1 Nyenmu Bulusu bu kah Darba,na Listira,ndi ni kame mawu duh na ndeh Timoti teh ni ngha,uwu ti ngha Yahudawa ti ni su ngrii ti beh na kre kpare,a sukii iti unghu su Bahelene. 2 Ma uwu ni ti ni kpi ni Listina na lkoniya ka kre risisi ni risih unghu. 3 Bulusu so Tomoti na kree naughu,a hi unghu shi kyegbu naunghu don arii Yahudawa ma kpi ni kachu unghu whu ku iti unghu su ngrii Bahelene. 4 Rikpu ti ni mariya arii ukoh,ma ka kla arii ngho na mba ti mazezeh duh kpare,na mba tigba ti ni ma kpi niurushalima nama ma duh. 5 A su Nyinmu arii kaze kpare ma sheru na ku Bimiki ma ka brinbrin ni kprii ngha. 6 Bulusu na arii mawuni unghu ma ma zu a rii miti Firijiya na Galatiya nayinmu uhui risii bu ba bwa ma sabo ma krekre kpari ni miti Asiya ngah. 7 Ki Mma ba misiya,ma lu miki ti zau miti Bitiniya, a suki uhu risii ba beh nama ma zu ngha. 8 Ki Mma zu kaye misiya,ma ba miti Taruwasa. 9 Bulus bu raa kirahna chu,ngrii miti makidoniya yende ni ngah,ka fe naungha shi kre "Ba miti makidoniya shi ba rhighhreyhi" 10 Da ni Bulusu whu khirah,richudin ma neh ti ya Makidoniya,ma whu nyinmu ku kpare rii na gahi ti ya krekre kpare nama. 11 Asu yinmu,ma nyende ka'a ni wasii mangyi kaa Toiruwasa,ma duita kaa kayeh Samutaraki,na kpri ngha ma ka'a Niyabolis. 12 Rii ngah ma kaa Filibi ni kaye di,ni su miti Romawa,ni miti di mu lu kpri brinbrin. 13 Ni kpri Asabar yi kaa hii kachu mangyi teh,ma wu ko kachu unghu Ya sii ti lu kufeh,yi kpi miti shi kre na mangha ti ni ba hakpi. 14 Ngha ndi na ndeh Lidiya,ti rii bvha na uttru rubaba ni miti Tayatira,ti ni Dorisi na kpare,a kaa wu kre yii. Dadayi fu mikii unghu na wu kandu ni Bulusu ka kre. 15 Da unghu na kirii unghu lu baftisma,a feh nayi,shi kre, "Ni bu uttru umo me ku me rii lu risheshe unghu na Dadayi,ba shi ba kpi ni kirii mena" A rumikii ma. 16 A ba rukpu ngaha,ni yi kaya kachu kufeh,wuna ifii ni su na uhu ti bii unghu fe ma. Na ndu kuhu unghu iti kirii unghu. 17 Nghha na unghu bu du Bitrus,na yi aka lunvu,ka kre na unghu ma su mba nduh gbuyi kpari. Mari krekre na uwu na ihii ti krayi sabo na". 18 A lu nyinmu ni kpri nghongho,A sukii, Bulus,a fu mikii ribiibii na unghu,a whrii shi kre na uhu ribii unghu, "Me Dekre nauwu ni ndeh Yesu kristi ruuyi na unghu" Yinmu a runyi naunghu ni rukpu di. 19 Da ni iti kirii unghu wu ku ruchu ma ti lu ugban fu,ma ru Bulusu na sila, shi kpi ma kachu ruchu ni hi yi mba ti gba mati. 20 Da ni ma bi ma ba na mba ti thw-ummo,ma kre, Mangrii mbame ma ri dyekre ni koh. Ma su Yahudawa mu. 21 Ma ka krekre ongho ti bii unghu ti ni mba Romawa ba ya bu ma lundu naungha ngah. 22 Ni ngha ugbu mangrii ma nyende klu arii Bulusu na sila,mba ummo bu gva uttro ma Dekre na ma,ma Chima na Nbrengban. 23 Rikpu ti ni ma chima risisii,ma chuma ta ni khirii,ma Dekre ku mba ti khikii ma dyema risisii. 24 Ki a fe Dekre naughu,mba ti khirii ma chuma ni kameme khirii ma bwa arii hoo ma. 25 Na ka tchteh chu Bulus na Sila ma kafe na kuta shungba ti kpare,a sukii ringre mba kirii ma ka kpitu. 26 Na yinmu ni ngah,Miti bi gluglu ti ni lu lkpi kaze khirii bu gluglu,na ningha mu arii gahi ma fu a mangrii ma bira ma ree. 27 Mba khirii ma ruu ni khila ma hu gahii kaze khirii Nyohwo, A tra khaja unghu ti wuu wuu kuunghu, Nayinmu a ka wu ko ma juwhre. 28 Ko Bulusu lu nuu ni lilla,ka kre, "ka wu kuunghu yi yi kpi ni ma," 29 Ngrii khirii bu kre ma bi khila ba,a nyende gbla ka kame,a kalu shreshe,a rukuku miti ni Bulusu na sila. 30 A bi ma ka kaye a kre, "mba riku na,a ki miya lu me whreh? 31 Ma kre, 'Bih na Dada Yeso,ma bu riya ti whreh,bubu na khirii unghu" 32 Ma kre kre ikre kpare ti Dadayi naunghu,na gbu mangrii ma kpi ni khirii unghu. 33 Ngrii khirii bu gluma ni rikpu ti chu,a nah a rukoo ma na unghu na mba khirii unghu ma lu nama baftisma richuchu. 34 Ki a bi arii Bulusu na sila ruu khirii unghu a so irih nama,a whreh risisii na mba khirii unghu,unghu be na kpare. 35 Da nisu na kpri,mba ummo bu tu dun kaa na ngrii ku hu khirii a kre "Bwa mangrii ngaha ma ya". 36 Ngrii ti gbe khirii bu ka ni Bulus,ka kre, "Mba ummo ma tudun nami gu mu bwa sabo shi ya na,Bebenghu ruye na,ya ni kalamikii na". 37 Ku Bulus kre nama, Ma chiyi ni sheyi mangrii ba na ummo ngah, ki yiyi su mangrii Romawa ma chuyita ni khirii.Bebe unghu ma rii ya ti zuyi na rubaba? Uma ma ba na risih ma chuyi ruye" 38 Ngrii kuhu khirii bu ka kre ni mba ummo,ma hu ku Bulusu na sila ma su mba Romawa,ma lu shreshre. 39 Mba ummo ma fe kulu ree na ma,ma chuma ruye,ma la nama ma bwa koh naunghu Saboh. 40 Nyinmu,Bulusu na sila ruye ni kame kaze khirii maba kirii Lidiya. Da ni Bulusu na sila wu mawuni,Ma zhimikii ma a bwa kame koh saboh.