, mi gba ni miti naunghu,ma kla mi ni hoo Gamaliyal,makla mi hii risheshe ni kre mati. miri na kpra ni kpare,lkru ni lulu shrewshrew ni ireh unghu. 4 Mi na mba ti duh ringrah ni hii nanughu,miri wu ma,miri bwa mangrii lulu na mangri, 5 Tigba Firist na arii mati ruku beh na kre naughu,Mi bu kakambe,na ma rii mawani ni Damashika,mi kaa urushalima ti ya bwa ma rhema ba minama ringrah. 6 Da ni fe mi kaya ti lu hoorikree,da mi digbi na Damashika,na noo khila tigba rii kare a kha kpako ni kachu mi. 7 Mi ruku ni miti shi wu kre na lila re kre nami," Shawulu, Shawulu,aki ko bu rii nami ringrah?" 8 Mi beh,bu su ndi Dadayi? A kre nami,me su iyeso ti Banazare ti ni bu rii naughu ringrah. 9 Mba ti ni ma kpio nami wu khila di,ma ba fe kuwhuu lilla ni rii kre nami ngah. 10 Mi kre,Aki mirii ya lu,Dadayi?Dadayi bi kre na mi,Nyende shi ya kame Damashika, Nibo ma riya la nawu ongho piye piye ni biriya lu; 11 Mi ba ya ti whu ikoh ngah na kpako khila ni sheyi me. Mbati ni yi kre nama,ma gbi mi ni boh ba Damashika. 12 Ni ngha mife ngrii ti na ma ri beh Hananiya,ti ni rii duh kre kpare na ummo,ti ni arii Yahudawa ti ni ma suu mari beh naunghu ningha. 13 A bah nime a suu digbi ni me,a kre; Wani Shawulu,buh ku huuwu, Ni ruku ngah ha,me wu unghu. 14 Nyinmu,a kre, kpare ti matiyi,mi chuwu shi hu srii ongho unghu,ti hu mba ti mari lu ma,shi hu tu lilla ti ni ruhu ni kanyu unghu. 15 Bu riya tayi na ughu na gbu mangri ni ongho ti bi hu na kpi tu. 16 Bebeunghu kuki bu rii gbe? Nyende,lu Baftisma,shi nah ongho ti bii lubwa,shi ka be Ndehunghu. 17 Da ni mi reba urushalima,ni mi ka feh naughu ni kaze shakpa.a su kama ri nami kera. 18 Me hu nghu a kre name, Kkreela shi bwa urushalima sabo na krekre,ma ba riya ti buh krekre ni bi kre ni risiime unghu ngah. 19 Meme me kre, Dada,uma ma hu ku me tama ni khiriishi chu mba ti ma beh na uwu ni arii shakpa. 20 Ni shiye ye na ni ma lubwa na mayi lstifanus me teh ni nyha shi beh sukii me ka neh a rii ttro mba ti ma ka wuunghu. 21 A kre name, ya, me riya tuu uwu ya kachu ti lu uglo nghu na mba kanyu. 22 Ma kpitu na unghu na arii kreunghu,ni ngha ma yende na lilla ma shi kre, "Chuko na irii ngrii ngah ha ni gba miti,ba lu ma ngah nasu na ri ngha ngah. 23 Da ni mari lunvu,ka lubwa na rii uttro ma,ka lubwa na ruhbru ni uhwu. 24 Ngri tigba Dakre Bulus ku ma bi unghu ya kame kachu arii mba ti kpra.A de kre ku ma mye unghu ma naunghu ringrah, Na grunghu ya wu ongho ti ni mari lunvu na unghu too ngha na. 25 Da ni ma bwa unghu na gugoo,Bulusu kre na ngrii ti sheru ti ni teh ni ngha. uma na yi na shi chi ngrii ti su na kubeh ni Roma,a su"ummo ba ru unghu ngah?" 26 Da ni ngrii ti sheru hu kre naunghu,a kah na tigba Firist a la naunghu,kre "Aiki bu reso ti lu? Ngri naunghu isu ti mioti Roma". 27 Ngrii ti gba ba shi kre na unghu"la na me bu su ngrii miti Roma? Bulusu bi kre. 28 Ngri tigba bu beh,Isu na ugban ti brinbrin unghu ni me bu ti su ngrii miti"a sukii bulusu kre,ma weh me me su ngrii miti Roma. A su ti mangrii ma ka so ti myenghu,ma bwa unghu sabo richuchu. Ngrii tigba bu shrweshrwe,da hu Bulusu so ngrii miti Roma,rukpu arii bwa unghu ye. 30 Na kprii Nyah,Ngrii tigba rii so ti hu risheshe unghu na mba Yahudawa ni risih Bulusu na kubwa unghu. A ree unghu sabo ni isha ti ma bwa unghu, A bulusu ba nama shi ta unghu ni kateteh ma.